Տանյա, Ձեր օրակարգն ապշեցնում է: Դուք նոր եք վերադարձել արձակուրդից և միանգամից հայտնվել Մոսկվայի կինոփառատոնո՞ւմ:
Ոչ, ես մի քանի օր անցկացրեցի տանը (ժպտում է): Վալենսիայում ես երկրորդ անգամ էի: Այս քաղաքը շատ հարմար է ուժերը վերականգնելու համար: Այնտեղ կա այն ամենն, ինչ ինձ դուր է գալիս՝ և՛ թանգարաններ, և՛ հիանալի բնություն, և՛ լողափներ: Սակայն իմ աշխատանքը համացանցում է, և արձակուրդիս ընթացքում ես նույնպես աշխատել եմ:
Մոսկվայի կինոփառատոն այցելությունից հետո սոցիալական ցանցերում կիսվել էիք ձեր զգացողություններով: Մյուս Տանյայի՝ «թմբլիկի» մասին, որը չի հավատում, որ կյանքն այդչափ փոխվել է: Պատմեք այդ զգացողությունների մասին:
Ես կատակում էի, սակայն եթե մտածենք, «նախկին» Տանյան, որն ապրում էր իմ մեջ, շատ զարմացած էր: Ես սովորական, ոչ հարուստ ընտանիքից եմ: Սովորել եմ, աշխատել և համացանցի շնորհիվ ստացել եմ ամեն ինչ փոխելու հիանալի հնարավորություն: Եվ կինոփառատոնին հրավերքը ինձ ուղղակի ապշեցրեց: Անհնարինը հնարավոր է՝ այս պատմությունը բազմիցս է հաստատվել կյանքում: Դա պարզապես հիանալի է, երբ մարդիկ կարող են փնտրել մոտիվացիա՝ շնորհիվ իմ փորձի:
Իսկ որտե՞ղ էիք ինքներդ փնտրում մոտիվացիա՝ դեպի լավագույնն ուղղված Ձեր շարժումը շարունակելու համար:
Ես կենդանի էակ եմ: Իհարկե, ուզում էի թողնել ամեն ինչ՝ և՛ նիհարելու ընթացքում, և՛ բլոգը վարելու ընթացքում: Դժվար է թողնել, երբ չկա այլ ընտրություն. դա աշխատանք է, որը քեզ դուր է գալիս, այն հեռանկարային է, և անհրաժեշտ է սպասել, չէ՞ որ նախագծերի լսարանը և փորձագիտական կարողությունները ձևավորվում են ժամանակի ընթացքում, և արդյունքը միանգամից տեսանելի չէ: Այնպես ստացվեց, որ ինձ շրջապատում են միայն լավ մարդիկ, որոնք օգնում են բարդ իրավիճակներում: Այս աջակցության շնորհիվ՝ ամեն ինչ ավելի հեշտ է:
Եթե աշխատում ենք գրասենյակում, ունենք 8 աշխատանքային ժամ: Երբ աշխատում ենք մեր սեփական բիզնեսի համար, ամեն ինչ ավելի բարդ է: Շատ կարևոր է հասկանալ մեր ներուժը: Ինչպե՞ս է Ձեզ մոտ այն կազմակերպված:
Շատ ճիշտ էր ուժերի վերաբերյալ Ձեր նկատառումը: Ես բազմիցս եմ գերագնահատել ուժերս: Ոչ մի բարդություն չէի տեսնում 7 ժամ տևողությամբ տեսանյութում նկարահանումների կամ քաղաքի տարբեր ծայրերում «աշխատանք-հանդիպումներ, հանդիպումներ-աշխատանք» օրակարգը կազմելու մեջ: Անցյալ տարի 3 ամսվա ընթացքում ես հասցրեցի լինել ԱՄՆ-ում, Բրազիլիայում, Չինաստանում և Մարոկկոյում: Այցելությունների միջև ընդմիջման ժամանակը երկու շաբաթ էր: Դա հիանալի էր, սակայն կլիմայի փոփոխությունն ունեցավ իր ազդեցությունն առողջությանս վրա, որն այժմ պետք է վերականգնել:
Մեզ կարող են օգնել այնպիսի պարզ բաներն, ինչպիսիք են քունը, առողջ սնունդը և առանց գաջեթների հանգիստը: Երբ կազմում ես օրակարգ, որը ներառում է ամեն ինչ (նկարահանումներ, հանդիպումներ, աշխատանքը սոցիալական կայքերում, ինչպես նաև բանակցություններ հեռախոսով, հաշվապահություն և այլն) պետք է ունենալ նախորդ իրավիճակից մտովի անջատվելու և անմիջապես հաջորդին անցնելու ունակություն:
Ես փորձել եմ ժամանակի կառավարման տարբեր մեթոդներ, սակայն դա խնդրի լուծում չէ: Գաղտնիքը էներգիան է, որ կամ կա, կամ՝ ոչ: Այն կարող եք հավելել էլեմենտար գործողությունների օգնությամբ: Օրինակ՝ կենսակերպը փոխելու շնորհիվ: Սկզբում ես սահմանափակեցի ինձ վրա բացասական ազդեցություն թողնող մարդկանց հետ շփումը: Ես չէի նկատում, որքան կործանարար էր այդ ազդեցությունը և ինչպես էին ուղեղումս հասունանում տարատեսակ բարդույթներ: Դրանից հետո շփման շրջանակը փոխվում է, քեզ շրջապատում են քեզ անհրաժեշտ մարդիկ: Քեզ հոգով մոտ մարդկանց կարող ես գտնել և՛ նկարչության դասընթացների ընթացքում, և՛ սպորտային ակումբում: Այնպես որ, պետք չէ վախենալ փոփոխություններից: Եթե այդ վախն առկա է, ուրեմն փոփոխություն կատարելը պարտադիր է:
Նախորդ հարցազրույցում պատմում էիք, որ Ձեր առաքելությունը մարդկանց գեղեցկացնելն է, օգնել նրանց ունենալ հարմարավետության զգացողություն՝ կապված մարմնի և կազմվածքի հետ: Իսկ ինչո՞ւ հենց օգնել:
Ինձ թվում էր, որ ամեն ինչ զուգահեռաբար անելը ճիշտ է. և՛ օգտակար գործեր, և՛ նախագծեր, որոնք օգնում են ապահովել սեփական կյանքը: Չէ՞որ լայքերով լույսի վարձը չես մուծի: Ինչ որ սահման հատելուց հետո կարող ես ապահովել քո սնունդը, երբ ունես բնակության վայր, ապա ուզում ես անել նաև օգտակար գործեր՝ օգնել և զգալ հետադարձ կապը: Չէ՞ որ անհնար է մշտապես միայն տալ:
Իսկ ի՞նչն է Ձեզ լիցքավորում:
Կյանքի պարզ ուրախությունները, հանդիպումներն ընկերների հետ, ճամփորդությունները և մայրիկի հետ հանդիպումները: Լուսաբացը, երբ քեզ արթնացնում է քո տնային կենդանին (շունը կամ կատուն), իսկ սիրելիդ պատրաստում է քեզ համար նախաճաշ: Իմ բախտն ինձ ժպտացել է, քանի որ աշխատանքս թույլ է տալիս ճամփորդել: Տեսնել՝ ինչպես են ապրում այլ մարդիկ, իմանալ նորը: Ես նաև ոգեշնչվում եմ պարզ մարդկանցից և՛ իրական կյանքում, և՛ համացանցում, սիրում եմ նայել անգլիալեզու ալիքներ:
Դուք նկարահանվեցիք Օրիֆլեյմի արդեն երկրորդ գովազդային հոլովակում, որը կոչվում է «Շարժվի՛ր դեպի լավագույնը»: Ի՞նչ է Ձեզ համար լավագույնին ընդառաջ շարժվելը:
Կյանքի բոլոր բնագավառների միջև հաշվեկշռի որոնումը և սեփական գաղափարներն ու ներուժը ռեալիզացնելու ցանկությունը, և պետք չէ մոռանալ՝ մինչ դու երազում ես որևէ բանի մասին, կյանքն անցնում է այստեղ և հիմա:
