1. ՕԳՆԻ՛Ր ՔԵԶ
Մարդկությունը, ընկերներին, սիրելիներին և մտերիմներին փրկելու փոխարեն ուշադրություն դարձրու քեզ: Հիշի՛ր, որ սեփական ցանկություններն ավելի կարևոր են, քան ուրիշների կյանքն ու երջանկությունը: Եվ դու պարտավոր չես մեղքի զգացում ունենալ, որովհետև ընտրում ես քեզ: Դու չպետք է վաստակես ինչ-որ մեկի սերը: Երբ դու օգնում ես ինքդ քեզ երջանիկ լինել, քո կողքին լինելն ավելի հաճելի է դառնում:
Ինչպես կարգուկանոն հաստատել. գործերդ աստիճանաբար ներառի՛ր օրակարգում: Արա այն, ինչ վաղուց հետաձգում էիր: Մնա տանը, երբ քեզ այնքան էլ լավ չես զգում: Հանգստյան օր վերցրու և ամբողջ օրը ֆիլմեր նայիր: Հանդիպի՛ր ընկերներիդ, որոնց վաղուց չես տեսել: Պառկիր քնելու ավելի շուտ:
2. ՄԻ ՊԱՏԱՍԽԱՆԻՐ ՄԻԱՆԳԱՄԻՑ
Ամեն անգամ, երբ դիմում են քո օգնությանը, ժամանակ խնդրիր մտածելու: Դա հնարավորություն կտա հստակ հասկանալու՝ արդյոք դու ռեսուրսներ ունես: Հակառակ դեպքում քեզ վրա պատասխանատվություն վերցնելու ռիսկի ես դիմում, որն անհամաչափելի է հնարավորություններիդ հետ:
Ինչպես կարգուկանոն հաստատել. մտածի՛ր՝ կյանքի որ հատվածում ես շտապողական որոշումներ կայացնում: Սկսի՛ր ասել «ոչ»: Սա հիանալի բառ է: Այն օգնում է սահմաններ դնել, որպեսզի ապրես քո կյանքով, ոչ թե զբաղվես ուրիշների խնդիրների լուծմամբ:
3. ՄԻ ՓՈՐՁԻՐ ՏԱՆԵԼ ՑԱՎԸ ԿԱՄ ՀԻՎԱՆԴՈՒԹՅՈՒՆԸ
Ոչ մի լավ բանի չի հանգեցնում տառապանքը: Տառապանքի տակ կարելի է հասկանալ նաև աշխատանքի գնալը, երբ հիվանդ ես, ամբողջ օրն աշխատելը կամ հօգուտ ուրիշի սեփական պահանջների ցանկացած այլ տիպի անտեսումը: Դա ձեզ հերոս չի դարձնի նրանց աչքերում: Երբ հիվանդ ես, կարող ես վարակել մյուսներին: Երբ աշխատում ես ավելի շատ, քան անհրաժեշտ է դու քրոնիկ հոգնածություն ես ձեռք բերում, այլևս չես կարողանում գլուխ հանել անգամ ամենահեշտ առաջադրանքներից: Այդպես չի կարելի:
Ինչպես կարգուկանոն հաստատել. օրագիր պահիր կամ առավոտյան թռուցիկներ: Ամեն օր 15 րոպե հատկացրու և գրի՛ր, թե ինչ ես զգում՝ ֆիզիկապես և հոգեպես: Դա կօգնի միանգամից երկու նապաստակ խփել. ազատվել բացասական էներգիայից և գտնել հարցերի պատասխանները:
4. ԱՐԱ ԱՅՆ, ԻՆՉ ՍԻՐՈՒՄ ԵՍ
Անել այն, ինչ չես սիրում, աշխատել ոչ այնքան սիրելի աշխատավայրում, ապրել նրանց հետ, ով արժանի չէ մեզ. մի՞թե սա է կյանքը, որի մասին մենք երազում ենք: Վստահաբար ոչ: Վախենո՞ւմ ես սկսել նորը, վախենո՞ւմ ես ոտք դնել անծանոթ հողի վրա և ռիսկային որոշումներ կայացնել: Հասկանում ենք քեզ: Սակայն ավելի սարսափելի է ապրել ոչ քո կյանքով ու վնասել առողջությունը:
Ինչպես կարգուկանոն հաստատել. մտածի՛ր՝ ինչո՞վ ես միշտ ուզեցել զբաղվել: Նկարե՞լ: Մոտակայքում գտի՛ր նկարչության դասեր: Պարե՞լ: Անցի՛ր բոլոր դպրոցներով և ընտր՛ր քեզ հոգեհարազատ դասընթաց: Բիզնե՞ս սկսել: Մասնակցի՛ր հայտնի ձեռնարկատերերի վարպետության դասերին և հարցեր տուր ուղին սկսելու մասին: Գուցե դա ոգեշնչի՞ քեզ սկսել քո ուղին:
5. ՄԻԱՅՆԱԿ ՀԵՐՈՍՈՒԹՅՈՒՆՆԵՐ ՄԻ ԱՐԱ
Ասում են՝ եթե ուզում ես գնալ արագ, մենակ գնա, եթե ուզում ես հեռուն գնալ, գնացեք միասին: Ամեն ինչ քեզ վրա վերցնելով ավելի վեհանձն չես դառնում: Դա պարզապես ծանր աշխատանք է: Ավելի լավ է համախոհներ գտնել ու աշխատել թիմով:
Ինչպես կարգուկանոն հաստատել. բաժանի՛ր լիազորությունները: Ամեն ինչ չէ, որ պետք է կատարյալ արվի: Ավելի հաճախ դրանք պետք է պարզապես արվեն: Երբ դու թույլ ես տալիս ուրիշներին փորձել ու սխալվել, օգնում ես նրանց աճել, պատասխանատվություն զգալ, իսկ դու ավելի շատ ժամանակ ես ունենում հաճելի գործերի համար:
