1. Պլանավորի՛ր պարգևը, ոչ թե աշխատանքը
Միշտ էլ ավելի հաճելի է սպասել որևէ բոնուսի կամ պարգևի, քան Х ժամը հասնելուն, երբ արդեն պետք է կատարված լինի որևէ առաջադրանք: Օրինակ՝ եթե քեզ խոստանաս գնալ երկար սպասված պրեմիերայի՝ բիզնես-պլանը կազմելուց հետո, աշխատանքի կատարումն ու այն ավարտելը կլինի նկատելի հեշտ:
2. Կազմի՛ր անելիքների ցանկն՝ ըստ առաջնայնության
Հետաձգելու վատագույն դրսևորումն այն է, երբ քեզ պահում ես այնպես, ասես նման խնդիր առհասարակ գոյություն չունի կամ դու դրա մասին տեղյակ չես: Բոլոր առաջադրանքները պետք է լինեն փաստարկված և տեղակայված՝ ըստ դրանց կարևորության:
3. Բարդ առաջադրանքն՝ ավելի վաղ
Ամենաբարդ խնդիրները թող վաղ առավոտյան, երբ էներգիայով լի ես, իսկ այն, ինչ ավելի հեշտ է, թող հետագայի համար:
4. Ծրագրիր ժամանակ՝ կարևոր առաջադրանքների համար
Բոլոր տիպի գործունեություններում էլ լինում են իրավիճակներ, որոնք պահանջում են արագ գործողություններ:
Եթե քո օրն ամբողջությամբ օրակարգված է և բաղկացած է մի շարք հանդիպումներից, ապա ամենայն հավանականությամբ դու կարևոր գործերը կհետաձգես ավելի ուշ կատարելու համար: Թույլ մի՛ տուր՝ օրակարգդ կառավարի քեզ, գործիր ակտիվ:
5. Նշանակիր վստահված անձ
Հետաձգողների մեծ մասը թաքցնում են իրենց անհաջողությունները՝ պարսավանքից խուսափելու համար: Սակայն եթե գտնես այնպիսի մարդ, որին կվստահես ու կպատմես քո հաջողությունների ու կարևոր ծրագրերի մասին, դա ոչ միայն քեզ կմոտիվացնի, այլև կպահի տոնուսում:
6. Ստուգիր՝ ինչպես ես ծախսում քո ժամանակը
Եթե կարևոր գործերի կատարումը հետաձգում ես ծանրաբեռնվածության պատճառով (տիպիկ պատրվակ), ապա արժե ստուգել՝ որքանով է արդյունավետ եղել քո վատնած ժամանակը:
Դու միանգամից կտեսնես, որ ժամանակդ ծախսել ես անիմաստ: Դա ակնհայտ է, եթե կարևոր գործերի փոխարեն կատարել ես ոչ այնքան կարևոր բաներ, կամ կարող էիր դրանք փոխանցել մեկ այլ անձի կամ արտաքին մատակարարների:
7. Մի՛ զոհիր քունդ, առողջությունդ ու անձնական կյանքդ
Մի փորձիր շատ ժամանակ վատնել աշխատանքի վրա՝ քաջ գիտակցելով քո հետաձգելու հակվածությունը: Միևնույնն է, ժամանակի մեջ «չես տեղավորվի», և միայն կգումարվեն անքնությունը, մտերիմների հուսահատությունը և առողջության հետ կապված խնդիրները:
Ամեն ինչ ժամանակին անելու համար չափազանց կարևոր է դրական վերաբերմունքը և առողջ ու քունն առած մարդու արդյունավետությունը:
