ՄԻ՛ ՀԱՆՁՆՎԻՐ
«Սա վերաբերում է ցանկացած բիզնեսի, կարևոր չէ՝ առցանց կամ անցանց։ Կարևորը՝ միշտ մնալ համառ, մոտիվացված և հավատալ սեփական գաղափարին։ Համառությունը հաջողության գրավականն է, այն առավել կարևոր է, քան տաղանդը»։
2.ԳՐԱՆՑՎԻ՛Ր ԴԱՍԸՆԹԱՑՆԵՐԻ
«Ես ունեմ ֆինանսական և տնտեսագիտական կրթություն, սակայն մասնագիտությամբ ոճաբան եմ։ Ես թվային տեխնոլոգիաների փորձագետ չեմ, սակայն ես ունեմ բիզնես-գործընկեր, որն ինձ օգնում է այս ոլորտում, միևնույն ժամանակ փորձում եմ ստանալ հնարավորինս ավելի շատ գիտելիքներ այս ոլորտից։ Եթե իսկապես ուզում ես համացանցում կառուցել հաջողակ բիզնես, բավականաչափ ժամանակ հատկացրու նախապատրաստմանը՝ գրանցվի՛ր ինտերնետ-մարքեթինգի կուրսերի, պատկերացում կազմիր՝ ինչ է իրենից ներկայացնում SEO-ն, կանոնավոր կերպով կարդա բլոգներ և հոդվածներ՝ նվիրված առցանց առևտրին, ինչպես նաև իմացիր ավելին սոցկայքերի մասին, որոնցից օգտվում է քո լսարանը»։
3.ՕԳՏԱԳՈՐԾԻՐ ԱՐԴԵՆ ԳՈՅՈՒԹՅՈՒՆ ՈՒՆԵՑՈՂ ԳՈՐԾԻՔՆԵՐ
«Սովորիր օգտագործել այն գործիքները, որոնք արդեն կան ցանցում։ Վաճառքներով զբաղվելու դեպքում փորձիր հնարավորինս շատ գիտելիքներ ստանալ այն հարթակների վերաբերյալ, որոնք կօգնեն զարգացնել այդ ուղղությունը։ Ծառայություններ առաջարկելու դեպքում փնտրիր հարթակներ, որոնք կօգնեն գովազդել այդ ծառայությունը։ Օրինակ՝ եթե որևէ մեկն ուզում է աշխատել որպես ոճաբան, կարող է բեռնել մեր հավելվածը և ցույց տալ իր վարպետությունը, իսկ եթե խումբը գտնի, որ նա ունի բավականին բարձր մակարդակ, նա կստանա համապատասխան վիրտուալ բեջ, որից հետո նրա բավականին հեշտ կլինի սկսել գումար վաստակել որպես ոճաբան։ Կան այնպիսի ռեսուրսներ, ինչպիսիք են Fiver.com-ը՝ արտահաստիքային խումբը, որն առաջարկում է հսկայական քանակությամբ բազմատեսակ ծառայություններ 5 դոլարով, կամ 99designs-ը, որտեղ հնարավոր է գտնել դիզայն ցանկացած ճաշակի և նպատակների համար։ Համացանցում կան բավականաչափ գործիքներ, որոնք ճիշտ օգտագործելու դեպքում կօգնեն զարգացնել սեփական բիզնեսը»։
ՍՈՑԻԱԼԱԿԱՆԱՑՎԻ՛Ր
«Եզակի կոնտենտ սոցիալական ցանցերում՝ հզորագույն աջակցություն քո բիզնեսի համար։ Օրինակ՝ մենք WiShi-ում արտադրում ենք բազմաթիվ առաջնակարգ կոնտենտներ՝ լուսանկարներ, հոդվածներ, մրցույթներ և այլն։ Սոցիալական ցանցերում մեր էջերն օգնում են մարդկանց պատմել ինչ է WiShi-ն և գրավում նոր օգտատերեր»։
5.
ԳՏԻ՛Ր ՔՈ ՍՈՒՊԵՐ ՈՒԺԸ
«Չափազանց կարևոր է հասկանալ՝ ինչով է քո բիզնեսը եզակի։ Ես իմ կարիերան սկսել եմ աշխատելով ոճաբան Net-a-Porter-ի համար, և հենց այստեղ ինձ մոտ առաջացավ WiShi-ի նման ծառայություն ստեղծելու գաղափարը։ Սակայն այս գաղափարն իրականացնելուց առաջ ես հասցրել եմ աշխատել Belstaff ապրանքանիշի համար՝ ստեղծելով Դեվիդ Բեքհեմի և Քեթի Փերիի կերպարները։ Այսպես ես ճանաչեցի շուկան և դրսևորեցի ինձ։ WiShi-ն առցանց հարթակ է, որտեղ յուրաքանչյուրը կարող է ստանալ պրոֆեսիոնալ ոճաբանի խորհուրդ։ Մեր լսարանին մենք առաջարկում ենք երկու բան՝ մեզ մոտ յուրաքանչյուրը կարող է ստանալ ոճաբանի ծառայություններ, կարող է նաև դառնալ ոճաբան։ Մինչև WiShi-ն, այսպիսի ծառայություն ոչ մեկը չէր առաջարկել»։
