Skip to main content Skip to main menu Skip to search
  1. Գլխավոր
  2. Նորություններ և մամուլ
  3. Ընկերության նորություններ
  4. Կարևոր տեղեկություն ձեր անձնական տվյալների վերաբերյալ

Կարևոր տեղեկություն` ձեր անձնական տվյալների վերաբերյալ

Հարգելի՛ խորհրդատուներ,

Գրում ենք՝ տեղեկացնելու մի պատահարի մասին, որ կարող է ազդել նաև ձեր անձնական տվյալների վրա։

Ձեր գաղտնիության նկատմամբ հարգանքն ու մեր համայնքների պաշտպանությունը Օրիֆլեյմ ընկերության կարևորագուն առաջնահերթությունն է։ Ցավով հայտնում ենք, որ Օրիֆլեյմ ընկերությունը կիբերհարձակումների զոհ է դարձել, և մեր տեղեկատվական համակարգ մուտքը խիստ վտանգված է։

Դեպքը տեղի է ունեցել հուլիսի 31-ին և օգոստոսի 1-ին և հանգեցրել է որոշ բրենդ-գործընկերների անձնական տվյալների(օրինակ՝ անձը հաստատող փաստաթղթի մասին տեղեկատվության) անօրինական հասանելիության։ Այս հարձակման ընթացքում չեն տուժել ձեր բանկային հաշվի, հեռախոսի համարի կամ օգտվողի գաղտնաբառերի հետ կապված որևէ մանրամասներ, որոնց մուտքը հասանելի չէր։ Առևտրային գործառնությունները նույնպես ապահով են:

Մեծ աշխատանքներ են տարվում՝ պարզելու, թե մեր որ խորհրդատուներն են տուժել և հատկապես որ տվյալներն են դարձել հասանելի։ Կարող ենք վստահաբար ասել, որ այս միջադեպը տարածվել է ԱՊՀ երկրներում և Ասիայում աշխատող մեր գործընկերների վրա։ Մենք անձնապես կկապվենք յուրաքանչյուր տուժածի հետ և ավելի մանրամասն տեղեկատվություն կտրամադրենք կատարվածի վերաբերյալ մինչև 2021թ. օգոստոսի 31-ը։

Անօրինական հարձակումից հետո Oriflame ընկերությունը դիմել է համապատասխան պատկան մարմիններին, ինչպես նաև Շվեյցարիայի կիբերանվտանգության ազգային կենտրոն: Մենք ձեռնարկել ենք անհապաղ միջոցներ՝ ուժեղացնելու կիբերանվտանգության առկա պաշտպանությունը և հետաքննում ենք այս միջադեպը՝ արտաքին գործընկերների և իրավապաշտպան մարմինների հետ:

Թեև այս պահին մենք հիմք չունենք ենթադրելու, որ այդ տվյալները կարող են օգտագործվել անձի կեղծման նպատակներով, կոչ ենք անում հետևել նախազգուշական հետևյալ միջոցներին.

  • Եթե դուք դարձել եք խարդախության զոհ կամ գողացել են ձեր անձը, անհապաղ դիմեք տեղի իրավապահ մարմիններին:
  • Զգույշ եղեք, եթե կողմնակի կազմակերպությունները և անձինք փորձում են ձեզ հետ կապի մեջ մտնել:
  • Եթե դուք օգտագործում եք գաղտնաբառեր, որոնք կապված ենք ձեր անձնական տվյալների հետ, խորհուրդ ենք տալիս փոխել դրանք:
  • Ձեր անձնական տեղեկատվության անվտանգությունը մեզ համար առաջին տեղում է: Իրավապահ մարմինների և արտաքին այլ գործընկերների հետ մենք անում ենք հնարավոր ամեն բան՝ Oriflame հանրությանը պաշտպանելու, այս միջադեպը լիարժեք հետաքննելու և համոզվելու համար, որ մեղավորները լիարժեք պատժվեն իրենց անօրինական գործունեության համար:

    Այս հարձակման արդյունքում Oriflame հաշիվները, պատվերները և վճարման գործընթացները չեն տուժել: Դուք կարող եք իրականացնել կոմերցիոն օպերացիաները սովորական ռեժիմով:

    Եթե ձեզ մոտ առաջացել են լրացուցիչ հարցեր, խնդրում ենք կապվել Oriflame կենտրոնական գրասենյակի հետ:

    Հարգանքով,

    Oriflame Հայաստանի տնօրինություն