Ինչպե՞ս Ձեզ մոտ միտք առաջացավ Elvie Firefly նոր բույրի սրտում ավելացնել կեսգիշերային վարդի նոտան։
Elvie Firefly-ը ջերմ ու մոգական երեկոյան բույր է, և այն կեսգիշերային վարդի նոտայի շուրջ ստեղծելու գաղափարը բավականին տրամաբանական է, քանի որ այս ծաղիկը բացվում է միայն գիշերվա ընթացքում։ Երբ աշխատում էի այս բույրի վրա, ինձ ոգեշնչում էր ծաղկի կերպարը, որի գեղեցկությունը նկատելի է միայն մայրամուտից հետո։ Եվ ես ուզում էի, որ բույրի մեջ պահպանվի դրա կախարդանքը, խորհուրդը։ Elvie Firefly-ը վառ ու անհավանական կանացի բույր է, ես կասեի, որ այն ունի կախարդական ուժ։ Ոգեշնչման այլ աղբյուրներ դարձան նաև շվեդական հեքիաթները, որոնցում անտառները բնակեցված են էլֆերով և այլ երևակայական կերպարներով, որտեղ աճում է այս հազվագյուտ ու զարմանահրաշ ծաղիկը։
Ի՞նչ այլ նոտաներ կան այս բույրում
Սա ծաղկային, փայտյա և մրգային բույր է, որի մեջ առկա են բազմաթիվ բաղադրիչներ, սակայն ես կուզենայի հատուկ նշել դրանցից երեք հիմնականը՝ կեսգիշերային վարդ, հողային երանգներ, ինչպես նաև ծովային ակորդ։
Ինչպե՞ս Ձեզ օգնեցին շվեդական հեքիաթների հերոսները
Elvie բույրի առաջին տարբերակը ստեղծվել է 2004 թ., այդ ժամանակ ինձ ոգեշնչում էր շվեդական ֆոլկլորի հարուստ աշխարհը, հեքիաթային անտառների կերպարները՝ բնակեցված էլֆերով ու այլ երևակայական կերպարներով։ Elvie ապրանքանիշի տակ թողարկված յուրաքանչյուր նոր բույրի մեջ այս թեման ավելի էր զարգանում։ Elvie Firefly բույրում մենք որոշեցինք վերստեղծել կախարդական գիշերային աշխարհը։
Դուք ունե՞ք հունական արմատներ։ Այս հարցի հետ կապված՝ արդյո՞ք Ձեր արվեստում օգտագործում եք հունական մշակույթի և դիցաբանության հարուստ ժառանգությունը։
Ես մեծացել եմ Հին Հունաստանի առասպելների ներքո։ Աստվածների ու հերոսների մասին ավանդազրույցները հիացնում էին ինձ։ Սակայն, աշխատելով Elvie Firefly բույրի ստեղծման վրա, ես սուզվեցի հյուսիսային Եվրոպայի երկրների դիցաբանության մեջ։ Ես «ականջ էի դնում» լճերի նուրբ ծփյունին և անտառակների մոգական շրշյունին։
Դուք հավատո՞ւմ եմ կախարդանքին
Իհարկե
3 ԽՈՐՀՈՒՐԴ ՊԱՐՖՅՈՒՄԵՐԻԱՅԻ ՎԱՐՊԵՏԻՑ
1. Բույրը կրելիս՝ այն մաշկի վրա ցողիր 3 անգամից ոչ ավելի (օպտիմալը 2-ն է)։
2. Բույրը ցողիր դաստակներին, ծնկների ներսի և ականջների հետևի հատվածին։
3. Բույրը պահպանիր սառը չոր վայրում՝ հեռու արևի ճառագայթներից։
