Ինչպե՞ս ընտրել հարսանեկան բույր

Բույրը, որ կլսվի ողջ օրվա ընթացքում, պետք է ստեղծի քո կյանքի կարևորագույն իրադարձություններից մեկի տրամադրությունը։ Սա պատասխանատու առաջադրանք է։ Ինչպե՞ս այն չձախողել։ Մենք խորհուրդ ստանալու համար դիմել ենք փորձագետներին։

Մատիլդա Ջոնսոն՝ Օրիֆլեյմի բույրեր կատեգորիայի փորձագետ.

«Բույրը կապված է հույզերի հետ։ Դա քո ինքնաարտահայտման մեթոդն ու միջոցն է, միջոց՝ քո շրջապատող մարդկանց ցույց տալու, թե ով ես դու և ինչ ես ուզում։ Այդ իսկ պատճառով բույրի ընտրություն կատարելիս ղեկավարվիր քո զգացմունքներով և տրամադրությամբ։ 

Եթե ուզում ես լինել կանացի և ռոմանտիկ, քեզ ավելի հարմար կլինի փայտյա և ծաղկային բույրերի համադրությունը։ Եթե ուզում ես փայլել, փորձիր դասական շիպրե բույրը։ Իսկ եթե ուզում ես ընդգծել քո զգացմունքայնությունը, ընտրի՛ր համեմական, արևելյան նոտաներ, մուշկ ու քաղցր ծաղիկներ։

Վինսենտ Շալետ, պարֆյումեր.
«Քանի որ հարսանիքը քո կյանքի կարևորագույն իրադարձություններից մեկն է, ես խորհուրդ կտայի ընտրել նրբագեղ բույրեր, որոնք ինքնավստահություն են հաղորդում և հնչում մաշկի վրա երկար ժամանակ։

Volare Forever բույրի սրտում ես տեղադրել եմ սպիտակ վարդի նոտան, քանի որ այն ռոմանտիկայի հետ ունի անմիջական կապ, իսկ ի՞նչը կարող է լինել առավել ռոմանտիկ, քան հարսանիքը։ Ես ի սկզբանե ուզում էի հասնել այս արդյունքին, քանի որ Forever (անգլերեն՝ ընդմիշտ) բառը մեզ տեղափոխում է հավերժ սիրո գիրկը, որն այս հատուկ օրը մենք ամրագրում ենք ամուսնական միությամբ։ Հարսի բույրը պետք է ընդգծի նրա գեղեցկությունը, իսկ լույսի հիասքանչ ճառագայթը թող լուսավորի այս բացառիկ օրը»։



Կամիլա Օստրանդ, աստղային ոճաբան.
«Հարսանիքի բույրի ընտրությունը հարսանեկան զգեստին համահավասար բարդ գործ է։ Բույրի ընտրության հարցում կա երկու մոտեցում։ Դրանցից մեկը քո «ֆիրմային» բույրն օգտագործելն. հենց այն, որը լավագույնս կընդգծի քո անհատականությունը։ Այդ քեզ կհաղորդի անվտանգության զգացողություն և ինքնավստահություն։

Մեկ այլ մոտեցում՝ ընտրել բույր, որը կօգտագործես ոչ միայն քո հարսանիքի օրը, այլև այս կարևորագույն իրադարձության տարեդարձին։ Բույրը, որն անմիջական կապ ունի այդ օրվա հետ և մնում է քո հուշերում ընդմիշտ։ Նմանատիպ բույրի որոնումները կատարիր քո ապագա ամուսնու հետ, կտեսնես, դա ավելի կմտերմացնի ձեզ»։


Համիշ Շեպարդ՝
Bride Book ծառայության հիմնադիր.
«Իսկ ինչո՞ւ չընտրել բույր հատուկ հարսանիքի համար։ Բույր, որը համադրվում է օրվա հիմնական թեմայի, քո հարսանիքի ընդհանուր ոճի, տարվա եղանակի հետ։

Համպարի և շոկոլադի նոտաներով ջերմ բույրը կլինի չափազանց ծանր ամառային օրերի համար, սակայն այն կատարյալ հարմար է ձմեռային հարսանիքների դեպքում։ Իսկ խոլորձի և հասմիկի դասական բույրը հարմար է թեթև, լիցքաթափված լողափային ոճով հարսանիքի դեպքում»։

 

Դանիելա Բոնարդի, հարս.
«Քանի որ հարսանիքը չափազանց հուզումնալից է, ես օգտագործեցի իմ առօրյա բույրը, այն ինձ հանգստացնում էր և հաղորդում հարմարավետության զգացողություն։ Իմ խորհուրդը հարսներին՝ ընտրեք բույր, որին արդեն սովոր եք և որը չի գրգռում։ Հարսանիքի օրը ցանկացած բույր կարող է թվալ ավելի ուժեղ և սուր, քան այն կա իրականում,  այդ պատճառով էլ անհրաժեշտ է որևէ բան, որ Ձեզ վստահություն կհաղորդի։ Բացի այդ, հետագայում այն երկար տարիներ կհիշեցնի այդ հիասքանչ օրվա մասին»։



Տեքստ Ֆոտո Giorgos Gerogiannis