Օրիֆլեյմը շարունակում է շվեդական Beckmans դիզայնի քոլեջի հետ համագործակցությունը: Oriflame Trend Award մրցանակաբաշխության շրջանակներում արդեն երրորդ տարին Beckmans քոլեջի շրջանավարտները ստեղծում են աքսեսուարների հավաքածուներ: Մենք հանդիպել ենք Ամանդա Բորգֆորս Մեսարոշի հետ, որպեսզի իմանանք ավելին Luminescence հավաքածուի, Օրիֆլեյմի հետ համագործակցության և, իհարկե, ոգեշնչման մասին:
Ամանդա, ի՞նչը քեզ բերեց բարձր նորաձևության աշխարհ
Նորաձևությունը գլխավոր գործիքն է, որն օգնում է մարդկանց արտացոլելու իրենց բնավորությունը, տրամադրությունը կամ ոճը: Ես միշտ ցանկացել եմ լինել դրա մի մասը:
Ի՞նչն է ամենից շատ ոգեշնչում քեզ նորաձևության մեջ
Նոր սերունդը: Արտակարգ է, որ նոր աշխարհի մի մասն եմ: Այժմ մարդիկ կարող են հեշտությամբ աշխատել իրենց վրա, լինեն անկախ և ազդեն հարակից արդյունաբերությունների միտումների վրա, լինի դա մշակույթ, երաժշտություն, թե արվեստ:
Դու ներկայացրել ես հավաքածուներ Ստոկհոլմի, Կոպենհագենի և Փարիզի նորաձևության շաբաթներին: Ի՞նչ զգացիր, երբ ստացար նորաձևության դիզայներների Oriflame Trend Award մրցանակը:
Անհավանական էր: Ինձ համար մեծ պատիվ և հնարավորություն է ցույց տալ իմ աշխատանքները միջազգային միլիոնանոց լսարանին:
Ինչի՞ց են սկսվել Luminescence հավաքածուի աշխատանքները
Սկզբում ես ուսումնասիրում էի «Գիշերային քաղաքի լույսերը» միտումը. ինչպես է լույսը շարժվում գիշերվա մեջ, ինչպիսի պատկերներ է ստեղծում լույսը շարժվող տեսախցիկով նկարելիս: Աքսեսուարների բուն մշակումը սկսել է 3D-մոդելներից, ապա պատրաստվեցին թղթե և մետաղական թելերից օրինակները:
Ինչո՞ւ հենց այս միտումը
Ինձ ոգեշնչել է քաղաքը, դրա ռիթմը և նեոնային լույսերը: Ես ցանկանում էի ստեղծել զգայուն և համարձակ հավաքածու, որի հերոսուհին սիրում է սադրել ու ուշադրություն գրավել: Ես ինքս այդպիսին եմ, ինձ դուր է գալիս առանձնանալ, դուր է գալիս օգտագործել հագուստը, աքսեսուարները և դիմահարդարումը՝ որպես ինքնահաստատման միջոց: Եվ հավաքածուն ստացվեց պրովոկացիոն՝ լույսի և ստվերի հետ խաղացող:
Ի՞նչ զգացողություն է՝ պատրաստել աքսեսուարների սեփական հավաքածուն Orifame-ի համար
Հոյակապ: Գլոբալ թիմն ինձ միշտ աջակցել է աշխատանքի տարբեր փուլերում: Մարդիկ ընդունում էին իմ մտքերը, թույլ էին տալիս ինձ ստեղծագործել և հավատում էին ինձ: Սա շատ արժեքավոր փորձառություն է:
Orifame ընկերությունը ներկայացված է աշխարհի ավելի քան 60 երկրներում: Հաշվի առե՞լ ես այս հանգամանքը Luminescence հավաքածուն ստեղծելիս
Իհարկե: Չնայած պրովոկացիոն բնավորությանը՝ աքսեսուարները միանգամայն ունիվերսալ են: Դրանք հարմար են տարբեր ոճերի սիրահարների համար:
Արտահայտո՞ւմ է հավաքածուն շվեդական բնավորությունն ու կենսակերպը:
Հարյուր տոկոսով: Զուսպ գույներ, նրբագեղ ուրվագծեր, պրակտիկություն և ձևի հստակություն. ահա դասական շվեդական էսթետիկ դիզայնի առանձնահատկությունները: Հավաքածուի ունիվերսալությունն ընդգծում է կայուն զարգացման ձգտումը: Հենց սա՛ է իսկական շվեդական լագոմը:
Ո՞րն է հավաքածուի քո սիրելի աքսեսուարը:
Ինձ շատ է դուր գալիս, որ պայուսակի շղթան կարելի է նաև որպես վզնոց օգտագործել, իսկ շարֆը կարելի է կապել վզին, գլխին, դաստակին կամ պայուսակի օղակներին:
Բացի պայուսակից, շարֆից, ականջօղերից ու մատանուց, Luminescence հավաքածուն ներառում է նաև հարդարաջուր: Բույրը ստեղծել է ֆրանսիացի պարֆյումեր Սոֆի Լաբբեն: Սոֆին բազմաթիվ պարֆյումներ է ստեղծել հայտնի ապրանքանիշների համար, ինչպիսիք են Givenchy, Bulgari և Yves Saint Laurent, նա լյուքս դասի բույրեր ստեղծող հայտնի վարպետ է:
Luminescence բույրի մեջ Սոֆին ընդգծել է արտասովորությունն ու ինտենսիվությունը՝ կոտրելով սովորական պարֆյումերային կարծրատիպերը: Գլխավոր դերում վառ ու էներգիայով լի «էլեկտրական լիցք» ակորդն է, որն արտացոլում է հերոսուհու համարձակ բնավորությունը: Ցիտրուսային էներգետիկ միքսը, միավորվելով ծաղկային ու փայտե շեշտադրումների հետ, ասես մեկ լուսարձակմամբ լուսավորում է ողջ աշխարհը: