Շվեդական հայացք
Քանի որ մենք շվեդական ընկերություն ենք, ունենք յուրահատուկ տեսակետ գեղեցկության և ապրանքատեսակների արտադրության մասին: Ի սկզբանե, մենք ոգեշնչվում ենք բնությունից և օգտագործում գիտական ձեռքբերումները՝ մեր արտադրանքը անվտանգ, հուսալի և արդյունավետ դարձնելու համար: Հենց այդ մոտեցման շնորհիվ՝ մենք ամրապնդեցինք մեր անունը շուկայում:
Ոգեշնչում բնությունից
Շվեդական բնությունը մշտապես կարևոր է եղել մեզ համար: Բույսերը, որոնք աճում և գոյատևում են հյուսիսային խիստ կլիմայի պայմաններում, դիմակայելով ցուրտ, մութ ձմեռներին և կարճ, ինտենսիվ ամառներին, ոգեշնչում են մեզ: Մեր արտադրանքները ստեղծելիս՝ բնությունն է առաջնորդում մեզ: Մենք աշխարհում առաջիններից էինք, որ սկսեցինք ստեղծել բնական մզվածքների հիմքով կոսմետիկա, օրինակ՝ կեչու հյութի, տասնամյակներով առաջ անցնելով մյուս ապրանքանիշներից:
Այժմ մենք շարունակում ենք գնահատել և կարևորել բնական բաղադրիչների պոտենցիալն ու առավելությունները՝ լինի դա բույսերի ցողունային բջիջներ, թե բնական մաքրող մասնիկներ: Մեր բոլոր մզվածքները բնական ծագում ունեն, բոլոր բաղադրիչները, որ մենք ընտրում և ստանում ենք, համապատասխանում են էկոլոգիական և էթիկական չափանիշներին: Այսպիսով՝ մենք չենք վնասում շրջակա միջավայրը, մենք կարող ենք երաշխավորել արտադրանքների անվտանգությունն ու որակը:
Գիտության ուժը
Արդեն 50 տարի մենք ստեղծում ենք բարձրորակ և օգտագործման համար պարզ արտադրանքներ՝ հիմքում ունենալով գիտական վերջին հետազոտություններն ու բացահայտումները: Մենք մշտապես փնտրում ենք լավագույն բանաձևերը և նորարարական մոտեցումները, որոնք թույլ կտան մեր արտադրանքներն ավելի արդյունավետ դարձնել: Մեր արտոնագրված տեխնոլոգիաները և մշակումներն անցնում են կլինիկական հետազոտություններ:
Մեր գիտնականները և փորձագետները մասնագիտացած են տարբեր ոլորտներում, ինչպիսիք են քիմիան, սննդաբանությունը, մաշկի ծերացումը, կլինիկական փորձարկումները, սարքաշինությունը և այլն: Բոլոր այս մասնագետները մեր գիտահետազոտական ինստիտուտների օգնությամբ կարողանում են ստեղծել լավագույն արտադրանքները մեր հաճախորդների համար:
Որակի չափանիշներ
Մենք ունենք որակի բարձր չափանիշներ, որոնց համապատասխանությամբ ստեղծում ենք անվտանգ և հուսալի արտադրանքներ:
