Պատրաստեք ալբոմ
Դեռ տասը տարի առաջ մենք հավաքվում էինք ամբողջ ընտանիքով և թերթում լուսանկարների ալբոմներ, հիշում անցյալի ջերմ պահեր: Հիմա, թվային մեր դարում, կադրերն այդպես էլ մնում են հեռախոսների հիշողության մեջ, իսկ հետո՝ մոռացվում: Ժամանակն է վերհիշել ավանդույթները: Տպիր լավագույն լուսանկարները, վերցրու ալբոմ և ստեղծիր անցնող տարվա օրագիր: Գործընթացի մեջ ներգրավիր ամբողջ ընտանիքը: Երեխաները կարող են նկարել, կտրել, կպցնել լուսանկարները: Էջերի զարդարման համար տարբեր դեկորացիաներ պետք կգան՝ ինքնակպչուններ, ուլունքներ, ժապավեններ: Իսկ գուցե և գտնեք չորացած ծաղիկներ կամ աշնանային տերևներ, որոնք բերել եք զբոսանքից և դրել գրքի էջերի արանքում:
Թող որ լուսանկարների մոտ յուրաքանչյուրը գրի իր հիշողությունները՝ պատմեք, թե ինչպես էր անցել այդ օրը, ինչն էր ձեզ այդ օրը երջանկացրել: Փակեք ձեր կյանքի այդ էջը, որպեսզի մաքուր էջից սկսեք հաջորդը: Եվ թող այն նույնքան վառ լինի:
Ամանորյա կինոմարաթոն նախաձեռնեք
Առօրյա հոգսերի մեջ մենք հազվադեպ ենք ժամանակ գտնում պարզապես թուլանալու և ֆիլմ նայելու համար: Ուրեմն ինչու իսկական կինոցուցադրում չնախաձեռնել: Ընտրեք ամենալավ ամանորյա կոմեդիաները, փաթաթվեք ծածկոցներով ու բարձերով: Ծրագրի մեջ գոնե մեկ մուլտֆիլմ ներառեք՝ երեխաները գոհ կմնան: Ամանորյա հյուրասիրություն պատրաստեք՝ քաղցրաբլիթներ, զեֆիրով կակաո: Եվ թող, որ ամբողջ աշխարհը սպասի:
Տանը հարմարավետություն ստեղծեք
Ինտերիերը նորացնել հնարավոր է ընդամենը մի քանի ժամում՝ ուրախ, ամբողջ ընտանիքով և առանց մեծ ծախսերի: Տարածքը զարդարելը տոնական տրամադրություն ստեղծելու գերազանց միջոց է: Եթե ձեր ընտանիքում դեռևս նման ավանդույթ չկա, ժամանակն է այն ստեղծելու: Գնացեք մոտակա կահույքի խանութ և թող, որ ընտանիքի յուրաքանչյուր անդամ ընտրի այն, ինչ իր սրտով է: Նոր բարձերը, մոմեր և լույսերով զարդերը բոլորովին էլ թանկ չեն, բայց կարող են ամբողջովին փոխել սենյակի տեսքը: Գնեք յուրահատուկ, տոնական սփռոց: Կարող եք այն պահել ամանորյա խնջույքի համար, կամ էլ փռել ընթրիքի սեղանին: Թող, որ յուրաքանչյուրը օրը յուրահատուկ լինի:
… բայց երբեմն դուրս եկեք դրանից
Ամանորի տոներին տանը փակված մնալը հեշտ է: Եղեք ակտիվ: Գնացեք քաղաքային սահադաշտ, ձնագնդիկ խաղացեք, դահուկներով սահեք, փորձեք յուրացնել ձմեռային սպորտի տեսակները: Ուզո՞ւմ ես թաքնվել ջերմության մեջ: Նայե՛ք տեղի թանգարանների կայքերը: Արձակուրդներին որոշ ցուցադրություններ անվճար են: Եվս մի գերազանց տարբերակ՝ մանկական ներկայացում կամ տոնածառի հանդես:
Նախաձեռնեք որևէ այլ երկրի ավանդույթների օր
Սա տնից դուրս չգալով ճամփորդելու հիանալի տարբերակ է, եթե ամանորյա տոներին դուք ոչ մի տեղ չեք ուղևորվելու: Նախաձեռնեք որևէ այլ երկրի, օրինակ՝ Շվեդիայի ավանդույթների օր: Հագեք այդ երկրի գույների հագուստներ, պատրաստեք նրանց ուտեստները, լսեք ազգային երգիչների կատարումները: Ավելի շատ բան իմացեք երկրի պատմության մասին, փորձեք նրանց տոնական ավանդույթները, դիտեք ֆիլմ, որի գործողությունները հենց տեղում են կատարվում: Կստացվի այլ մշակույթին ծանոթանալու միջոցառում:
Վայելեք SPA-պրոցեդուրաներ
Աշխատանքային օրերին բյութի-պրոցեդուրաները հաճախ ստիպված եք լինում վազքի մեջ անել: Իսկ տոներին որևէ տեղ չշտապելը հաճելի է: Փրփուրով լոգանք՝ տաք բույրով, սիրված դիմակ... Արա՛ ամեն բան, որ մինչ այդ մշտապես հետաձգում էիր: Ջրային պրոցեդուրաներից հետո տարածիր մարմնի յուղ՝ պսպղուն մասնիկներով: Փայլել, ուրեմն փայլել: Իսկ տան փոքրիկ անդամները կգնահատեն սիրված հերոսների պատկերներով օճառն ու լոգանքի փրփուրը:
