Skip to main content Skip to main menu Skip to search

Անթերի մաշկ՝ 1 րոպեում

Այս գարնանն Օրիֆլեյմը ներկայացնում է դեմքի մաշկը մաքրող SkinPro Sonic 3-ը 1-ում նորացված սարքավորումը: Այսպիսի սարքավորումը պարզապես անհրաժե՛շտ է ներառել մաշկի համալիր խնամքի մեջ:

Ինչո՞ւ է այն բոլորին անհրաժեշտ

Մաշկի խնամքի ցանկացած համակարգում ճիշտ մաքրումը հիմնական քայլերից մեկն է: Ավանդական եղանակով մաքրումից հետո մաշկը թվում է մաքուր, սակայն դրա մակերեսին կարող են մնացած լինել աղտոտվածություն, դիմահարդարման հետքեր, որոնք անհնար է տեսնել անզեն աչքով: Դրանք աստիճանաբար կուտակվում են ծակոտիներում՝ բացասաբար անդրադառնալով մաշկի առողջության վրա, խանգարելով խնամքի միջոցների ներծծմանն ու ակտիվ ներգործությանը: 

Կլինիկորեն ապացուցված է. SkinPro Sonic սարքավորմամբ մաքրումն ավելի արդյունավետ է, քան ձեռքով մաքրումը, և բացարձակ անվնաս է նույնիսկ ամենազգայուն մաշկի համար: Ձայնային տեխնոլոգիայով 3-ը 1-ում համակարգը արդյունավետորեն հեռացնում է աղտոտվածությունն ու մեռած բջիջները, մաշկին փայլ է հաղորդում, մերսում է՝ վերականգնելով տոնուսն ու առաձգականությունը:

Ինչպե՞ս է աշխատում

SkinPro Sonic 3-ը 1-ում սարքավորման աշխատանքի սկզբունքը նման է էլեկտրական ատամի խոզանակի աշխատանքին, րոպեում կատարում է 12 600 վիբրացիա: Գլխիկը միայն մակերեսորեն է հպվում մաշկին, սակայն ձայնային վիբրացիաները թույլ են տալիս սարքավորմանը առավել արդյունավետորեն գործել՝ հեռացնել աղտոտվածությունը և մեռած բջիջները կամ մերսել մաշկը՝ վերականգնելով տոնուսն ու առաձգականությունը:

Արդյունքում՝ նոր SkinPro Sonic 3-ը 1-ում սարքավորումը

Մաշկին առողջ փայլ է հաղորդում հենց 1-ին օգտագործումից հետո - 96%-ը հաստատում են*, 
Անվտանգ է դեմքի նուրբ մաշկի համար, 
Ձայնային վիբրացիաների շնորհիվ՝ խորությամբ մաքրում է, 
Նպաստում է խնամքի միջոցների առավել խորը ներթափանցմանը, 
Արդեն 4 շաբաթ անց բարելավում է մաշկի տոնուսը, առաձգականությունն ու էլաստիկությունը**՝ հաղորդելով ավելի ձիգ տեսք:

Ո՞րն է նորույթի առավելությունը

Նոր SkinPro Sonic 3-ը 1-ում սարքավորումը նկատելիորեն գերազանցում է նախորդ SkinPro-ն իր բնութագրով.

1. Պտտվող գլխիկ vs. Ձայնային տեխնոլոգիա

Նախորդ SkinPro-ի աշխատանքի սկզբունքը հիմնված էր պտույտի վրա, իսկ նորինը՝ ձայնային տեխնոլոգիայի վրա, որը թույլ է տալիս մաշկի վրա մեխանիկական ազդեցությունն ավելի նուրբ դարձնել: Հիմնական աշխատանքը հենց ձայնային տատանումներն են կատարում, որոնց շնորհիվ՝ գլխիկները ծակոտիներից տառացիորեն դուրս են հանում աղտոտվածությունը:

2. Մաքրում vs. մաշկի լիարժեք խնամք

Հին SkinPro-ի օգնությամբ կարելի էր միայն մաքրել մաշկը, իսկ նոր սարքավորումը ուժեղացնում է խնամքի միանգամից երեք փուլերի արդյունավետությունը.

Մաքրում
Խողանակ-գլխիկով ամեն օր լվացվելով՝ կարելի է մաքրել մաշկը, հեռացնել աղտոտվածությունն ու դիմահարդարումը: 

Շերտազատում
Սիլիկոնային գլխիկը շաբաթական 1-2 անգամ օգտագործելով՝ կարելի է բարելավել մաշկի կառուցվածքը, փոքրացնել ծակոտիները, մաշկը դարձնել ավելի փափուկ ու հարթ:

Մերսում
Մետաղական գլխիկի օգնությամբ կարելի է հասնել խոնավացնող միջոցների առավել խորը ներթափանցմանը և 4 շաբաթում բարելավել մաշկի տոնուսը, առաձգականությունը, էլաստիկությունը**՝ հաղորդելով ձիգ տեսք:

3. Երկու արագությամբ համակարգ vs. երեք ծրագիր

Նախորդ SkinPro-ն ունի աշխատանքի երկու արագություն՝ ազդեցության տարբեր ինտենսիվությամբ, որոնցից յուրաքանչյուրը տևում է 1 րոպե և ավարտվում է ավտոմատ կերպով: 

Նոր SkinPro-ն ևս ունի բարձր և ցածր ինտենսիվությամբ ծրագրեր, սակայն դրանք չունեն ժամանակային սահմանափակում, այդ կերպ հնարավորություն են ստեղծում ինքնուրույն կարգավորել գործընթացի տևողությունը՝ ելնելով մաշկի պահանջներից:

 Նոր SkinPro-ի երրորդ ծրագիրն ավտոմատ է. այն տևում է 1 րոպե և կարճ ընդմիջումներով հուշում է, որ ժամանակն է գլխիկը տեղափոխել դեմքի այլ հատված: Մենք խորհուրդ ենք տալիս 20 վայրկյան հատկացնել ճակատային հատվածին, 20 վայրկյան՝ դնչին, շրթունքի վերնամասային հատվածին և քթին, 10-ական վայրկյան՝ ամեն այտին: Ծրագրի ավարտից հետո սարքավորումն ավտոմատ ավարտվում է:

SkinPro Sonic 3-ը 1-ում մաշկը մաքրող սարքավորումն աշխատում է երկու АА տիպի մարտկոցով, հարմար է օգտագործել լոգանք կամ ցնցուղ ընդունելիս՝ ջրակայունության IPX5 մակարդակի շնորհիվ: Հավաքածուն ներառում է մանրակրկիտ ուղեցույց՝ սարքավորման խնամքի և առավելագույն օգտավետություն ստանալու մասին:

*Ըստ 3 գլխիկների, մաքրող միջոցի և ստանդարտ հիմնական խնամքի համակցությամբ սպառողական թեստավորման արդյունքների:
** Կլինիկորեն հաստատված է:

Դեմքի մաշկը մաքրող սարքավորում SkinPro Sonic

Ձայնային տեխնոլոգիայի հիման վրա մաշկի խնամքի 3-ը 1-ում համակարգը մաքրում է մաշկը, դրան հաղորդում շողացող ու երիտասարդ տեսք: Հարմար անլար սարքը կարելի է օգտագործել 3 գլխիկներից յուրաքանչյուրով՝ մաքրման, շերտազատման կամ մերսման համար: 3 ծրագիր՝ ներառյալ 60-վայրկանանոց ցիկլով ավտոմատ ծրագիրը: