5 բան, որ ամոթ չէ խոստովանել ինքդ քեզ

Սեփական անձի հանդեպ հոգ տանելը և սեփական երջանկությունը առաջնային համարելը ամոթալի չէ, օգտակար է: Պատմում ենք օրինակներով:

1. Ես գեղեցիկ եմ: Իմ արտաքինն իմ գործն է: Ինչ էլ ասեն մյուսները արտաքինի, հագուստի, պահվածքի կամ կյանքի ցանկացած այլ փաստի մասին, իմացի՛ր, որ միայն դու իրավունք ունես որոշելու՝ հավատա՞լ դրան, թե՞ ոչ: Միայն դու կարող ես տնօրինել մարմինդ ու արտաքինդ: Եթե ուրիշներն այլ կերպ են մտածում, դեռ չի նշանակում, որ պետք է լսել նրանց: Սիրի՛ր քեզ և քո գեղեցկությունը, հիշի՛ր, որ այնպիսին, ինչպիսին դու ես, չկա: Դու եզակի ես: Հենց այդ պատճառով համարձակորեն արհամարհի՛ր քեզ այլ ֆորմատի մեջ տեղավորելու բոլոր փորձերը:

2. Ես չեմ ամաչում տարիքիցս: Տարիքն ընդամենը թիվ է անձնագրում: Այն ոչ մի կերպ չի անդրադառնում երջանկության, հաջողության կամ աշխարհընկալման վրա: Օրինակ՝ միլիարդատեր, գյուտարար և ձեռնարկատեր Իլոն Մասքի մայրը՝ Մեյը, դեռ շարունակում է մոդելի կարիերան 70 տարեկանում, կրում է վառ գույնի հագուստ ու շրթներկ: Եվ 50 տարվա մեջ առաջին անգամ է նա այսքան շատ նկարահանվում: Պետերբուրգից Տատյանա Նեկլյուդովան Ռուսաստանում ամենահայտնի մեծահասակ մոդելն է և 60-ն անց միակ կինը ողջ երկրում, որ նկարահանվեց ներքնազգեստի ապրանքանիշի համար: Տատյանան այժմ 62 տարեկան է, ունի երկու երեխա և թոռնիկներ, անընդհատ նկարահանվում է: «Կոմերսանտ» հրատարակչատան նախկին սեփականատեր, ռուս լրագրող և մեդիամենեջեր Վլադիմիր Յակովլեվը 52 տարեկանում ստեղծեց «Երջակության տարիք» նախագիծը, գրեց յոթ գիրք հիսունն անց մարդկանց մասին, որոնք ապրում են ակտիվ ու երջանիկ կյանքով:

3. Ես նման չեմ մյուսներին, դա նորմալ է: Երազում ես դառնալ ձեռնարկատեր և բիզնես ստեղծելմարդկանց համար, նույնիսկ եթե քո հարազատների արդեն յոթերորդ սերունդն աշխատում է քեռու մո՞տ: 60+ տարիքում բարձրակրունկ ես հագնում, բաց լանջաբացվածքով զգեստ և աշխատում ես մոդելային գործակալությունո՞ւմ, մինչդեռ բոլոր ընկերուհիներդ զբաղվում են իրենց թոռներով: Երեխաներ ես ունենում, երբ ուզում ես, և մարդուց, որից ուզում ես, ու ո՞չ թե որովհետև ժամանակն է: Փոխում ես կյանքդ, երբ բոլորը համառորեն խորհուրդ են տալիս անցնել ընդհատա՞կ: Խնամում ես մաշկդ ու մանիկյուր անում, նույնիսկ եթե տղամա՞րդ ես: Բոլոր այս փաստերը խոսում են այն մասին, որ դու ուժեղ ու համարձակ մարդ ես, որն ուշադրություն չի դարձնում կարծրատիպերին և 100%-ով ապրում է իր կյանքով: Պարզապես շարունակի՛ր նույն կերպ:

4. Ես ավելի կարևոր եմ, քան աշխատանքը, տունն ու ընտանիքը: Հիշի՛ր՝ ինչ են ասում ինքնաթիռում թռիչքից առաջ. «Սկզբում դրեք Ձեր դիմակը, ապա երեխայինը»: Այդ պես էլ կյանքում է, եթե դու երջանիկ ես, երջանիկ են նաև բոլոր նրանք, ովքեր քո կողքին են: Ամեն ինչ շատ պարզ է: Քո ձեռքում է կյանքիդ բաղադրիչների միջև հավասարակշռության պահպանումը և հանգամանքների զոհ չդառնալը: Իսկ մարդիկ (մտերիմները, հարազատները և ընկերները) ինքնուրույն էլ գլուխ կհանեն:  

5. Ես կարող եմ անել այն, ինչ ուզում եմ: Ողջ հանգստյան օրերին սերիալ նայել, աշխատավարձը ծախսել գնումների վրա, իսկ երեխաներին թողնել դայակի, ամուսնու կամ տատիկի մոտ մի քանի օրով: Կառուցել կարիերա կամ տուն: Ծուլանալ ու ամբողջ օրը պառկել գիրքը ձեռքիդ: Այս կետի տակ գրիր այն, ինչ քեզ հաճույք է պատճառում. ամեն ինչ շատ պարզ է: Քո կյանքով չապրելը և բոլորի համար լավը լինել փորձելը ծանր է: 

Համաձա՞յն ես 100%-ով: Երազում ես ոգեշնչել մարդկանց քո օրինակով: Այդ դեպքում մասնակցի՛ր #ԵսՉեմԱմաչում ֆլեշմոբին: Բաժանորդագրվի՛ր Ինստագրամում Օրիֆլեյմ Հայաստանի պաշտոնական էջին, պատմի՛ր՝ ի՞նչ ես անում բացառապես քեզ համար, նշի՛ր #ԵսՉեմԱմաչում հեշթեգը և բաց պահիր էջդ: Մենք կհրապարակենք լավագույն պատմությունները:

Տեքստ Ֆոտո Orifame