Skip to main content Skip to main menu Skip to search
  1. Գլխավոր
  2. Մեր փիլիսոփայությունը
  3. Գիտությունն ու նորարարություններ
  4. Գիտնականներ, որոնք կանգնած են մեր արտադրանքների հետևում

Գիտնականներ, որոնք կանգնած են մեր արտադրանքների հետևում

Մարդիկ են այն ամենի կենտրոնում, ինչ մենք անում ենք: Հետազոտությունների և նոր բացահայտումների նկատմամբ մեր գիտնականների կիրքն է այն շարժիչ ուժը, որ ստեղծում է քո սիրելի արտադրանքները: Մեզ մոտ աշխատում են մասնագետներ, որոնք ունեն մեծ գիտելիքներ և փորձ գիտության շատ ոլորտներում՝ ներառյալ բիոտեխնոլոգիան, քիմիան, մաշկի կենսաբանությունը, թունաբանությունը և սննդաբանությունը:
Ծանոթացի՛ր նրանցից մի քանիսի հետ:

 

 

Այլիշ Բուրք
Գիտության և նորարարությունների գծով ավագ տնօրեն

Ես պատասխանատու եմ մարմնի և մազերի խնամքի, ինչպես նաև նոր արտադրանքների հաջողության համար: Ամեն տարի մենք ստեղծում ենք հարյուրավոր արտադրանքներ, և ես պետք է համոզված լինեմ արտադրության անխափանության և արդյունավետության մեջ: Բացի այդ, ես հետևում եմ բիզնես-գործընթացին և որակի վերահսկողությանը, որպեսզի համոզված լինեմ, որ մենք առավելագույնս արդյունավետ ենք աշխատում:

Ինչո՞վ ես դու հպարտանում
Հպարտ եմ, որ ընկերությունում ինձ օրինակելի են համարում: Հպարտ եմ, որ ղեկավարել եմ մաշկի խնամքի միջոցների մեր առաջին հավաստագրված բնական շարքի թողարկման նախագիծը:

Ամենից շատ ի՞նչն ես հավանում աշխատանքում
Ամենատարբեր մարդկանց հետ համագործակցությունը Հետազոտությունների և մշակումների կենտրոններում և ոչ միայն: Մեզ մոտ ամեն նոր օրը նման չէ նախորդին: Մենք ընդունում ենք ոչ այնքան հեշտ մարտահրավերներ և միասին գտնում խնդիրների լուծումները:

Ի՞նչն է քեզ համար կյանքում ամենից կարևորը
Աշխարհն ավելի լավը դարձնել մեր երեխաների և նրանց երեխաների համար, ուշադրություն դարձնել գլոբալ տաքացմանը և եկամուտների անարդար բաշխմանը: Ես հավատում եմ, որ միասին մենք կարող ենք ազդել այս ամենի վրա:

Ի՞նչն է քեզ ոգեշնչում
Բնությունը. արևածագի ու մայրամուտի գեղեցկությունը, թռչունների երգը, ծիածանը, ձյունով ծածկված բարձունքները, գույների վառ երանգները... Այս ցանկը կարելի է անվերջ շարունակել:

 

 

Բժիշկ Ալեն Մավոն (գիտությունների թեկնածու)
Գիտության և նորարարությունների գծով ավագ տնօրեն

Հետազոտությունների և մշակումների կենտրոնի փորձագետների հետ ես հեղինակում եմ նոր մտքեր ու նորարարություններ, որոնք մենք օգտագործում ենք մեր արտադրանքներում: Անձամբ ես շփվում եմ խորհրդատուների հետ և բացատրում նրանց՝ ինչպես են գործում մեր արտադրանքները:

Ինչպե՞ս հայտնվեցիր Օրիֆլեյմում
Ես միշտ ցանկացել եմ կարիերա կառուցել միջազգային մակարդակում, հենց այդ պատճառով Ֆրանսիայից եկա Շվեդիա և միացա այս հոյակապ թիմին:

Ինչո՞ւ ես աշխատում Օրիֆլեյմում
Ես կիսում եմ Օրիֆլեյմի արժեքները. առաջին հերթին այն, որ ընկերությունը մարդակենտրոն է: Ինձ համար մեծ պատիվ է օգնել մարդկանց փոխելու իրենց կյանքը, դառնալ ավելի գեղեցիկ, ավելի երջանիկ և ավելի ինքնավստահ:

Ինչպիսի՞ ապագա ես պատկերացնում Օրիֆլեյմի համար
Մենք կստեղծենք ավելի արդյունավետ միջոցներ՝ նորարարական, բնությունից ոգեշնչված տեխնոլոգիաների հիմքով: Մեր միջոցներում ավելի ուժեղ կզգացվի շվեդական բնավորությունը:

Ի՞նչն է քեզ ոգեշնչում
Բնության գեղեցկությունը, գիտական բացահայտումները և ստեղծարար, իրենց գործին սիրահարված խորհրդատուները, Առաջնորդներն ու իմ գործընկերները:

 

 

Կապուցինա Մարտին-Ֆիփփս
Գիտության և նորարարությունների գծով ավագ տնօրեն

Իմ թիմն է որոշում՝ ինչպես ենք մենք խոսելու արտադրանքների մասին: Մենք ամենապարզ կերպով պատմում ենք Օրիֆլեյմի և մեր միջոցների գիտական պատմությունը: Մենք աշխատում ենք Հետազոտության և մշակումների կենտրոնի տարբեր բաժինների հետ, որպեսզի համոզվենք, որ մեր արտադրանքներն իրականացնում են խոստացվածը:

Ինչո՞վ ես հպարտանում
Ես հպարտանում եմ փորձագիտությամբ, որ ձեռք է բերվել երկար, տքնաջան աշխատանքի և նոր բացահայտումների ծարավի արդյունքում, որը չի հագեցել ինդուստրիայում տասը տարվա իմ աշխատանքի ընթացքում:

Ի՞նչն է ամենաշատը քեզ դուր գալիս քո աշխատանքում
Օրիֆլեյմի տարբեր թիմերի հետ ամենօրյա շփումը պարզապես անգնահատելի փորձառություն է բնությամբ այսպիսի հետաքրքրասեր մարդու համար, ինչպիսին ես եմ: Ինձ ոգեշնչում է այն զգացումը, որ մենք բոլորս մի մեծ թիմի մասն ենք, որը ստեղծում է հոյակապ արտադրանքներ:

Ինչո՞ւ ես դու աշխատում Օրիֆլեյմում
Ես պարզապես պաշտում եմ կոսմետիկան, իսկ Օրիֆլեյմում իմ այս կիրքը կարող է խորհրդատուներին և սպառողներին օգտակար լինել:

Ի՞նչն է կյանքում ամենակարևորը քեզ համար
Հավասարակշռությունը. ահա ամեն ինչի բանալին: Ես անպայման պետք է զգամ զգացմունքային կապն այն ամենի հետ, ինչ անում եմ, և այն մարդկանց հետ, ում հետ անում եմ դա: Այսպես ես կյանքս իմաստալից եմ դարձնում:

 

Դոկտոր Քորմաք Բրին (գիտությունների թեկնածու)
Գիտության և նորարարությունների գծով ավագ տնօրեն

Ես ղեկավարում եմ Wellness կատեգորիայի արտադրանքների հետազոտություններն ու մշակումները: Իմ գլխավոր նպատակն է մտածել, ստեղծել և թողարկել նոր արտադրանքներ, որոնք մեր սպառողների կյանքն ավելի առողջ ու երջանիկ կդարձնեն:

Ո՞րն է քեզ համար ամենահետաքրքիր զբաղմունքը
Ես պարզապես երջանիկ եմ, որ 2017-2018 թվականներին մասնակցել եմ Wellness կատեգորիայի արտադրանքների հետազոտությունների և մշակումների լաբորատորիայի ստեղծման գործընթացին:

Ի՞նչն ես ամենաշատը հավանում այս աշխատանքում
Իմ աշխատանքը շատ բազմազան է, հենց այդ պատճառով՝ նաև գրավիչ: Արտադրանքներն ու խնդիրները միմյանց նման չեն: Օրիֆլեյմում ամեն օր ինչ-որ բան փոխվում է:

Ինչո՞ւ ես դու աշխատում Օրիֆլեյմում
Ես կարծում եմ, որ Օրիֆլեյմում աշխատում են զարմանալի մարդիկ: Ընկերության որ մասնաճյուղն էլ գնամ՝ եվրոպական, հնդկական, չինական, ես միշտ հանդիպում եմ բարեհամբույր, բարձր պրոֆեսիոնալիզմով օժտված և իրենց աշխատանքին սիրահարված մասնագետների: Հենց նրանք են ստեղծում մեր յուրօրինակ կորպորատիվ մշակույթը:

Ի՞նչն է քեզ ոգեշնչում
Ես հետաքրքրվում եմ սպորտով և արշավներով, ինձ ոգեշնչում են ափամերձ փրկարարական ջոկատի, փրկության Թագավորական հասարակության կամավորները՝ սովորական մարդիկ, որոնք ջրում և լեռներում վտանգում են սեփական կյանքը՝ մյուսներին փրկելու համար:

 

 

Սիրիլ Մեսսարա
Ori-Derm թեստավորման կենտրոնի ավագ գիտաշխատող

Ես ստուգում եմ մեր միջոցների բաղադրությունների արդյունավետությունը: Բացի այդ, ես ուսումնասիրում եմ տարբեր էթնոսների պատկանող մարդկանց մաշկի յուրահատկությունները՝ մեր արտադրանքները ամբողջ աշխարհի սպառողների պահանջներին համապատասխանեցնելու համար:

Ինչո՞վ ես դու հպարտանում
Իմ աշխատանքային փորձի հիման վրա ես գրել եմ մի քանի հոդված, որոնք գնահատել է գիտական ընկերակցությունը: Սա լավագույն գնահատականն է իմ աշխատանքի համար:

Ինչո՞վ ես ամենաշատը սիրում զբաղվել
Կազմակերպել և կոորդինացնել խոշոր կլինիկական թեստավորումներ Չինաստանում: Սա հսկայական աշխատանք է, սակայն շատ հետաքրքիր է և հաճելի: Մենք մեծ քանակությամբ տվյալներ էինք հավաքել, դրանք վերլուծելը և՛ դժվար էր, և՛ շատ հետաքրքիր:

Ինչո՞ւ ես դու աշխատում Օրիֆլեյմում
Աշխատակիցների բարեկեցությունը Օրիֆլեյմի առանցքային արժեքներից է: Բացի այդ, ստեղծելով կոսմետիկա, որը բոլորիս ամենօրյա կյանքի մասն է, ես զգում եմ իմ կարևորությունը:

Ի՞նչն է քեզ ոգեշնչում
Ճամփորդություններն ու ծանոթությունն անծանոթ մշակույթների հետ: Մանկուց ես գիտեմ, որ դա հենց այն է, ինչով ես ուզում եմ զբաղվել, իսկ Oriflame ընկերությունն ինձ տվեց այդպիսի հնարավորություն:

 

 

Էմիլի Ուլան
Գիտության և նորարարությունների գծով ավագ տնօրեն

Ես գիտական նորարարությունները ներմուծում եմ մեր դեկորատիվ կոսմետիկայի բաղադրությունների մեջ: Աշխատել ամենաժամանակակից տեխնոլոգիաներով և ստեղծել ապագայի արտադրանքներ. մի՞թե տպավորիչ չէ:

Ինչո՞վ ես հպարտանում
Ես Օրիֆլեյմում դարձա առաջին քիմիկոսը, որը ստեղծեց խնամող բանաձևով դեկորատիվ կոսմետիկա: Մենք առաջիններից մեկն էինք, որ արեցինք դա: Մենք ստացանք բազմաթիվ մրցանակներ մեր The ONE Everlasting Foundation երանգային հիմքի համար:

Ի՞նչ ուղղությամբ ես հիմա աշխատում
Մեր առաքելությունն է խստորեն հետևել գիտությանն այն ամենում, ինչ վերաբերում է կեսմետիկային: Այժմ մենք ուսումնասիրում ենք նեյրոկոսմետիկան՝ մաշկի և ուղեղի միջև կապը, նորարարական տեխնոլոգիաներ, որոնք կարող են ազդել զգայարանների վրա՝ շոշափելիքից և հոտառությունից մինչև տեսողություն և համ:

Ինչո՞վ ես ամենաշատը սիրում զբաղվել
Մենք կանոնավոր կերպով դեկորատիվ կոսմետիկայի նորարարությունների վորքշոփեր ենք անցկացնում, ինձ համար ամեն անգամ դա դառնում է տարվա իրադարձությունը: Հենց այդ միջոցառման ընթացքում է յուրաքանչյուր մասնակցի ստեղծարարությունն ու կիրքը հասնում նոր մակարդակի:

Ի՞նչն է կյանքում ամենակարևորը քեզ համար
Ես հավատում եմ, որ մենք բոլորս ապրում ենք ոչ միայն մեզ, այլև այս աշխարհի, բնության և մյուս մարդկանց կյանքերի վրա ազդելու համար:

 

 

Գաբրիելա Զուանացցի
Գիտության և նորարարությունների գծով ավագ տնօրեն

Ես քիմիկոս եմ, որը մաշկի խնամքի միջոցների համար ստեղծում է նոր բանաձևեր: Արդյունավետ և օգտագործման համար հաճելի միջոցներ ստեղծելու համար բաղադրիչներ համադրելը շատ հետաքրքիր գործընթաց է:

Ի՞նչ ուղղությամբ ես հիմա աշխատում
Ես ստեղծում եմ առավելապես բնական բաղադրությամբ միջոցներ, այդ թվում՝ երեխաների համար նոր շարքի համար:

Ինչո՞վ ես ամենաշատը սիրում զբաղվել
Հասկանալ՝ ինչ են ուզում մեր հաճախորդները, ստեղծել արտադրանքներ, որոնք կբավարարեն նրանց պահանջները և կդառնան ամբողջ աշխարհում միլիոնավոր մարդկանց ամենօրյա կյանքի մի մասը:

Ինչո՞ւ ես աշխատում Օրիֆլեյմում
Ինձ դուր է գալիս միջմշակութային միջավայրում աշխատելն ու ամենատարբեր պրոֆիլների մասնագետների հետ փորձով կիսվելը:

Ի՞նչն է կյանքում ամենակարևորը քեզ համար
Ինձ համար առողջ ու երջանիկ կյանքի գաղտնիքն ամեն ինչում հավասարակշռությունն է:

 

 

Դոկտոր Գարրեթ Մորգան (գիտությունների թեկնածու)
Գիտության և նորարարությունների գծով ավագ տնօրեն

Ես պատասխանատու եմ Օրիֆլեյմի արտադրանքների անվտանգության համար ամբողջ աշխարհում: Ես ստուգում եմ՝ արդյո՞ք դրանք համապատասխանում են տարբեր երկրների պահանջներին և չափանիշներին:

Ինչո՞վ ես դու հպարտանում
Ես հպարտ եմ լինել անվտանգության և օրենսդրական նորմատիվների գծով փորձագետների թիմի մասը, որոնք լի են էնտուզիազմով:

Ի՞նչն է ամենաշատը դուր գալիս քեզ այս աշխատանքում
Ես ուրախ եմ, որ ամեն օր աշխատում եմ տարբեր մարդկանց հետ ամբողջ աշխարհում և ստուգում՝ որքանով են մեր արտադրանքները համապատասխանում տարբեր շուկաների անվտանգության պահանջներին:

Ինչո՞ւ ես աշխատում Օրիֆլեյմում
Օրիֆլեյմը մարդկանց է տալիս առաջնայնությունը, և ինձ համար դա շատ կարևոր է. հենց այդ պատճառով էլ ես այստեղ աշխատում եմ արդեն 15 տարի:

Ի՞նչն է քեզ ոգեշնչում
Քո առաջ անընդհատ նոր մարտահրավերներ դնելն ու անդադար սովորելը: Այդպես ես զգում եմ, որ իսկապես արժեքավոր բանով եմ զբաղվում:

 

 

Ժյուսթին Դրեվետ
Արտադրանքների անվտանգության բաժնի գլխավոր թունաբան

Ես գնահատում եմ մեր արտադրանքներում՝ հատկապես մաշկի խնամքի միջոցներում, առկա բոլոր բաղադրիչների անվտանգությունը:

Ի՞նչն է ամենաշատը քեզ դուր գալիս քո աշխատանքում
Ամեն օր տեղի է ունենում ինչ-որ նոր բան: Մենք սկզբից մինչև վերջ մշակում ենք մեր արտադրանքները, և նույնիսկ երբ դրանք հայտնվում են շուկայում, մենք ստուգում ենք՝ որքանով են սպառողները բավարարված որակով և անվտանգությամբ:

Ինչո՞ւ ես դու աշխատում Օրիֆլեյմում
Օրիֆլեյմն ընկերություն է, որը բաց է ամբողջ աշխարհի առաջ, և ինձ անչափ դուր է գալիս աշխատել տարբեր երկրների և մշակույթների մարդկանց հետ: Ամենաշատը սիրում եմ հանդիպել աշխարհի մյուս ծայրում աշխատող կոլեգաներիս: Օրինակ՝ 2019-ի հունվարին ես այցելեցի Չինաստան, շատ հետաքրքիր փորձառություն էր:

Ի՞նչն է կյանքում ամենակարևորը քեզ համար
Ես գնահատում եմ վստահությունը, ընկերությունն ու քրտնաջան աշխատանքը: Սիրում եմ փորձել սպորտի նոր տեսակներ. դա օգնում է ստուգել տոկունությունդ:

Ի՞նչն է քեզ ոգեշնչում
Մտքիս առաջինը Սիմոնա Վեյլն է գալիս. հասարակական, քաղաքական գործիչ և կանանց իրավունքների համար պայքարող մարտիկ Ֆրանսիայից:

 

 

Դոկտոր Իա Հմալաձե (գիտությունների թեկնածու)
Գիտության և նորարարությունների գծով ավագ տնօրեն

Ես աշխատում եմ Մաշկի հետազոտության կենտրոնում և զբաղվում եմ նոր ակտիվ բաղադրիչների ուսումնասիրությամբ: Ես հրաշալի գիտեմ՝ ինչպես է ծերանում մաշկը, և դա ինձ օգնում է գտնել ամենից արդյունավետ բնական բաղադրիչները, որոնք խթանում են մաշկի պաշտպանիչ ֆունկցիաները և դանդաղեցնում են ծերացման գործընթացը:

Ինչո՞վ ես դու հպարտանում
Հպարտանում եմ, որ գլխավորում եմ միկրոբիոմի ուսումնասիրության նախագիծը, որի գլխավոր նպատակը ցանկացած տարիքի համար գեղեցկության և երիտասարդության եզակի արտադրանքներ մշակելն է:

Ինչո՞ւ ես աշխատում Օրիֆլեյմում
Ես հավատում եմ, որ սիրելի գործի հանդեպ իմ փորձագիտությունն ու կիրքը կօգնի ստեղծել ավելի ու ավելի զարմանահրաշ ու արդյունավետ արտադրանքներ ծերացման դեմ:

Ի՞նչն է քեզ համար ամենակարևորը կյանքում
Ինձ համար կարևոր է փոխել մարդկանց կյանքը. մեր հակատարիքային արտադրանքներն օգնում են հասնել դրան:

Ի՞նչն է քեզ ոգեշնչում
Ոգեշնչման իմ գլխավոր աղբյուրը բնությունն է:

 

 

Դոկտոր Նատաշա Վիլիամս Օ’Հենլոն (գիտությունների թեկնածու)
Հումքի որակի գծով տնօրեն

Ես հետևում եմ, որ մեր արտադրանքների բաղադրությունները համապատասխանեն Օրիֆլեյմի բոլոր պահանջներին և չափանիշներին: Իմ աշխատանքի շնորհիվ մենք դադարեցինք օգտագործել պլաստիկ միկրոմասնիկներ և դարձրինք Love Nature միջոցները կենսաքայքայվող:

Ինչո՞վ ես հպարտանում
Իմ դոկտորական աստիճանով, ինչպես նաև միջոցների շարքի մշակմամբ ու թողարկմամբ, որը լիովին համապատասխանում է էթիկական և էկոլոգիական պատասխանատվության սկզբունքներին. այն առաջինն է ինչպես Օրիֆլեյմում, այնպես էլ ամբողջ աշխարհում:

Պատմի՛ր՝ ինչպե՞ս հայտնվեցիր Օրիֆլեյմում
Երբ թեկնածուական դիսերտացիա էի գրում, նաև աշխատում էի համալսարանում, սակայն ուզում էի ավելի շատ փորձ ձեռք բերել ուսումնական հաստատության պատերից դուրս: Այդ ժամանակ ես գտա թափուր աշխատատեղ շվեդական կոսմետիկ ընկերությունում, որի արժեքները լիովին համապատասխանում էին իմին և թույլ էին տալիս գործնականում կիրառել բնության, գիտության և հաղորդակցության հանդեպ իմ սերը:

Ինչի՞ ուղղությամբ ես ամենամեծ հետաքրքրությամբ աշխատել
Աշխարհում առաջին միջազգային կոսմետիկ միջոցների շարքի մշակման, որն ունի FairtradeTM հավաստագրում: Բացի այդ, մենք ստեղծել ենք աշխարհում առաջին Կոսմետիկայի արդար առևտրի զարգացման ֆոնդը, որը զբաղվում է սոցիալական և էկոլոգիական ծրագրերով այն հանրությունների շրջանում, որոնք մեզ հումք են տրամադրում:

Ի՞նչն է քեզ համար ամենակարևորը կյանքում
Ամեն օր այնպես անել, որ Oriflame ընկերությունը հետևի պատասխանատու և էթիկական ընկերության սկզբունքներին: Մեծացնել երկու բարի, ազնիվ և խիզախ աղջիների:

 

 

Դոկտոր Սյուզաննա Ֆաբր (գիտությունների թեկնածու)
Մաշկի հետազոտությունների կենտրոնի տնօրեն

Ես գլխավորում եմ Մաշկի հետազոտության ինստիտուտը, իմ նպատակն է գտնել բնական ակտիվ բաղադրիչներ, որոնք կպաշտպանեն մաշկը շրջակա միջավայրի ագրեսիվ ներգործությունից, կդանդաղեցնեն ծերացման գործընթացը և կընդգծեն բնական գեղեցկությունը:

Պատմի՛ր՝ ինչպես հայտնվեցիր Օրիֆլեյմում
Ես կենսաբան եմ, որը շատ է հետաքրքրված մարդու բնությունը հասկանալով: Եվ երբ հնարավորություն ստացա օգտագործել իմ հետաքրքրություններն աշխատանքում և գործի դնել իմ առաջնորդական որակներն ինձ համար նոր ոլորտում, բաց չթողեցի այդ հնարավորությունը:

Ինչո՞ւ ես աշխատում Օրիֆլեյմում
Ինձ համար կարևոր է աշխատել ընկերությունում, որը ստեղծում է որակյալ արտադրանքներ, որոնք իրականացնում են խոստացվածը: Բացի այդ, ես հպարտանում եմ, որ Օրիֆլեյմի գործունեությունը դրականորեն է անդրադառնում մարդկանց առողջության և բարեկեցության վրա:

Ի՞նչն է քեզ ոգեշնչում
Ստեղծագործ և իրենց աշխատանքով հափշտակված մարդիկ, որոնք բաց են ամեն նորի առաջ և պատրաստ են փոխել աշխարհը:

Ո՞վ է քեզ ոգեշնչում
Իմ գործընկերներն ու մեր խորհրդատուները:

 

Մենք հպարտանում ենք մեր գիտական ձեռքբերումներով




Իմացի՛ր ավելին Օրիֆլեյմի գլխավոր տեխնոլոգիաների և նորարարությունների մասին