Հանգստյան օրերը Փարիզում. 7 գաղափար՝ երկուսի համար

Պարզապես միասին ուղևորվեք Փարիզ Օրիֆլեյմի հետ: Փորձի՛ր նոր Eclatamour կամ EclatToujours և ստացի՛ր հնարավորություն Փարիզում հանգստյան օրերն անցկացնելու, ինչպես նաև շատ այլ մրցանակներ շահելու հնարավորություն: Դե իսկ մենք քեզ համար պատրաստել ենք ուղեցույց՝ աշխարհի ամենից ռոմանտիկ քաղաքի մասին: Ի՞նչ է անհրաժեշտ անել:

Ընթրել Էյֆելյան աշտարակի տեսարանին

Ամեն տարի միլիոնավոր զբոսաշրջիկներ են բարձրանում Էյֆելյան աշտարակ: Քաղաքի ողջ տեսարանից շունչդ կտրվում է, իսկ բուն գործընթացը շատ ժամանակ է խլում, այն կփչացնի ողջ ռոմանտիկան: Ամենուր հոգնեցնող հերթեր են՝ տոմսարկղերից մինչև ամեն հարկի աստիճան ու վերելակ: Վայրէջքը նույնպիսին է: Շատ ավելի լավ է վայելել քաղաքի խորհրդանիշի ռոմանտիկ պատկերը: Ռեստորաններից մեկում սեղան պատվիրեք՝ ողջ երեկո աշտարակի լուսավորությունը վայելելու համար. օրինակ՝ Les Ombres՝ Հնագույն քաղաքակրթությունների թանգարանի տանիքին:

Զբոսնել Սիտե կղզով

Վեր-Գալան պուրակը, Դոֆինի հրապարակը, ծաղկի շուկան, Կոնսյերժերի դղյակը, գոթական եկեղեցին և, իհարկե, հայտնի Նոտր-Դամ տաճարը. Սիտե կղզի արժե գանալ Փարիզի հինավուրց մասի մթնոլորտն ու միջնադարյան ճարտարապետությունը վայելելու համար:

Տեսնել աշխարհի խոշորագույն թանգարանի գլուխգործոցները

Այո, հերթը մեծ է և տոմսն էլ էժան չէ, սակայն Փարիզից գնալ, առանց այցելելու Լուվր, պարզապես անհնար է: Ահա լայֆհեք. թանգարանում ողջ օրը չանցկացնելու համար՝ համացանցով գնիր տոմսն ու ծրագրիր այցելությունդ: Պարզապես որոշիր՝ ինչ նկարներ կամ արձաններ ես ցանկանում տեսնել, և նախապես գտիր դրանք թանգարանի սրահների պլանում:

Փորձիր մակարուններ

Ֆրանսիան և Իտալիան մինչ օրս պայքարում են նուշից, շաքարից և ձվի սպիտակուցից պատրաստված նրբագույն թխվածքաբլիթի հայրենիքի կոչման համար. բայց, որ այն դարձել է Փարիզի գաստրոնոմիական խորհրդանիշերից մեկը, բոլորը միանշանակ համաձայն են: Օրիգինալ բաղադրատոմսի համար ուղևորվիր Ladurée և վայելիր միայն տեղում. ճանապարհին մակարունները կարող են չորանալ:

Զբոսնել փոքրիկ փողոցներով

Փարիզը հարուստ է յուրատիպ փոքրիկ փողոցներով, որոնք ևս կստիպես ձեզ սիրահարվել քաղաքին նույնքան ուժգին, որքան բացիկի վրայի տեսարժան պատկերները: Ռոմանտիկ նկարներ արեք Ժան Մոնմարտր պուրակի Սիրո պատի մոտ՝ Մոնմարտրում. տներից մեկի ճակատը զարդարված է «Ես քեզ սիրում եմ» արտահայտությամբ՝ 250 լեզուներով: Աբբրեվուար փողոցում են նկարել «Ամելի» ֆիլմը, Կոտա-ձկնորսի փողոցը Փարիզի ամենանեղ փողոցն է (1,8մ լայնությամբ), իսկ գեղատեսիլ Կրեմյեն կզարմացնի գունագեղ տներով:

Հանգստանալ արքայավայել

Տյուիլրի այգին սկսել են տնկել դեռևս 1564 թվականին՝ Եկատերինա Մեդիչի հրամանով, իսկ հիմա երբեմնի թագավորական զբոսավայրը հասանելի է բոլոր փարիզցիներին: Ժամանակ հատկացրեք անշտապ զբոսնելու, արձանների հավաքածուն տեսնելու և գլխավոր լողավազանի մոտ հանգստանալու համար:

Գնալ շոփինգի

Ոչ մի հուշանվեր. թող ուղևորության մասին հիշեցնեն հագուստն ու աքսեսուարները, որոնք ոճիդ փարիզյան շքեղություն կհաղորդեն: Շեղվեք բյուջեյից. շքեղությունն ու ապրանքանիշները սպասում են «Գալերի Լաֆայետ»-ում և Printemps խանութում, բյուջետային նամականիշները մոտակայքի բուտիկներում են՝ Մարե և Սեն-Ժերմեն ծառուղու մոտակայքում: