ՀԱՍՈՒՆ ՏԱՐԻՔԻ ԿՆՈՋ ԿԱՐԾԻՔԸ
Դասախոս, հեռու բարեկամ կամ անգամ տատիկդ՝ հին սերնդի ներկայացուցիչը միշտ կհայտնի իր կարծիքը՝ ցույց տալով քո «թերությունները»: Խնդիրը կարող է լինել շատ տարբեր՝ չափից շատ կարճ կիսաշրջազգեստը կամ դիմահարդարումը, շպարի բացակայությունը կամ «նորմալ, գեղեցիկ» կոշիկների փոխարեն սպորտային կոշիկներին: Կարճ ասած՝ այն ամենն, ինչ դուրս է ընդունված չափանիշներից: Նրա աշխարհում կինը չի կարող ունենալ կարճ մազեր (դա կանացի չէ), ընտրել մեծ չափսի հագուստ (այն քողարկում է կանացիությունը), չունենալ ձեռքբերումների մի ամբողջ հավաքածու՝ ընտանիք, կարիերա, երեխաներ և անգամ կաթսաների հավաքածու: Հիշիր՝ այս ամենը կաղապարված մտքեր են: Դրանք չունեն ոչ մի ընդհանրություն կատարյալ աշխարհի հետ: Կարևոր է՝ ինչպիսին է քո ինքնազգացողությունը՝ առանց շրջապատողների կարծիքները նկատի ունենալու:
ՆՈՐԱՁԵՎ ԸՆԿԵՐՈՒՀՈՒ ԿԱՐԾԻՔԸ
Գեղեցիկ, վառ և բացարձակ դատարկ՝ այսպես կարելի է նկարագրել հաջորդ կերպարը: Նա կկրի կարճ կիսաշրջազգեստ ոչ թե այն պատճառով, որ դա իրեն դուր է գալիս, այլ քանի որ դա նորաձև է: Դիմահարդարվում է վառ գույներով, տարածում կարմիր շրթներկ, քանի որ այդպես են թելադրում նորաձևության միտումները: Այս ամենն, իհարկե, հեշտ է բացատրել, սակայն ընկերուհիդ արդեն վաղուց է կորցրել իր անհատականությունը՝ դառնալով Ինստագրամի հազարավոր աղջիկներից մեկը: Այժմ փորձում է այդ խաղի մեջ ներքաշել նաև քեզ, Ոչինչ չի՞ հիշեցնում: Այո-այո, նա ապագա հասուն տարիքի կինն է: Դիմադրի՛ր:
ԻՆՉ ԱՆԵԼ: Այս մարդիկ նման են դանդաղեցված գործողության հրթիռի: Ավելի լավ է նրանց հետ չվիճել, քանի որ նրանց համար այլընտրանքային կարծիք գոյություն չունի, իսկ ապացուցելու փորձերը միայն կսադրեն: Եղի՛ր բարեհամբույր, ժպտա, պատասխանիր պարզ նախադասություններով, զրուցիր միայն ընդհանուր թեմաներով: Միշտ հիշիր, որ քո կյանքի վերաբերյալ օտար մարդու կարծիքը՝ միայն օտարի կարծիքն է:
ՀԱՐԵՎԱՆՈՒՀՈՒ ԿԱՐԾԻՔԸ
Ամբողջ մուտքի կամ այլ բաժնի գործընկեր՝ բամբասանքների տիրուհի, որը միշտ կարող է տալ հարցեր անձնական կյանքից կամ գնահատել արտաքինը կամ գործողությունները: Ինչո՞ւ է նրա համար այդքան կարևոր հետևել այլ մարդկանց կյանքին: Չէ՞ որ ակնհայտ է, որ նա կարող է բաց թողնել սեփական կյանքով ապրելու հնարավորությունը:
ԻՆՉ ԱՆԵԼ: Թույլ մի՛ տուր ներխուժել քո տարածք, մի՛ տրամադրիր ավելորդ տեղեկատվություն և զերծ մնա այլ մարդկանց հետ քննարկումներից:
ՂԵԿԱՎԱՐԻ ԿԱՐԾԻՔԸ
Այսպիսի մարդը աշխատակցի արդյունավետությունը գնահատում, է ոչ թե արդյունքներով, այլ արտաքինով. ոտքերը կարող էին լինել ավելի գեղեցիկ, զգեստը կարող էր լինել ավելի երկար... Կարելի՞ է արդյոք մեղադրել նման մարդկանց: Ոչ այնքան: Ամսագրերն ու հասարակական կարծիքը թելադրում են մեզ համապատասխանել «ընդունված» չափանիշներին: Սակայն իրականում ինչպես չափանիշներն, այնպես էլ այլ մարդկանց կարծիքները հակասում են մեր սեփականին «ես»-ին, որը տեսնում, զգում ու ապրում է բացարձակապես այլ կերպ:
ԻՆՉ ԱՆԵԼ: Մի՛ փորձիր դուր գալ, մնա՛ հավատարիմ ինքդ քեզ և կատարի՛ր աշխատանքդ շատ լավ:
Եվ այսպես, մենք ներկայացրեցինք մարդկանց 4 տիպ, որոնց կարծիքը լավ է լուրջ չընդունել: Իսկ այս հերոսները քեզ ոչի՞նչ չեն հիշեցնում: Այո՛, հենց այս կերպարներն են ներկայացված Ընդդեմ քասթինգի նախագծի հոլովակում: Բոլոր 4 կերպարներին մարմնավորել է տաղանդավոր Իրինա Գորբոչյովան՝ դերասանուհի, որի սուր միտքը գրավել է ինստագրամի ռուսաստանաբնակ լսարանի ուշադրությունը: Նոր գովազդային հոլովակը փոքրիկ գեղարվեստական կինոնկար է, որտեղ կա կարևոր հաղորդագրություն յուրաքանչյուր կնոջ համար: Քո գեղեցկությունը կախված չէ շրջապատողների գնահատականից: Այս տեսանյութում հեղինակները կիսվում են իրենց մտքերով այն մասին, թե ինչպես են անցել նկարահանումները, իսկ տեսնյութը դիտած բոլոր մարդիկ հնարավորություն ունեն հայտնվել նկարահանման հարթակում: Դիտում ենք:
Հիշի՛ր, ոչ մի գնահատական և կարծրատիպ չպետք է ազդի քո կյանքի վրա: Ապրի՛ր՝ առանց շրջապատողների կարծիքը հաշվի առնելու և արա միայն այն, ինչ գտնում ես ճիշտ: Միացի՛ր Ընդդեմ քասթինգի շարժմանը և կիսվի՛ր քեզ մոտ մարդկանց ոգեշնչող պատմություններով: Նայի՛ր առաջադրված մարդկանց պատմությունները և պատմի՛ր իրական գեղեցկության քո պատմությունը: Հետևի՛ր բլոգերների և թոփ-առաջնորդների օրինակին:
