ԴԵՄՔԻ ԿՈՐԵԿՑԻԱ
Մի՛ վախեցիր. սա պարզապես դիմահարդարման մեջ պրոֆեսիոնալ տեխնիկա է, որը թույլ է տալիս հատուկ արտադրանքների միջոցով շտկել դեմքի երանգը:
ՊԵ՞ՏՔ Է ԻՆՁ ԴԱ
Դիմահարդարման միջոցով դեմքի կորեկցիան կօգնի բոլոր նրանց, ովքեր պայքարում են մաշկի անհամաչափ երանգի դեմ: Մուգ շրջանակներ, գունակային հետքեր, հետակնե կամ կարմրություն. բոլոր այս «թերությունները» կարելի է շտկել՝ օգտագործելով որոշակի գույներ: Դա բնավ դժվար չէ:
ԻՆՉՊԵ՞Ս
Տեխնիկան հիմնված է գունային շրջանակի վրա: Երանգները, որոնք տեղակայված են միմյանց դեմ, չեզոքացնում են միմյանց: կանաչը չեզոքացնում է կարմիրը, նարնջագույնը՝ կապույտը, իսկ դեղինը՝ մանուշակագույնը:
ԻՍԿ ԳՐՈԾՆԱԿԱՆԻՆ ԱՎԵԼԻ ՄՈ՞Տ
Սկզբի համար քեզ անհրաժեշտ է հարմար հավաքածու: Սկսի՛ր The ONE շտկող դիմափոշի-ֆիքսատորից. դրա երանգները կփրկեն ցանկացած իրավիճակում:
Դիմահարդարումից առաջ խոնավացրո՛ւ մաշկդ: Քողարկող միջոցները տարածելու համար օգտագործի՛ր F05 քողարկիչի վրձինը. թեթև հպումներով երանգը տարածի՛ր մաշկիդ: Անհրաժեշտության դեպքում նաև մատներդ օգտագործիր: Վերջում տարածի՛ր երանգային միջոցն ու դիմահարդարման սպունգի օգնությամբ ստվերագծի՛ր ամբողջը:
Ի՞ՆՉ ԵՐԱՆԳՆԵՐ ՕԳՏԱԳՈՐԾԵԼ
Կանաչ երանգը կքողարկի ցանկացած կարմրություն կամ պզուկ: Մանուշակագույնը կապտուկների և գունակային հետքերի համար է: Իսկ դեղինը հոյակապ ընտրություն է աչքերի տակ մուգ շրջանակները և նույնիսկ աննշան կարմրությունը քողարկելու համար: Կարող ես նաև օգատգործել նարնջագույնի երանգները՝ աչքերի տակի հատվածը գունաբացելու և երկնագույն երանգը չեզոքացնելու համար: Ահա ամբողջը գույների մասին:
