Լոռամրգին այլ մրգերի, բանջարեղենների և հատապտուղների շարքում առանձնանում է մի շատ կարևոր հատկությամբ՝ հակաօքսիդիչների շատ բարձր խտությամբ: Այն նաև հագեցած է մաշկը սնուցող C, E և K վիտամիններով: Այս բազմաֆունկցիոնալ արժեքավոր բաղադրիչն օժտված է մաշկի համար օգտակար բազմաթիվ հատկություններով, իսկ լոռամրգու սերմերի յուղը, առանձնանում է սնուցող հատկությամբ՝ ճարպաթթուների մեծ քանակության շնորհիվ: Փոքրիկ, կարմիր պտուղներն արդեն հարյուրավոր տարիներ բարձր են գնահատվում իրենց սնուցող և բուժիչ հատկությունների համար, իսկ Ամերիկայի հնդկացիներն առաջիններն էին, որ օգտագործել են լոռամրգին բուժիչ նպատակներով:

Լոռամրգի սերմերի յուղը հայտնի է տոկոտրիենոլների բարձր խտությամբ. հակաօքսիդիչ մոլեկուլների խումբ, որոնք օգնում են պաշտպանել մաշկն ազատ ռադիկալների վնասներից և պահպանում են մաշկի առողջությունն ու երիտասարդությունը: