Միայն սիրով
Երբ մենք համալիր մաքրում իրականացնելու համար ուժ ենք գտնում, ապա ավելի հաճախ մտահոգվում ենք ոչ թե նրանով, թե ինչպես ազատվել իրերից, այլ՝ ինչպես դրանք մաքրել և ինչ-որ տեղ թաքցնել: Մինչդեռ գաղտնիքը նրանում է, որ պետք չէ պահել այն, ինչից չես օգտվում: Եթե իրը վաղուց արդեն դադարել է քեզ ուրախություն պատճառել, և դու հիշում ես դրա մասին միայն մաքրություն անելիս պատահաբար դրան հանդիպելիս, ուրեմն ժամանակն է այն վաճառելու, նվիրելու կամ պարզապես աղբը գցելու:
Որքան քիչ են իրերը, այնքան քիչ է մաքրության անհրաժեշտությունը
Որքան շատ սրվակներ, գրքեր, տարրաներ, տետրեր, հագուստ և այլ իրեր ունես, այնքան շատ խնամք պետք է տանես դրանց հանդեպ: Մաքրություն անելիս իրերին քննադատաբար մոտեցիր: Եթե արդեն 5 տարի դու չես կարողանում սկսել կարդալ տվյալ գիրքը, իսկ տվյալ կիսաշրջազգեստը չես կրում ուսանողական տարիներից ի վեր, ուրեմն ժամանակն է դրանց համար նոր տերեր գտնելու: Բացի այդ, որքան քիչ իրեր ունենաս, այնքան հեշտ է տեղափոխվելը՝ նման անհրաժեշտության դեպքում:
Քո տունը քո ամրոցն է
Երբ փողոցից մտնում ես տուն և քեզ դիմավորում է մաքուր բնակարանը՝ դու անմիջապես սկսում ես հանգստանալ: Իսկ եթե շուրջդ խառնաշփոթ է, ուշադրությունը ցրվում է, դու չես կարողանում թուլանալ և մտածում ես այն մասին, ինչպես ժամանակ գտնել մաքրության համար: Որպեսզի տունդ քեզ ուժ հաղորդի՝ պահիր այն մաքուր վիճակում: Դրանում քեզ կօգնի պարզ կանոնը՝ յուրաքանչյուր իր պետք է ունենա իր տեղը:
Ֆիկա քեզ համար
Ամառը ընկերների հետ հաճախակի ֆիկաներ նախաձեռնելու լավ առիթ է ( դրանք սուրճի ընդմիջումներ են շվեդական ոճով): Այն զբոսախնջույքից ու խորովածներից տարբերվում է նրանով, որ ֆիկան տևում է կարճ, ամբողջական սեղան գցելու կարիք չկա, հատուկ ճաշատեսակներ չեն գնվում, այլ պատրաստվում են սեփական ձեռքերով: Բավական է պատրաստել բուտերբրոդներ, թերմոսով սուրճ վերցնել և ընկերների հետ հանդիպել այգում:
Երկրագնդի մասին հոգ տանելը
Մինիմալիզմ՝ նշանակում է նախքան խանութում գնում անելը ինքն իրեն հարց տալ՝ «Իսկ ինձ իսկապե՞ս պետք է այս իրը»: Չէ որ ամեն մի ապրանք այն ջուրն է, հումքը, էլեկտրականությունն ու մարդկային ռեսուրսները, որ ծախսվել են դրա արտադրության համար: Եթե նվազեցնենք պահանջարկը, կնվազի նաև առաջարկը: Ուշադրություն դարձրեք այն ապրանքանիշերին, որոնք թողարկում են բազմաֆունկցիոնալ իրեր և աքսեսուարներ՝ վերամշակված նյութերից (այդ թվում՝ Օրիֆլեյմը):
Հոգնո՞ւմ ես անվերջ մաքրություն անելուց: Ոչ մի բանի համար ժամանակ չի՞ մնում: Մշտապես սթրեսի մե՞ջ ես: Թվում է, որ տանը շնչելու օդ չկա՞:
Եթե դու պատասխանեցիր «այո» այս ցուցակից գոնե երկու հարցի, փորձիր հետևել մեր խորհուրդներին մեկ ամսվա ընթացքում: Մենք պարզ խնդիրներից անցում կկատարենք բարդ խնդիրներին, սակայն դու կարող ես կատարել օրական ցանկացած մեկ հանձնարարություն՝ քեզ հարմար հաջորդականությամբ:
1. Ջնջի՛ր հեռախոսից հին լուսանկարները, հաղորդագրություններն ու հավելվածները:
2. Սառնարանից թափի՛ր այն ամենը, ինչ փչացել է կամ վաղուց դրված է սառցարանի հեռավոր անկյունում:
3. Ամբողջ տնից հավաքի՛ր հին նոթատետրերը, թերթերը և ամսագրերը և հանձնի՛ր դրանք գումարի դիմաց:
4. Մաքրի՛ր համակարգչի, պլանշետի կամ հեռախոսի աշխատանքային սեղանը:
5. Դեն նետիր կենցաղային տեխնիկայի օգտագործման հրահանգների ուղեցույցները, հին երաշխիքային կտրոններն ու անդորրագրերը:
6. Կարգի բեր սպիտակեղենը, գուլպաներն ու զուգագուլպաները: Դեն նետիր այն, ինչ չես կրում:
7. Կարգի բեր անկողնային պարագաները՝ դեն նետիր գույնը փոխածները:
8. Կարգի բեր խոհանոցում առկա բոլոր մթերքներն ու համեմունքները:
9. Մեկ օր պարզապես ոչինչ մի գնիր՝ ոչ առցանց, ոչ սովորական խանութներում:
10. Կարգի բեր սկավառակները, DVD-ներն ու այլ հին կրիչները: Դրանք իսկապե՞ս քեզ անհրաժեշտ են 2019 թվականին:
11. Զբաղվիր գրքերով ու գրադարակներով, նվիրիր այն գրքերը, որոնք երբեք չես կարդալու:
12. Հավաքի՛ր տան բոլոր մանր իրերը՝ կոճակները, մանր խաղալիքները, և այդ իրերին հատուկ տեղ հատկացրու:
13. Դեն նետիր կոսմետիկայի այն միջոցները, որոնց պիտանելիության ժամկետն ավարտվել է, կամ որոնք քեզ հարմար չեն եղել:
14. Գտիր և դեն նետիր բոլոր այն իրերը, որոնք կոտրվել են և նորոգման ենթակա չեն՝ գրիչներ, մկրատներ, խոհանոցային պարագաներ, գործիքներ:
15. Կարգի բեր տոնածառի խաղալիքներն ու տան զարդարման համար այլ իրերը:
16. Ստուգիր, թե արդյոք քեզ պետք են կենցաղային քիմիայի այն բոլոր ապրանքները, որոնք կան տանը:
17. Նվիրիր կամ վաճառիր այն օծանելիքները, որոնք չես օգտագործում:
18. Կարգի բեր սպասքը և թող միայն այն սպասքը, որը էսթետիկ հաճույք է պատճառում:
19. Ազատվիր հին նախասիրությունների համար անհրաժեշտ իրերից, որոնցով այլևս չես զբաղվում:
20. Ունես մարզման սարք, որի վրա ոչ ոք չի՞ մարզվում: Վաճառի՛ր:
21. Ունե՞ս արտահագուստ, որը փոքրացել է, կամ պարզապես դուրս եկել նորաձևությունից: Հանձնիր հագուստների հավաքաման կենրոններին կամ սեքընդ-հենդ խանութներին:
22. Կոշիկնե՞ր, որոնք մաշվել կամ անհարմար են եղել: Տե՛ս 21-րդ կետը:
23. Աթոռներ, սեղաններ և բազկաթոռներ, որոնք երբեք դուր չեն եկել: Հնարավոր է՝ դրանք պետք գան ծանոթներից որևէ մեկին:
24. Չգործածվող շարֆեր և փափուկ աթոռնե՞ր: Առաջարկիր դրանք հարևաններիդ:
25. Գորգեր, գորգիկներ և այլ տնային տեքստի՞լ: Փոշի կուտակող իրերն ավելի լավ է դեն նետել, դրանք այլևս նորաձև չեն:
26. Կարգի բեր պատշգամբը՝ թողնելով այնտեղ միայն այն իրերը, որոնք անհրաժեշտ են հանգստի համար:
Եվ վերջում (թեև սա կարող է դժվար լինել) դեն նետիր.
27. Ուսանողական գրառումները, հին դասախոսությունները, նախագծերը, կուրսային աշխատանքները (քո և քո երեխաների)
28. Իրերը, որոնց համար դու երբևէ նախատեսում ես նիհարել:
29. Իրերը, որոնք սենտիմենտալ զգացողություններ են առաջացնում՝ մագնիսները, սևագրերը, էսքիզները, գրառումները:
30. Մտերիմներիդ իրերը, որոնք փոխել են բնակության վայրը և ոչինչ չեն պատրաստվում վերցնել:
