Չոր մաշկ VS ջրազրկված
Նախքան գործողությունների անցնելը եկեք տարանջատենք երկու հասկացությունները: Չոր մաշկին բնորոշ են սեբումի արտադրության խանգարումները, մինչդեռ ջրազրկումը այն վիճակն է, որին կարող է ենթարկվել մաշկի ցանկացած տեսակ անբավարար խոնավացման պատճառով ինչպես դրսից, այնպես էլ ներսից: Այդ տեսակին է պատկանում, օրինակ, յուղոտ մաշկը, այն անհրաժեշտ է խոնավացնել երկու անգամ ավելի ակտիվ:
Որպեսզի մաշկը լինի առողջ, անհրաժեշտ է յուղերի և ջրի հարաբերակցություն: Նաև պետք չէ մոռանալ օրվա ռեժիմի և ճիշտ սննդի մասին. լավ խնամքը չի բացառում այս բաղադրիչները:
Խուսափիր չափից դուրս շատ մաքրումից
Այո, կարանտինի ու մեկուսացման շրջանում մենք սկսեցինք օրվա ընթացքում ավելի հաճախ ցնցուղ ընդունել, լիցքաթափման այսպիսի մեթոդը իրոք ամենաարդյունավետներից է, բայց, ցավոք, ամենաօգտակարը չէ: Բանն այն է, որ գոլորշին և տաք ջուրը զրկում են մաշկի շերտը բնական պաշտպանությունից:
Փորձիր և՛ ցնցուղ ընդունել, և՛ տաք ջրով լոգանք, ինչպես նաև նվազեցնել գործընթացի ժամանակը. մաշկաբանները խորհուրդ են տալիս 10 րոպեից ոչ ավել:
Կարդա բաղադրությունները
Արտադրանքները, որոնց կազմում կան մաքրող միջոցներ և բուրահաղորդիչներ, կարող են ուժգնացնել չորությունը, այդ պատճառով օգտագործիր փափուկ մաքրող միջոց կամ կաթիկ, դրանք պահպանում են բնական յուղերը և խոնավությունը: Միշտ ընտրիր առանց սպիրտի լվացվելու միջոցներ և տարածիր խոնավացնող քսուքը խոնավ մաշկին, այդպիսի արտադրանքները ավելի լավ են ներծծվում էպիդերմիսի մեջ:
Խոնավացնող միջոցների մեջ մտնող բաղադրիչները նաև ազդում են մաշկի վրա: Այդպիսով, շիի յուղով, հանքանյութերով, գլիցերինով, հիալուրոնաթթվով կամ կերամիդներով քսուքները ավելի լավ կպահպանեն խոնավությունն ու կնվազեցնեն չորությունը:
Եթե մաշկը հակված է յուղային փայլի, ավելի լավ կլինի օգտագործել թեթև կառուցվածքով քսուքներ՝ հատուկ մշակված խառը տիպի մաշկի համար. այն ոչ միայն կխոնավացնի, այլև կկարգավորի սեբումի արտադրությունը:
Ամենօրյա խնամքի վրայից տարածիր SPF-ով միջոցներ՝ մաշկի պաշտպանության համար, հատկապես՝ շոգ եղանակին:
Խոնավացրու... օդը
Համաճարակի ընթացքում մենք մեր ժամանակի մի մասն անցկացրել ենք չորս պատերի մեջ, և հիմա, երբ բազմաթիվ երկրներում դեռ սահմանափակումներ կան, պետք է մտածել օդի խոնավացուցիչի մասին: Երբ տարածքում օդը չոր է, այն բառացիորեն խլում է խոնավությունը մաշկից՝ խախտելով բնական պատնեշը:
Օդը հավասարակշռելու ևս մեկ միջոց՝ տնային բույսեր: Մի մոռացիր հաճախակի ջրել հողը և ցողել ծաղիկները. դրանք արտադրում են ոչ միայն թթվածին, այլև՝ խոնավություն, որն անհրաժեշտ է մեր մաշկին:
Ստուգիր զգեստապահարանդ
Աշնանն ու ձմռանը մաշկդ պաշտպանիր սառը օդից և ջերմության տատանումներից, որպեսզի խուսափես նեղացած ծակոտիներից, ձգվածությունից և միկրոճաքերից: Ամռանը մի մոռացիր ոչ միայն SPF-ի մասին, այլ նաև գլխարկների, դեմքի նուրբ մաշկին հավելյալ պաշտպանությունը չի խանգարի: Հոգա նաև մարմնիդ մաշկի մասին՝ ընտրելով բնական գործվածքներ, որպես կանոն, դրանք ապահովում են լավ օդափոխություն և հաճելի են մարմնին: Նախապատվություն տուր բամբակից, բամբուկից, մետաքսից, ինչպես նաև տարբեր տեսակի փափուկ գործվածքներից հագուստին:
Սննդակարգ ստեղծիր
Այդքան պարզ ու հաճախակի տրվող հարց, բայց մաշկի համար այն շատ կարևոր է. արդյոք բավականաչափ ջուր խմո՞ւմ ես: Խորհուրդ տրվող օրական չափաբաժինը կազմում է ութ բաժակ, երբեմն՝ ավելի, եթե վարում ես ակտիվ կենսակերպ: Որքան շատ ես հեղուկ սպառում, այդքան ավելի ակտիվ է հարկավոր այն լրացնել:
Հաշվի առնելով մաշկի առողջության և մեր սննդի կապը՝ վերանայիր սննդակարգդ: Օրգանիզմը ներսից «խոնավացնել» կարելի է նաև մրգերի ու բանջարեղենի մեծ քանակի միջոցով: Բացի այդ, հարկավոր է մեծացնել անփոխարինելի ճարպաթթուների ամենօրյա օգտագործումը՝ մաշկի բնական պատնեշի ամրապնդման համար: Մտածիր այն մասին, որ սննդակարգում ներառես Օմեգա-3 և 6-ի աղբյուրներ (յուղոտ ձուկ, պոպոք կամ ակտիվ հավելումներ):
Փորձիր թարմացված Optimals շարքը, որը պայքարում է մաշկի ջրազրկման հետ և այն հագեցնում է խոնավությամբ: