1. ՀՈԳ ՏԱՐ ԱՌՈՂՋՈՒԹՅԱՆ ՄԱՍԻՆ
Ինքնազգացողությունից է կախված մեր արտադրողականությունը և այն, թե որքանով ենք մենք մեզ երջանիկ զգում: Երբ մեր մարմնի ինչ-որ մաս ցավում է, մենք նաև ավելի վատ ենք աշխատում, ավելի արագ ենք հոգնում և կյանքից հաճույք չենք ստանում: Դա է պատճառը, որ առողջության համար ներդրում անել պետք է առաջին հերթին: Եվ այստեղ խոսքը միայն բժշկին այցելելու, հավասարակշռված սննդակարգի և ֆիզիկական ծանրաբեռնվածության մասին չէ: Կարևոր է նաև լավ քնելը, ժամանակին արձակուրդ վերցնելը, օրգանիզմը վիտամիններով ապահովելը, հարմար կոշիկներ գնելը և աշխատանքային տարածքն այնպես կահավորելը, որ ողնաշարի վրա հնարավորինս քիչ ծանրաբեռնվածություն լինի:
2. ԸՆԴԳԾԻ՛Ր ԳԵՂԵՑԿՈՒԹՅՈՒՆԸ
Սա շատ հեշտ է և հաճելի: Օրինակ, մաշկը խնամելու համար, ինչպես գիտես, շատ ժամանակ չի պահանջվում՝ ընդամենը երկու րոպե առավոտյան և երեկոյան: Բայց այս ներդրումը հետ է գնվում անմիջապես: Առաջին հերթին, քո մասին հոգ տանելը հաճույք է պատճառում, երկրորդ՝ այն գեղեցկությունն ու երիտասարդությունը պահպանելու պարզ միջոց է, ինչպես նաև՝ քո և քո գրավչության մեջ վստահ լինելու երաշխիք: Նման անթերի հիմք ունենալով՝ ավելի հեշտ կլինի ստեղծել ոճային կերպար: Սովորի՛ր դիմահարդարման պարզ հնարքներ, ընտրի՛ր ճիշտ աքսեսուարներ, սովորի՛ր անել նոր սանրվածքներ, և, իհարկե, ընտրի՛ր բույր: Այժմ լավ տպավորություն թողնելը դժվար չի լինի:
3. ՄԱՐԶԻ՛Ր ՈՒՂԵՂԸ
Գտի՛ր սնունդ՝ ուղեղի համար: Նպատակ սահմանիր շաբաթը մեկ գիրք կարդալ, կամ օտար լեզու սովորել: Դա կօգնի զարգացնել մտածողությունը, կընդլայնի քո աշխարհայացքը, և թույլ կտա շատ բաների նայել այլ տեսանկյունից: Եթե հնարավորություն ունես մեծ ներդրումներ անելու, ապա, իհարկե, արժե ներդրում անել կրթության մեջ: Կարող ես սկսել վարպետության դասերից, թրեյնինգներից և վեբինարներից, որպեսզի պարզես, թե որ ոլորտում ես ցանկանում զարգանալ, կամ պարզապես նոր գիտելիքներ ձեռք բերես: Իսկ եթե քո նպատակը որևէ ոլորտում մասնագիտանալն է, ապա արժե մտածել որակավորման բարձրացման կուրսերի, կամ հավելյալ կրթության մասին: Դա քեզ ավելի մրցունակ կդարձնի և թույլ կտա հասնել ավելի մեծ արդյունքների, քանի որ դու կկարողանաս օգտագործել տեղեկություններ ու հմտություններ, որոնց ուրիշները չեն տիրապետում:
4. ՇՓՎԻ՛Ր
Այս կետը փողի հետ ոչ մի առնչություն չունի: Ծանոթություններ հաստատելու և մտերիմ հարաբերություններ ստեղծելու համար ժամանակ, ուժ և ցանկություն է պետք: Ընդ որում՝ բավականին մեծ քանակությամբ: Սակայն, որպես փոխհատուցում դու քիչ բան չես ստանա: Էմոցիոնալ աջակցություն, զգացողություն, որ գիտես՝ ում վրա կարող ես հենվել, խորհուրդներ, անհրաժեշտ մարդկանց կոնտակտներ, ոգեշնչում և մոտիվացիա՝ այս ամենը քեզ կարող են տալ շփումները: Մտածի՛ր, թե ում հետ կուզեիր ժամանակ անցկացնել, և ով կարող է նպաստել քո զարգացմանը, գտի՛ր առցանց կամ անցանց համայնքներ, որտեղ կարելի է ծանոթանալ նման մարդկանց հետ, և առա՛ջ:
5. ԿՅԱՆՔՆ ԱՎԵԼԻ ՎԱՌ ԴԱՐՁՐՈՒ
Ճամփորդություններ, հետաքրքիր զբաղմունքներ, զվարճանքներ... Այս ամենը դրական զգացողություններ և էներգիա է պարգևում: Եթե դու ժամանակ առ ժամանակ դուրս գաս հարմարավետության գոտուց, ինչ-որ անսովոր բան անես, այցելես նոր վայրեր, ապա քո ինքնագնահատականը կբարձրանա, և կունենաս զգացողություն, որ ապրում ես լիարժեք կյանքով: Իսկ ուրախությունը, որը դու կճառագես, դեպի քեզ կգրավի մարդկանց: Չէ որ բոլորն ուզում են հպվել երջանկությանը:
