Արդյո՞ք միշտ ես երազել մոդել դառնալու մասին:
Այո, միշտ: Անգամ մանուկ ժամանակ բոլորն ասում էին, որ ես պետք է մոդել դառնամ, քանի որ ես չափազանց նիհար էի և բարձրահասակ:
Ինչպե՞ս ես սկսել քո մոդելային կարիերան:
Ես Հունգարիայում (ծնունդով Հունգարիայից եմ)՝ լողափում հանգստանում էի ընկերներիս հետ, այնտեղ էլ ինձ գտավ գործակալը, ով հարցրեց՝ արդյոք ուզում եմ աշխատել որպես մոդել: Նա էլ դարձավ իմ գործակալը, սակայն մեկ տարի հետո ես ընդունեցի գործակալությունը փոխելու իմ որոշումը:
Ի՞նչ խորհուրդ կտաս աղջիկներին, ովքեր երազում են մոդելի կարիերայի մասին:
Գտեք գործակալություն, որը Ձեզ հարմար է: Շատ կարևոր է հայտնվել ապահով և լավ «ձեռքերում»:
Փոխե՞լ է քեզ արդյոք մոդելի կարիերան:
Այո, մոդելային իմ կարիերան սկսելուց ի վեր շատ եմ փոխվել: Ես դարձել եմ ավելի հավաքված, ավելի մասնագիտորեն եմ վերաբերվում աշխատանքին և մարդկանցից, ում հետ տարիներ շարունակ աշխատել եմ, ստացել եմ անհավանական քանակությամբ նոր գիտելիքներ:
Ինչպե՞ս ես անցկացնում ազատ ժամանակդ:
Վերջին մի քանի տարիներն ապրում եմ Նյու Յորքում, այնտեղ միշտ կգտնես զբաղմունք: Ես կարող եմ գիշերվա շատ ուշ ժամին հայտնվել սուշի բարում կամ որևէ ֆիլմի համաշխարհային պրեմիերային:
Դու աշխատել ես բազմաթիվ հայտնի ոճաբանների հետ: Ունե՞ս քո սիրելի բյութի խորհուրդը:
Ես քիչ եմ շպար օգտագործում, սակայն քաղել եմ իմ դասը՝ շատ կարևոր է հետևել և խնամել հոնքերը: Նախկինում ես նկարում էի՝դրանք ավելի արտահայտիչ դարձնելու համար: Այժմ, իհարկե, թողնում եմ այնպես, ինչպես կան:
Ինչպիսի՞ առօրյա գործընթացներ ես կատարում գեղեցկության համար
Ամեն առավոտ և երեկո մաքրում եմ մաշկս և շաբաթը մեկ օգտագործում եմ շերտազատող միջոց: Երբ չեմ աշխատում, օգտագործում եմ միայն սևաներկ և շուրթերի փայլ:
Երեկույթների համար քո կերպարը
Կարմիր շրթներկ և ծավալով սանրվածք:
Ինչպե՞ս ես պահպանում կառուցվածքդ
Ինձ համար չափազանց կարևոր է կառուցվածքիս պահպանումը: Նյու Յորքում ես ունեմ անհատական մարզիչ, ինչպես նաև հետևում եմ սննդակարգիս՝ նախապատվությունը տալով առողջ սննդին: Սակայն Հունգարիա վերադառնալուն պես դիետաս խախտում եմ, այնտեղ ամեն ինչ չափազանց համեղ է:
