Monoroom անվան մեջ պատահական չէ «մոնո» ճապոներեն բառը, որը թարգմանաբար նշանակում է «իր»: Խանութը բացած 3 գործընկեր ավարտել են Ասիայի և Աֆրիկայի երկրների համալսարանը, բայց ծանոթացել են մոտ 10 տարի առաջ ԿԱ-ում: Հենց Ճապոնիա ուղևորվելու ժամանակ ճապոնական բանասիրության ֆակուլտետի շրջանավարտ Ջեմա Ազամբաևայի մոտ առաջացավ նոր ֆորմատի ծանութ բացելու գաղափարը՝ հաճելի ինտերիեր, ընկերական մթնոլորտ, բազմաթիվ նուրբ և ոչ թանկ զգեստներ ասիական դիայներներից (հիմնականում՝ չինական և կորեական): Չորս տարի առաջ «Սրվակ» դիզայն-արտադրամասի տարածքում բացվեց առաջին Monoroom-ն իր պարզ գաղափարախոսությամբ՝ զգեստներ 19990 դրամով կյանքի բոլոր իրավիճակների համար:Որո՞նք են Ձեր խանութի մրցակցային առավելությունները
– Այն, որ դու գնում ես զգեստներ մեծածախ շուկայի արժեքով, սակայն նույն զգեստով այլ մարդու հանդիպելը համարյա անհնար է: Անհրաժեշտ է հասկանալ և զգալ՝ շուկայի պահանջարկը այստեղ և այս պահին, գործել, հարմարվել: Սկզբում մենք սպասում էինք, որ մեր մշտական հաճախորդները կլինեն ուսանողուհիները և անգամ, ավագ դպրոցի աշակերտուհիները, սակայն իրականում մեր հաճախորդները դարձան առավել մեծ տարիքի՝ 24-35 տարեկան կանայք և աղջիկները: Եվ հիանալի է, որ Ռուսաստանում կանայք սիրում են կրել վառ և օրիգինալ իրեր՝ չվախենալով փորձարկելուց:
Սկզբում Monoroom-ի գաղափարախոսությունն էր «զգեստներ 19990 դրամով կյանքի բոլոր իրավիճակների համար»: Ո՞րն է Ձեր այսօրվա գաղափարախոսությունը:
–Զգեստներ 19990 դրամով կատեգորիան հայտնի է մինչ օրս, սակայն ավելացել են առավել բարձր գնային կատեգորիայի բազմաթիվ գեղեցիկ զգեստներ: Ավելացել են նաև ռուս դիզայներներ, որոնց աշխատանքներն առավել թանկ են, սակայն ոչ պակաս հայտնի:
Հիմքը վառ գույներն են՝ հիմնային իրեր մեր հավաքածուներում փնտրելն անիմաստ է: Եթե անգամ դա ամենօրյա զգեստ է, այն կունենա հետաքրքիր ձևվածք կամ գույներ:
«Հաճելի ինտերիեր, ընկերական մթնոլորտ, բազմաթիվ նուրբ և ոչ թանկ զգեստներ ասիական դիայներներից »
Ինչպե՞ս է Ձեր բիզնեսի վրա անդրադառնում տնտեսական ճգնաժամը:
– Մենք չենք զգացել գնորդների պակաս, հակառակը՝ մեր սեգմենտ եկան այն մարդիկ, ովքեր նախկինում գնում էին առավել թանկ ապրանքանիշերի զգեստներ: Մենք այժմ ներմուծում ենք առավել քիչ քանակությամբ եվրոպական հագուստ և շատացրել ենք ռուս դիզայներներից ներկայացված զգեստները:
Ինչպե՞ս եք կողմնորոշվում՝ ինչպես ձևավորել սեզոնային հավաքածուները:
–Հենվում ենք սեզոնային միտումների, օրիգինալ մոդելների, գունային համադրության և որակի, նախորդ սեզոններում գնորդի պահանջարկի և իմ անձնական ճաշակի վրա:
Դուք զբաղվում եք նորաձևությամբ, թե՞ վաճառքներով:
– Ես չէի տարանջատի այս երկու հասկացությունները: Այո, մենք չենք զբաղվում նորաձևությամբ՝ ինչպես արվեստի մի ուղղություն, ինքներս չենք ստեղծում հագուստ, սակայն սա դժվար է անվանել միայն կոմերցիա: Սա կոնվեյեր չէ, բիզնեսին մենք վերաբերվում ենք հոգով և սիրով: Մեր կյանքում գեղեցկությունն ու նորաձևությունն ունեն կարևոր դերակատարություն: Ես գտնում եմ, որ կինը կոչված է այս աշխարհում տարածել գեղեցկություն և սեր, այդ իսկ պատճառով գեղեցիկ իրեր սիրելը մեղք չէ:
Ձեր զգեստապահարանում ի՞նչն է զբաղացնում գլխավոր տեղը:
–Իմ զգեստապահարանը 70%-ով բաղկացած է զգեստներից, որոնք մենք վաճառում ենք: Համարյա բոլոր սիրված զգեստներն ու կիսաշրջազգեստները Monoroom-ից են՝ կանացի ու վառ: Բացառություն են կազմում աքսեսուարները՝ կոշիկները (մանավանդ բարձրակրունկներն ու սպորտային կոշիկները) ես գնում եմ կոնկրետ ապրանքանիշերից, իսկ պայուսակներն այս պահին իմ զգեստապահարանի միակ լուրջ ներդրումն են: Գտնում եմ, որ լավ է ունենալ քիչ (ի տարբերություն զգեստների), սակայն դրանք պարտադիր պետք է լինեն թանկարժեք: Այսինքն՝ իմ ոճը հասանելի, բայց վառ իրերն են և թանկարժեք աքսեսուարները: Այս համադրությունն ինձ թվում է կատարյալ, և նորաձևության ոլորտի բլոգերների և աստղերի մեծամասնությունն ինձ հետ համամիտ են:
Ո՞ր ոճն եք նախընտրում դիմահարդարվելիս: Սիրո՞ւմ եք փորձարկել:
– Դիմահարդարման մեջ ես շատ զուսպ եմ, առավելագույնը, որ կարող եք տեսնել երանգային հիմքն է, գծաներկը և սևաներկը: Բայց սիրում եմ փորձարկել մազերի հետ: Օրինակ՝ Ճապոնիայից ես վերադարձա վարդագույն գանգուրներով, հետո երկար ժամանակ օմբրե էր, 2-3 տարին մեկ անգամ անպայման կտրում եմ ճակատի մազափունջ:
Նշե՛ք այս ամառվա գլխավոր միտումներն ու առանցքային իրերը:
– 70-ականներ: Սա սեզոնի գլխավոր միտումն է՝ ծոպեր, թավշակաշի, դենիմ: Այս ամառն անհնար է պատկերացնել առանց կարճ, ջինսե զգեստի: Նաև դեղին գույնը՝ վառ, հյութեղ, ամառվա համար լավագույն տարբերակը:
Դիմահարդարման մեջ ո՞ր կերպարներն են լավագույնս համադրվում Monoroom-ի ամառային հավաքածուի հետ:
– Դիմահարդարման մեջ նույնպես միտումը 70-ականներն են. Բնական, գծիկներ և ճակատի հերափունջ՝ համադրած նուրբ սնգույրի հետ:
Ո՞ր իրերն եք արձակուրդի մեկնելիս առաջին հերթին դնում ճամպրուկի մեջ:
– Զգեստներ, դրանք շատ կարևոր են:
