Կռատուկ
Arctium lappa
Կռատուկին մի շարք օգտակար հատկանիշներ են վերագրում: Բույսի արմատը ոչ ավանդական բժշկության մեջ օգտագործվող ամենատարածված բաղադրիչն է. սովորաբար այն օգտագործում են թեյի, թուրմերի կամ փոշի հավելումների տեսքով: Կռատուկը բուսական շաքարների, ֆլավոնոիդների, հանքանյութերի, դաբաղանյութերի և սպիտակուցների աղբյուր է, որոնք կոսմետիկ միջոցների բաղադրիչ հանդիսանալով՝ նպաստում են նաև մաշկի փափկացմանն ու տոնուսավորմանը: Եթերային յուղերի և լիպիդների շնորհիվ՝ կռատուկի արմատի մզվածքը սնուցում է մազերն ու գլխի մաշկը, ինչպես նաև օգնում է նվազեցնել գլխամաշկի ճարպի առաջացումն ու կանխարգելում է թեփի առաջացումը:
Հիմնական առավելություններ
- Կռատուկը հրաշալի մաքրում և խոնավացնում է մաշկը:
- Հակամանրէային հատկություններն օգնում են լավացնել դեմքի գույնը՝ մաշկին առողջ տեսք հաղորդելով:
- Խնամելով մազերը՝ կռատուկի մզվածքն օգնում է նվազեցնել մաշկային ճարպի առաջացումը, որպեսզի գլխամաշկը մաքուր և առողջ տեսք ունենա:
Կռատուկը պարունակում է ինուլին՝ պոլիսախարիդային միացություն, որի հակամանրէային հատկություններն օգնում են մաքրել մաշկը՝ առողջ տեսք հաղորդելով և ազատելով յուղային փայլից: