1. ՄԱՔՐՈՒԹՅՈՒՆԸ ԱՌՈՂՋՈՒԹՅԱՆ ԳՐԱՎԱԿԱՆՆ Է
Աղտոտվածությունը, ավելորդ յուղը և հարդարանքի միջոցի մնացորդները կարող են խցանել մազապարկերը, և այդ կերպ դանդաղեցնել մազերի աճը։ Դրանից խուսափելու համար թող քո մազերը փոքր-ինչ հանգստանան. որոշ ժամանակ մի՛ օգտագործիր մազերը հարդարելու միջոցներ։
2. ԿԱՏԱՐԻՐ ՇԱՄՊՈՒՆԻ ՃԻՇՏ ԸՆՏՐՈՒԹՅՈՒՆ
Շամպունների մեծամասնությունը հաջողությամբ է իրականացնում իր հիմնական նպատակը՝ հեռացնում է աղտոտվածությունն ու հարդարանքի միջոցների մնացորդները։ Սակայն սխալ ընտրության դեպքում կամ պարզապես գլուխը հաճախ լվանալու դեպքում, կքայքայես բարակ ճարպաշերտը, որի շնորհիվ էլ քո մազերը պահպանում են իրենց փափկություն ու առողջ տեսքը։ Ի՞նչ անել։ Մենք խորհուրդ ենք տալիս վերականգնող շամպուն, որը կհոգա քո մազերի մասին։
3. ՄՇՏԱՊԵՍ ՕԳՏԱԳՈՐԾԻՐ ԿՈՆԴԻՑԻՈՆԵՐ
Ներկն ու տաք հարդարանքը ժամանակի ընթացքում թուլացնում են մազերը, հատկապես՝ դրանց ծայրերը։ Այս խնդիրը լուծելու համար գլուխը լվանալուց օգտագործիր նաև կոնդիցիոներ։ Կոնդիցիոներն օգնում է փակել կուտիկուլները և այդ կերպ կանխարգելում մազերի վնասումը։
4. ՕԳՏԱԳՈՐԾԻՐ ԴԻՄԱԿՆԵՐ
Եթե որոշել ես երկարացնել մազերը, պատրաստ եղիր, որ դրանց ծայրերին անհրաժեշտ է հատուկ խնամք։ Սովորական կոնդիցիոներն այստեղ չի օգնի։ Իհարկե, ծայրերն անհրաժեշտ է կանոնավոր կերպով կտրել, սակայն եթե պատրաստ չես ռադիկալ քայլերի, փորձիր շաբաթը մեկ օգտագործել դիմակներ կամ մազերին տարածել մազի յուղ։
5. ՓՈԽԻՐ ԲԱՐՁԻ ԵՐԵՍԸ
Եթե քնում ես բամբակե բարձի երեսի վրա, այն փոխարինիր սատինե կտորով։ Այն ավելի փափուկ է, իսկ դա նշանակում է՝ քնի ընթացքում կտրորվի ավելի քիչ, և դու կարթնանաս ոչ այդչափ գզգզված, քան սովորաբար։
6. ՄԻ՛ ՄՈՌԱՑԻՐ ՍՆՆԴԱԿԱՐԳԻ ՄԱՍԻՆ
Մազերի աճն ապահովելու համար քո օրգանիզմին անհրաժեշտ են սնուցող նյութեր, մասնավորապես՝ երկաթ, В խմբի վիտամիններ, ցինկ, սպիտակուց։ Մենք հասկանում ենք, որ նման սննդակարգ կազմելն ու դրան հետևելը պարզ զբաղմունք չէ, և այդ պատճառով էլ խորհուրդ ենք տալիս հատուկ մշակված վիտամինային հավելումներ՝ մազերի համար։
7. ԻՐԵՐԻՆ ՆԱՅԻՐ ՌԵԱԼ
Եվ, վերջապես։ Անգամ նպաստավոր բոլոր պայմանները մազերիդ համար ստեղծելու դեպքում՝ պատրաստ եղիր, որ մի գիշերվա ընթացքում դրանք չեն աճի մինչև գոտկատեղ։ Վերջին հետազոտությունները ցույց են տալիս, որ մազերի աճի արագությունը միջինում կազմում է տարին 13 սմ եվրոպացիների և 15 սմ՝ ասիական ազգերի մոտ։
