Հիմնական նշում. Չի կարելի հերքել, որ մենք ապրում ենք մի աշխարհում, որտեղ զանգվածային սպառումն իրական խնդիր է դարձել: Սակայն մարդիկ սկսում են գիտակցել իրավիճակի լրջությունը։ Կոսմետիկա արտադրողները նպատակաուղղված կերպով ստեղծում են ապրանքներ, որոնց փաթեթավորումը կարելի է նորից օգտագործել, կամ դրանք այնքան գեղեցիկ են պատրաստում, որ պարզապես անհնար է լինում դեն նետելը:
Հետևաբար, եթե դու էլ մեզ պես հավաքել ես դատարկ տարաների և սրվակների հավաքածու, ոգեշնչվի՛ր այս անսովոր լայֆհաքից և իմացիր, թե ինչպես կարելի է դրանք կրկին օգտագործել՝ թափոնների քանակը նվազեցնելու համար:
Signature բույրի վերջին կաթիլը չի նշանակում, որ ժամանակն է բաժանվելու դատարկ սրվակից: Մանրակրկիտ մշակված փաթեթավորման դիզայնը՝ լուսանկարի հանովի շրջանակով, դրան երկրորդ կյանք է հաղորդում: Պարզապես հանիր սրվակը շրջանակից և այնտեղ քո նկարը տեղադրիր: Հոգ տար շրջակա միջավայրի մասին և վերափոխի՛ր քո ինտերիերը:
Խորհուրդ
Համոզված ենք, որ Signature բույրը հայտնաբերելով, դու անպայման կսկսես հավաքել լուսանկարների շրջանակներ: Ինչո՞ւ չսոսնձել դրանք ևլուսանկարների պատ ստեղծել: Փորձի՛ր համատեղել ուղղահայաց և հորիզոնական ձևաչափերը Polaroid կոմպոզիցիայի ոճով և թող կյանքիդ ամենակարևոր պահերը միշտ տեսանելի լինեն:
Հասկանում ենք, թե որքան դժվար է բաժանվել լեգենդար SE սրվակներից: Դու կարող ես շարունակել հիանալ նրանցով, եթե դրանք որպես չոր ծաղիկների կամ փոքր ծաղիկների ծաղկամաններ օգտագործես: Դրանք կզարդարեն քո սեղանը և քո սիրելի բույրը կհիշեցնեն: Պետք է միայն ձողը հանել սրվակից, և ծաղկամանը պատրաստ է։
Խորհուրդ
Մի շպրտիր սրվակի կափարիչը: Այն կարող է օգտագործվել օրիգինալ թղթե կշռաքար կամ անկողնու սեղանի դռան տպավորիչ բռնակ պատրաստելու համար:
Բարձրացրո՛ւ ձեռքդ, եթե դու այն մարդն ես, ով անընդհատ ռետինե ժապավենների և մազակալների տեղ է փնտրում։ Մենք քեզ հասկանում ենք: Թող այս ապարդյուն որոնումը մնա անցյալում: Մարմնի քսուքի դատարկ տարաները վերածիր հարմար ամանների: Դրանք բավականաչափ մեծ են մազերի մի շարք աքսեսուարներ պահելու համար, և դու կարող ես կազմել քո հավաքածուն՝ օգտագործելով տարբեր գույներ: Լոգարանի կոկիկ պահարանները, հարմար ծալված ռետինե ժապավեններն ու մազակալները ջախջախիչ հարված են հասցնում միանգամյա օգտագործման փաթեթավորմանը:
Խորհուրդ
Քսուքն օգտագործելուց հետո լվացի՛ր տարան, պիտակը հեռացրու տաք ջրով և աման լվացող միջոցով: Եթե պիտակը հեշտ չի հեռացվում, օգտագործի՛ր եղունգների լաքահանող միջոց. այն կօգնի հեռացնել մնացած սոսինձը:
