COVID-19. հաղորդագրություն Oriflame գլոբալ հանրությանը

Գեղեցկությանը սիրահարված մեր հանրությանը՝ ողջ աշխարհում

Մեր մարդկանց՝ աշխատակիցներ, խորհրդատուների և հաճախորդների առողջությունն ու անվտանգությունը Oriflame ընկերության համար ամենակարևորն է:

Ողջ աշխարհն է հիմա ապրում դժվար իրավիճակում: Մենք՝ որպես ընկերություն, նույնպես միացել ենք COVID-19 վիրուսի տարածման կանխարգելմանն ուղղված համաշխարհային ջանքերին: Մենք խստորեն հետևում ենք կառավարությունների և առողջապահության կազմակերպությունների բոլոր ցուցումներին: Մենք մշակել ենք որոշակի կանոններ և խորհուրդներ՝ ինչպես վարվել դժվարին իրավիճակներում, և անընդհատ տեղեկացնում ենք մեր աշխատակիցներին նոր թարմացումների մասին: Մենք ավելի հետևողականորեն ենք կիրառում Oriflame մշակույթի արժեքներն ու սկզբունքները, քանի որ հենց մեր մշակույթն է մեզ ուժեղ դարձնում և միավորում դժվարությունների դեմ:

Մենք՝ որպես ընկերություն, ուզում ենք, որ բոլորդ լինեք անվտանգության մեջ, անեք հնարավոր ամեն բան՝ վիրուսի տարածումը կանխարգելելու համար, լավ տեղեկացված լինեք, որպեսզի կարողանաք պաշտպանել ձեզ և բոլոր նրանց, ովքեր ձեզ հետ են, ավելի խստորեն հետևեք հիգիենային՝ խնդրի մասշտաբներին համապատասխան: Այժմ աշխարհում ոչ ոք չի կարող ասել՝ որքան երկար կձգվի այս իրավիճակը: Մեզ մնում է միայն հետևել զարգացումներին:

Ես կցանկանայի ձեզ հետ կիսվել այն միջոցառումներով, որ մենք ձեռնարկել ենք, որպեսզի մեր աշխատակիցները, խորհրդատուները և սպառողները լինեն անվտանգության մեջ:

Մեր գրասենյակները

Մենք չեղարկել ենք բոլոր միջազգային ուղևորությունները:
Մենք չեղարկել ենք կամ հետաձգել ենք մեր միջազգային հանդիպումները և միջոցառումները, և հետևում ենք տեղական կառավարությունների խորհուրդներին՝ տարածաշրջաններում միջոցառումների ացկացումների վերաբերյալ:
Մեր աշխատակիցների մեծամասնությունն անցել է տնից աշխատանքի ռեժիմին: Մենք սահմանափակել ենք մեր գրասենյակներ այցելությունները, հորդորում ենք մարդկանց մնալ տանը, եթե իրենց վատառողջ են զգում կամ առկա են գրիպի կամ մրսածության նախանշաններ: Մենք ուժեղացրել ենք պրոֆիլակտիկ միջոցները. մանրակրկիտ մաքրում և պարտադիր ախտահանում մեր բոլոր գրասենյակներում:

Մեր արտադրանքները

Մեր որակի վերահսկողության թիմը՝ Oriflame Global Quality team, ստուգել է մեր պատրաստի արտադրանքների գործարաններն ու երաշխավորում է մեր բոլոր արտադրանքների անվտանգությունն ու որակի ներքին և միջազգային չափանիշներին համապատասխանությունը:
Oriflame բոլոր գործարանները համապատասխանում են Արտադրական պատշաճ պրակտիկայի (GMP) բոլոր չափանիշներին: Արտադրական պատշաճ պրակտիկան (GMP) կարգավորում է արտադրական միջավայրը՝ հիգիենիկ չափորոշիչների պահպանման և արտադրանքի ցանկացած աղտոտվածության կամ վարակվածության կանխարգելման տեսանկյունից, երաշխավորում է արտադրական գործընթացի նախագծման, մոնիթորինգի և վերահսկողության պատշաճ կատարում:
Ըստ օրենսդրության և մեր ներքին խիստ չափանիշների՝ բոլոր արտադրանքները, որոնց համար դա կիրառելի է, անցնում են միկրոկենսաբանական թեստեր, ինչն ապահովում է դրանց անվտանգությունը սպառողների համար:
Մենք գիտակցում ենք, որ աճել է անձնական հիգիենայի միջոցների և Wellness կատեգորիայի միջոցների պահանջարկը, և անում ենք հնարավոր ամեն ինչ, այդ պահանջարկը բավարարելու համար:

Oriflame ընկերության անունից, ինչպես նաև որպես Ուղիղ վաճառքների համաշխարհային ֆեդերացիայի (WFDSA) ներկայացուցիչ՝ ես կցանկանայի խոսքս ուղղել մեր բոլոր խորհրդատուներին. այս ոչ այնքան պարզ ժամանակահատվածում շատ կարևոր է, որ դուք՝ որպես Oriflame ապրանքանիշի ներկայացուցիչ, մեր արտադրանքների մասին ձեր հաճախորդներին ներկայացնեք միայն հստակ, հիմնավորված և հաստատված տեղեկատվություն, առանց չափազանցված և չարդարացված խոստումների: Մեզ համար շատ կարևոր է թույլ չտալ ստեղծված ճգնաժամի անիրավական շահագործումը: Մենք երբեք չենք հանդուրժել նման փաստերը, առավել ևս՝ չենք հանդուրժի այն հիմա, երբ խաղաքարտին շատ բան է դրված:

Մեր հանրությունը

COVID-19-ի առաջացմամբ պայմանավորված անհանգստությունները ստիպում են մեզ պահպանել սոցիալական հեռավորություն. սոցիալական միջոցառումների հավաքածու, որն ուղղված է վիրուսի տարածումը կանխարգելելու: Շատ կարևոր է մեծագույն լրջությամբ վերաբերվել այդ միջոցառումներին՝ ապահովելու համար այն մարդկանց անվտանգությունը, որոնք ռիսկի խմբում են: Սակայն սոցիալական հեռավորությունը չպետք է բաժանի մեզ, հակառակը՝ մենք կարող ենք օգտագործել այն՝ միմյանց ավելի մոտ դառնալու համար:

Նույնիսկ եթե մենք չենք կարող հանդիպել անձնապես, բազում այլ եղանակներ կան միմյանց օգտակար լինելու համար: Մենք կարող ենք վստահություն ներշնչել և սատարել մեր մտերիմներին, ընկերներին, գործընկերներին՝ պարզապես զանգահարելով կամ վիդեո-չատով նրանց հետ շփվելով: Մենք կարող ենք օգնել միմյանց՝ կիսվելով առցանց վաճառքի գատնիքներով և հմտություններով, կամ խնամքով լվանալով ձեռքերն ու տանը մնալով, երբ վատառողջ ենք մեզ զգում:

Միայն միմյանց օգնելով և միասին աշխատելով մենք կհաղթահարենք այս դժվար ժամանակահատվածը, կպահպանենք մեր միասնությունը և այս ամենից դուրս կգանք ավելի ուժեղ, քան առաջ էինք:

Խնդրում եմ, պահպանե՛ք ձեզ:

Հարգանքով՝

Մագնուս Բրեննսթրոմ
Oriflame ընկերության գլխավոր տնօրեն և նախագահ