Սիրով Շվեդիայից՝ բնության և մաշկիդ համար

ORIFLAME ԸՆԿԵՐՈՒԹՅՈՒՆԸ ՆԵՐԿԱՅԱՑՆՈՒՄ Է LOVE NATURE ՇԱՐՔԻ ՆՈՐՈՒՅԹՆԵՐԸ

Շվեդական Oriflame ընկերությունն արդեն ավելի քան կեսդարյա պատմություն ունի, որի ողջ ընթացքում մնում է հավատարիմ իր գլխավոր սկզբունքին. ստեղծել կոսմետիկ միջոցներ՝ բնական բաղադրիչների հիմքով: Դուբլինի և Ստոկհոլմի մեր գիտահետազոտական կենտրոններում անդադար աշխատանքներ են տարվում նորարարական տեխնոլոգիաներ և բանաձևեր ստեղծելու ուղղությամբ, սակայն մեր ոգեշնչման գլխավոր աղբույրը մնում է անփոփոխ՝ բնությունը, որտեղ կա ամեն ինչ մաշկի արդյունավետ խնամքի համար: Բոլոր նրանց համար, ովքեր կիսում են մեր սերը դեպի շրջակա աշխարհ, մենք ստեղծել ենք Love Nature միջոցների շարքը ամենօրյա խնամքի համար: Այս միջոցներում ակտիվ բաղադրիչները օրգանական բուսական նյութերն են:

Շարքի միջոցների կենսաքայքայվող բանաձևերը պեստիցիդներ և պարաբեններ չեն պարունակում, դրանք չեն վնասում շրջակա միջավայրը, իսկ տարաները վերամշակվող պլաստիկից են պատրաստված:

Հալվե վերա և կոկոսի ջուր՝ Love Nature նորմալ մաշկի համար նախատեսված խնամքի համար

Նորմալ մաշկի համար նախատեսված խնամքի միջոցներում առանցքային բաղադրիչները կոկոսի ջուրն ու հալվե վերան են, որոնք պահպանում են մաշկի բնական գեղեցկությունն ու առողջ փայլը: Հալվե վերայի՝ հզոր բնական հակաօքսիդիչի առանձնահատկությունը մաշկի խորը շերտեր ներթափանցումն է, բջիջներում հեղուկի կենտրոնացումն ու պահպանումն է: Բացի այդ, հալվեի մզվածքը հրաշալի տոնուսավորում է, փափկացնում, հանգստացնում և վերականգնում է մաշկը՝ դարձնելով ավելի հարթ, առաձգական և շողացող: Կոկոսի ջուրը հարուստ է ամինաթթուներով, վիտամիններով և օգտակար հանքանյութերով: Այն հոյակապ թարմացնում է և սնուցում մաշկը՝ երանգը դարձնելով ավելի համաչափ: Միասին այս բաղադրիչները ցանկալի արդյունք են ապահովում և՛ 20, և՛ 40 տարեկանում: Այդ պատճառով մենք խորհուրդ ենք տալիս այս միջոցներն օգտագործել ցանկացած տարիքում:

Մաքրող քսուք լվացվելու համար Love Nature՝ օրգանական հալվե վերայով և կոկոսի ջրով, 125 մլ, 2600 դրամ	Հեռացնում է դիմահարդարումն ու հրաշալի մաքրում է մաշկը՝ առանց չորացնելու այն: Տարածել մեղմ, մերսող շարժումներով, լվանալ ջրով:
Դեմքի թարմացնող տոնիկ Love Nature՝ օրգանական հալվե վերայով և կոկոսի ջրով, 150 մլ, 2600 դրամ	Տոնուսավորում է, թարմացնում է մաշկը մաքրելուց հետո և պատրաստում հետագա խնամքին:
Դեմքի խոնավացնող քսուք Love Nature՝ օրգանական հալվե վերայով և կոկոսի ջրով, 50 մլ, 2600 դրամ	Ակնթարթորեն խոնավացնում է և թարմացնում մաշկը, ավելի փափուկ է այն դարձնում: Օգտագործել առավոտյան և երեկոյան:
Վերականգնող դիմակ-սկրաբ 2-ը 1-ում Love Nature՝ օրգանական հալվե վերայով և կոկոսի ջրով, 75 մլ, 2600 դրամ	Մաքրում է ծակոտիներն ու շերտազատում մաշկը: Ունի երկակի կիրառություն. որպես սկրաբ՝ շաբաթական 1-2 անգամ, որպես դիմակ՝ շաբաթական 2 անգամ՝ 10-15 րոպեով:

Հետաքրքիր փաստեր

Հալվեի տերևները 99,5%-ով կազմված են ջրից, այս բույսը տարիներով կարող է ապրել առանց ջրի՝ գոյատևելով ամենաչոր տարածաշրջաններում: Ժողովրդական անվանումը՝ «անմահաթուփ», պատահական չէ, հալվեն բնության մեջ ապրում է մինչև 100 տարի:

Կոկոսի ջուրը բացարձակ ստերիլ է, եթե կոկսը վնասված չէ, և ունի չեզոք pH: Հայտնի են դեպքեր, երբ Երկրորդ համաշխարհայինի ժամանակ խաղաղօվկիանոսյան ճակատում վիրավորներին կոկոսի ջուր էին ներարկում ֆիզլուծույթի և արյան պլազմայի փոխարեն:

Թեյածառ և մեքսիկական լայմ՝ Love Nature յուղոտ մաշկի համար նախատեսված խնամքի համար

Յուղոտ մաշկի խնամքում կարևորը բորբոքումներից զգուշանալն է, փայլի կարգավորումն է, սև կետերի դեմ պայքարն ու ծակոտիների նեղացումն է: Love Nature շարքում այս ամենի դեմ պայքարում են երկու ուժեղագույն բնական բաղադրիչ: Թեյածառի մզվածքն ունի ընդգծված հակաբորբոքային և հակամանրէային հատկություններ, այն նաև հրաշալի հարթեցնում է մաշկը: Մեքսիկական լայմը կարգավորում է ճարպագեղձերի աշխատանքը, արդյունավետորեն մաքրում է և նեղացնում ծակոտիները, տոնուսավորում է մաշկը և առողջ երանգ հաղորդում: 

Մաքրող գել լվացվելու համար Love Nature՝ օրգանական թեյածառի և լայմի մզվածքներով, 125 մլ, 2600 դրամ	Արդյունավետորեն մաքրում է մաշկը՝ միաժամանակ կարգավորելով սեբումի արտադրությունը: Տարածել նուրբ, մերսող շարժումներով, լվանալ ջրով:
Դեմքի ծակոտիները նեղացնող տոնիկ Love Nature՝ օրգանական թեյածառի և լայմի մզվածքներով, 150 մլ, 2600 դրամ	Տոնուսավորում է և ակնթարթորեն թարմացնում մաշկը, նեղացնում է ծակոտիները: Մաշկը պատրաստում է հետագա խնամքի համար:
Դեմքը փայլատող քսուք-ֆլյուիդ Love Nature՝ օրգանական թեյածառի և լայմի մզվածքներով, 50 մլ, 2600 դրամ	Կարգավորում է սեբումի արտադրությունը, նվազեցնում է յուղոտ փայլը, խոնավացնում է և պաշտպանում մաշկը:
Դեմքի հակամանրէային միջոց Love Nature՝ օրգանական թեյածառի և լայմի մզվածքներով, 10 մլ, 3000 դրամ	Նախատեսված է տեղային կիրառության համար՝ բորբոքումների առաջին իսկ նախանշանների դեպքում: Ունի հակամանրէային ազդեցություն, կանխում է բորբոքումների զարգացումը:
Մաքրող դիմակ-սկրաբ Love Nature՝ օրգանական թեյածառի և լայմի մզվածքներով, 75 մլ, 2600 դրամ	Խորությամբ մաքրում է, խնամքով շերտազատում, նվազեցնում է յուղոտ փայլը, մաշկին առողջ տեսք է հաղորդում: Ունի երկակի կիրառություն. որպես սկրաբ՝ շաբաթական 1-2 անգամ, որպես դիմակ՝ շաբաթական 2 անգամ՝ 10-15 րոպեով:

Հետաքրքիր փաստեր

Թեյածառի պաշտոնական անվանումը Melaleuca է: Այն թեյի հետ ոչ մի ընդհանրություն չունի: «Թեյի» այն անվանեցին առաջին անգամ Ավստրալիայի գաղութարարները, որոնք աբորիգենների օրինակով սկսեցին ծառի տերևները թրմել թեյի փոխարեն, իսկ հետո նաև օգտագործել վերքերը բուժելու համար:

XVIII դարում, երբ բժիշկ Ջեյմս Լինդը բացահայտեց, որ լայմը և C վիտամինով հարուստ մյուս ցիտրուսային մրգերը շատ լավ պայքարում են լնդախտի դեմ, դրանք սկսեցին օգտագործել բրիտանական նավերում: Անգլիացի նավաստիներին նույնիսկ սկսեցին անվանել limeys:

Վարսակ և գոջիի հատապտուղներ՝ Love Nature չոր մաշկի համար նախատեսված խնամքի համար

Մաշկի ցանկացած տեսակ ամենօրյա խնամքի կարիք ունի, չորը՝ հատկապես: Լիպիդների, որոնք կատարում են պատնեշի դեր, նվազ քանակության պատճառով մաշկը չի կարողանում պահպանել հեղուկն ու հակված է գրգռվելուն: Չոր մաշկի համար Love Nature շարքում ընտրվել են իսկական սուպեր-բաղադրիչներ՝ վարսակի և գոջիի հատապտուղների մզվածքներ: Արտաքինից համեստ վարսակն իր մեջ ունի կենսաբանորեն ակտիվ բաղադրիչների մի ամբողջ գանձարան: Մասնավորապես՝ մաշկը հոյակապ սնուցող և խոնավացնող B խմբի վիտամիններ, հեղուկը պահպանող ֆիտինաթթու, թեփոտումը կանխող բիոտին և այլ օգտակար միկրոմասնիկներ: Գոջիի հատապտուղները սնուցող բաղադրիչների, վիտամինների, ամինաթթուների, պոլիսախարիդների և հակաօքսիդիչների կոնցենտրացիայի ռեկորդակիրներն են: Դրանք արդյունավետորեն հանգստացնում և հուսալիորեն պաշտպանում են չոր մաշկը, նպաստում են հեղուկի պահպանմանը՝ մաշկին հաղորդելով կենսական էներգիա և գեղեցկություն:

Փափկացնող միցելյար ջուր Love Nature՝ օրգանական վարսակով և գոջիի հատապտուղներով, 150 մլ, 2600 դրամ	Խնամքով մաքրում է մաշկն ու պատրաստում հետագա խնամքի համար: Չի չորացնում, պահպանում է ջրային հաշվեկշիռը: Հարմար է նաև աչքերի շպարը մաքրելու համար:
Դեմքը սնուցող քսուք Love Nature՝ օրգանական վարսակով և գոջիի հատապտուղներով, 50 մլ, 2600 դրամ	Վայրկենապես խոնավացնում է, սնուցում, հանգստացնում մաշկը և պաշտպանում է արտաքին գրգռիչներից:
Հանգստացնող դիմակ Love Nature՝ օրգանական վարսակով և գոջիի հատապտուղներով, 75 մլ, 2600 դրամ	Հանգստացնում է և փափկացնում մաշկը՝ հաղորդելով հարմարավետության զգացում: Դեմքին բնական փայլ է հաղորդում:

Հետաքրքիր փաստեր

Հույն փիլիսոփաներ Ցիցերոնի, Վերգիլիոսի, Օվիդիուսի ստեղծագործություններում վարսակը հիշատակվում է որպես մոլախոտ՝ մյուս հացազգիների ցանքերում, սակայն արդեն այն ժամանակ մարդիկ վարսակն օգտագործում էին բուժական նպատակներով:

«Երկարակեցության պտուղ», «երջանկության հատապտուղներ», «ամուսնական գինի». սրանք բոլորը գոջիի անվանումներն են: Ըստ առասպելի՝ չինացի երկարակյաց Լի Ցինյունն ապրեց 256 տարի հենց այս հատապտղի շնորհիվ:

Love Nature նորույթներ՝ մաշկի բոլոր տիպերի համար

Թարմացնող քսուք-գել Love Nature՝ օրգանական հալվե վերայով և կոկոսի ջրով, 15 մլ, 2600 դրամ	Խոնավացնում է, փափկացնում, հարթեցնում և թարմացնում է աչքերի շուրջ հատվածի մաշկը: Ունի թեթև, արագ ներծծվող կառուցվածք:
Սպունգ կոննյակու, սահմանափակ թողարկում, 5500 դրամ	Must-have մաշկի ցանկացած տիպի խնամքի համար: Օգնում է խորությամբ, բայց նրբորեն մաքրել մաշկը՝ ապահովելով հրաշալի շերտազատում: Պատրաստված է բնական բուսական մանրաթելերից:

ԱՄԵՆԱԿԱՐԵՎՈՐԸ ORIFLAME ԸՆԿԵՐՈՒԹՅԱՆ ՄԱՍԻՆ

Էկո-էթիկական սքրինինգ
Բոլոր բաղադրիչներն անցնում են սքրինինգի հատուկ գործընթաց, որը հաստատում է դրանց էթիկական ծագումը, որակն ու անվտանգությունը: Մենք երբեք չենք օգտագործում բաղադրիչներ այն աղբյուրներից, որոնք գտնվում են ոչնչացման եզրին:

Բնական շերտազատող մասնիկներ
Մեր սկրաբները պարունակում են միայն կենսաքայքայվող հատիկներ, օրինակ՝ նուշի մանրացված կեղև:  Դրանք քայքայվում են բնական եղանակով և չեն վնասում ջրային միջավայրը:

Բնական մզվածքներ
Oriflame ապրանքանիշի բոլոր արտադրանքների բաղադրությունում առկա մզվածքներն ունեն բնական ծագում:

Անվտանգ բանաձևեր
Մեր միջոցներն անցնում են անվտանգության մանրազնին թեստավորում և համապատասխանում են արտադրության խստագույն չափանիշներին: