Սա քո խնջույքն է
Առանձնատանը՝ ընկերների հետ միասին, ընտանեկան միջոցառումներ, խնջույք ակումբում կամ ռոմանտիկ հանգստյան օրեր. որ տարբերակն էլ ընտրես, փորձի՛ր քիչ մտածել տոնական խնդիրների մասին և ուրախացի՛ր ինչպես հարկն է: Ինչ-որ բան հաստատ՝ ըստ պլանավորածի չի գնա, բայց դրա մասին անգամ չես էլ հիշի: Իսկ ջերմ պահերն ու տոնական լուսանկարները դեռ երկար կբարձրացնեն տրամադրությունդ սառը ձմեռային երեկոներին:
Կարևորը նվերը չէ, այլ....
Ձմեռ Պապիկի դերի հաճույքը, որ կարելի է զգալ տարին միայն մեկ անգամ: Վերջին վայրկյանին առևտրային կենտրոններում վազվելու փոխարեն մի բաժակ կակաո պատրաստի՛ր, ծածկվի՛ր տաք ծածկոցով և ընտրի՛ր նվերներ՝ առանց տանից դուրս գալու: Ահա այսքան հեշտ:
Նորաձև դատավճիռ
Կատարյալ կերպարը կախված է վայրից, թե որտեղ կանցկացնես տարվա կարևոր գիշերը: Շքեղ ռեստորանների այցելուները դժվար թե գնահատանեն վալենկաներն ու բրդյա տաբատներն, այնինչ ձնագնդի խաղալիս այսպիսի տեսքով դու կլինես աստղը և հաստատ վերջինը կսառչես:
2021 թվականը դիմավորելիս արդիական են մոխրագույն, երկնագույն, բեժ, սպիտակ երանգները. ուշադրություն դարձրո՛ւ պաստելային երանգներին և դրանց համադրությանը կամ էլ արծաթագույնին, եթե ցանկանում ես փայլել: Ընտրի՛ր ազատ ոճ, ծավալուն թևքեր, միջին երկարության զգեստներ և բարակ կտորից բլուզներ: Չմոռանա՛ս արծաթագույն մետաղից աքսեսուարների մասին, իսկ եթե ընտրես տրանսֆորմեր-հավաքածու, երեկոյի ընթացքում կարող ես փոխել կերպարդ:
Կարևորագույն կանոնը՝ թո՛ղ հագուստը հարմարավետ լինի, որպեսզի վայելես տոնն ու չմտածես, թե ինչքպես են սեղմում այս կոշիկները:
Փայլի՛ր:
Ցուրտն իսկական փորձություն է մաշկի համար, հատկապես զգայուն: Խնամի՛ր այն, ինչպես հարկն է. չէ՞ որ մաշկն ամանորյա դիմահարդարման հիմքն է, որը կատարյալ է անգամ առանց ֆիլտրների: Համարձակ տարածի՛ր խոնավեցնող քսուք և մոռացիր՛ բյութի-միֆերի մասին: Այն կարելի է և պետք է օգտագործել ձմռանը: Միայն մինչ փողոց դուրս գալը սպասի՛ր 40 րոպե, որպեսզի քսուքն ամբողջապես ներծծվի: Մի մոռացի՛ր նաև ձեռքերի մասին. յուղոտ քսուքը և տաք ձեռնոցները ձեռքերի լավագույն ընկերներն են:
Այս տարի ամանորյա դիմահարդարման մեջ խորհուրդ ենք տալիս ուշադրություն դարձնել ոսկեգույնին՝ այն ցանկացած գույնի աչքերն ավելի արտահայտիչ կդարձնի, և հակառակ կարծրատիպերի, չի ընդգծի կնճիռները: Դիտի՛ր Օրիֆլեմի բյութի-փորձագետ Գալինա Իլյինայի ոսկեգույն երանգներով դիմահարդարումը:
Ահա ևս մի քանի գաղափար, որոնք հեշտ է իրականացնել, անգամ եթե դու ընդհանրապես չես կարող կամ չես սիրում շպարվել: Տարբերակ առաջին. ավելացրո՛ւ մի քիչ ոսկեգույն ստվերաներկ աչքի անկյունում, և հայացքը կփայլի, կամ շրթներկի վրայից շուրթերի կենտրոնական հատվածում՝ ծավալ հաղորդելու համար: Եվս մեկ միտք՝ օգտագործի՛ր ոսկեգույն երանգը այտոսկրերին: Իսկ ինտենսիվ-սև թարթիչները՝ Mystic Black THE ONE 5-in-1 Wonder Lash XXL Mascara սևաներկով, կատարելապես կլրացնեն կերպարդ:
