Դուք այնքան արագ հասաք Գործադիր տնօրենի կոչմանը: Այժմ, երբ արդեն բավականաչափ փորձ ունեք, կարո՞ղ եք գնահատել՝ ի՞նչն էր ամենակարևորը:
Ամենակարևորը, հավանաբար, մարդկանց հետ շփումն էր: Մենք չենք պարտադրում մեր բիզնես-առաջարկը, հաճախ խոսակցության ընթացքում է մարդը հետաքրքրվում, թե ինչով ենք մենք զբաղվում: Ռեկրուտինգը պետք է ձեզ համար նույնքան բնական զբաղմունք դառնա, որքան առավոտյան ատամները լվանալը: Ամեն օր նվազագույնը մեկ գրանցում արա և դա սովորեցրու նաև գործընկերներիդ:
Դուք նոր գրանցում ստացաք, հետո՞: Ինչպե՞ս եք աշխատում նորեկների հետ, կա՞ն փորձված միջոցներ:
Անձնական օրինակն ու անընդհատ աճը. սա է օգնում մեզ առաջ շարժվել և մյուսներին տանել մեր հետևից: Մենք կազմակերպում ենք տարատեսակ դասընթացներ թիմում նոր հմտությունների զարգացման և նոր տեսլականի ձևավորման համար: Նորեկներին մենք սովորեցնում ենք ռեկրուտինգ սոցցանցերում ծանոթների հետ «երեքի համար» չատերի միջոցով՝ այդ կերպ ցուցադրելով՝ ինչպես երկխոսություններ տանել և պատասխանել հիմնական առարկություններին: Հաջորդ քայլը սառը շուկայում ռեկրուտինգի մասին նոր գիտելիքներ ստանալն է: Նորեկը սկսում է փորձարկել տարբեր մեթոդներն ու ստանալ առաջին գրանցումները՝ հիմնվելով մեծ փորձ ու պրոֆեսիոնալիզմ ունեցող գործընկերներից ստացած գիտելիքների և փորձի վրա:
Ի՞նչն է ավելի կարևոր. գործողությունների հստակ համակա՞րգը, թե՞ թիմի մոտիվացիան, ոգեշնչումը:
Համակարգը պարտադիր է, բայց առանց մոտիվացիայի այն չի աշխատի: Կարևոր է անընդհատ ինֆո-առիթներ գտնել թիմին նոր լիցքեր հաղորդելու համար. շնորհավորել նոր մակարդակները և ձեռքբերումները, հրավիրել փորձառու խոսնակների, քննարկել գործընկերների հաջողությունները: Ոչ ոք չի արգելում նաև աշխատել ինքդ քեզ վրա: Մենք շատ նոր նյութեր ենք ուսումնասիրում և մշտապես կատարելագործում ենք բիզնեսի զարգացման մեթոդները, կիսում ենք մեր գիտելիքներով և օրինակներով թիմի հետ:
Իսկ ո՞րն էր Ձե՛ր մոտիվացիան՝ այսպիսի հաջողության հասնելու համար:
Մենք սիրում ենք այն, ինչով զբաղվում ենք: Բացի այդ, մենք երեք երեխա ունենք, և նրանք մեզ համար առաջ շարժվելու ամենամեծ խթանն են: Մենք ցանկանում ենք նրանց տալ այն ամենն, ինչ չենք ունեցել մենք. լավ կրթություն (հավանաբար արտասահմանում), ընտրության և լեզուների իմացության շնորհիվ՝ առաջ շարժվելու հնարավորություն: Նաև ցանկանում ենք մեծացնել Ադամանդե տնօրեն և ավելի բարձր մակարդակի թոփ-առաջնորդների մի ամբողջ համաստեղություն:
Պատկերացրեք, որ հիմա ձեր առջև մարդիկ են, որոնք նոր են սկսում իրենց ճանապարհը: Նրանք ցանկանում են ունենալ նույնանման հաջողություն, սակայն չգիտեն՝ ինչից սկսել: Ի՞նչ խորհուրդ կտաք նրանց:
Հստակեցրեք ՄՀԱՆ-ն՝ մեծ, հանդուգն, ամբիցիոզ նպատակը: Այն բաժանեք մի քանի փուլի՝ նախ գրեք 5 տարվա նպատակները, ապա՝ 3 տարվանը, հետո՝ մեկ կատալոգինն ու ամեն օրվանը: Հստակորեն կատարեք ամեն օրվա համար նշված առաջադրանքները: Ամեն ինչ ձեր ձեռքը վերցրեք, մի սպասեք, մինչև լավ ժամանակներ կգան. հիմա լավագույն պահն է:
