Ինչի՞ց եք ոգեշնչվել Giordani Gold Notte բույրը ստեղծելու համար։
Այս բույրի մեջ թաքնված է ժամանակակից տղամարդու հմայքը, որը սիրում է կյանքից վերցնել ամեն ինչ և հաճույք ստանալ դրանից։ Դա շատ վառ ընդգծված է Իտալիայում, ինձ ոգեշնչում է զգացմունքային ու նրբագեղ իտալացու կերպարը։
Giordani Gold Notte պարֆյումը Օրիֆլեյմի համար ստեղծած իմ երրորդ աշխատանքն է։ Այն կառուցված է իմ շատ սիրելի՝ սև վետիվերի ակորդի շուրջ, որի համար օգտագործվում է Ռեյունիոն կղզու հատընտիր յուղը, ինչպես նաև այլ բաղադրիչներ։ Սա բուսական նոտաներով ջերմ փայտյա-հողային ակորդ է՝ խորհրդավոր, թավշյա և զուսպ։
Ո՞ր նոտաներն են առավել նկատվող այս բույրում
Giordani Gold Notte՝ կատարյալ հաշվեկշռված, առնական և միևնույն ժամանակ նրբագեղ բույր։ Սկզբում հնչում է իտալական կիտրոնի բույրը՝ համեմված սև պղպեղի հրապուրիչ երանգով։ Սրտի նոտաները՝ թարմ, աղացած սև սուրճ, մեխակ և հասած սալոր։ Սակայն ամենակարևորը հիմնային նոտաներն են։ Սև վետիվերի հենց այն փայտյա, ամպոտ ակորդը՝ համեմված մշակված կաշվի և պաչուլիի գրավիչ նոտաներով։ Իմ կարծիքով՝ բույրի մեջ ամենավառը հնչում են իտալական կիտրոնի, սև սուրճի և սև վետիվերի նոտաները։
Ինչպիսի՞ զգացողություն է ստեղծել տղամարդու համար բույր՝ լինելով կին
Արվեստը միշտ մարտահրավեր է։ Տղամարդկանց համար բույրի ստեղծման ընթացքը էապես տարբերվում է կանանց համար բույրը ստեղծելու գործընթացից։ Պետք է շատ մանրակրկիտ մոտենալ բաղադրիչների ընտրությանը և սկզբնական նյութերի որակին։ Բույրի յուրաքանչյուր բաղադրիչ պետք է ընկալվի որպես տղամարդու։ Giordani Gold Notte-ի համար ես ընտրել եմ բաղադրիչներ՝ վեհ, առնական, և իհարկե, իտալական ոգով։
Ի՞նչ երեք խորհուրդ կտայիք կանանց, որոնք պատրաստվում են առաջիկա տոների կապակցությամբ սիրելի տղամարդուն նվիրել հարդարաջուր։
1. Եթե հնարավոր է, փորձիր՝ ինչպես է այդ բույրը հնչում քո մաշկի վրա։ Կրիր այն մի քանի րոպե կամ ժամ (հնարավորության դեպքում մի ամբողջ օր)։
2. Բույրն ընտրելիս ուշադրություն դրաձրու այն տիպին, որն առավել հարմար է քո սիրելի տղամարդուն՝ նրբագեղ, սպորտային, զգացմունքային կամ գայթակղիչ։
3. Հարցրու մասնագետի կարծիքը։ Գեղեցկության խորհրդատուն մանրամասն կպատմի այս կամ այն բույրի մասին։
Ինչը՞ կօգնի կատարել ճիշտ ընտրություն
- Պատկերացրու այն մարդու անհատականությունը, ում պատրաստվում ես այն նվիրել։
- Ընտրիր ապրանքանիշ, որը առավել հարմար կլինի տվյալ մարդուն։
- Եվ իհարկե, ընտրիր բույր, որը կուզենայիր զգալ՝ սպորտային, քաղաքային, նրբագեղ և այլն։
