Skip to main content Skip to main menu Skip to search
  1. Գլխավոր
  2. Նորություններ և մամուլ
  3. Ընկերության նորություններ
  4. Optimals-ի նոր դարաշրջան. Age Revive հեղափոխական շարք

Optimals-ի նոր դարաշրջան. Age Revive հեղափոխական շարք

Օրիֆլեյմը մշտապես բարելավում է միջոցների բանաձևերը՝ կանանց առաջարկելով դեմքի մաշկի խնամքի արդյունավետ միջոցներ՝ հիմնված բնական բաղադրիչների վրա: Շվեդական ապրանքանիշից Optimals Age Revive շարքը հատուկ մշակված է ծերության առանցքային նշանները հեռացնելու համար: Միջոցների համալիր օգտագործման արդյունքում կնճիռները դառնում են քիչ տեսանելի, մաշկը հարթվում է և լիցքավորվում առողջ փայլով:

 

 

ԱՊԱՑՈՒՑՎԱԾ ՀԱԿԱՏԱՐԻՔԱՅԻՆ ԱՐԴՅՈՒՆՔ ԵՐԻՏԱՍԱՐԴՈՒԹՅԱՄԲ ՇՈՂԱՑՈՂ ՄԱՇԿԻ ՀԱՄԱՐ

Արդեն շուրջ 50 տարի շվեդական բնությունը Օրիֆլեյմի գիտնականների համար ոգեշնչման անսպառ աղբյուր է. շվեդական բույսերը հայտնի են բնության ամենխիստ պայմաններում դիմակայելու իրենց ունակությամբ: Նոր Optimals Age Revive մաշկի համալիր խնամքի համար ընկերության փորձագետներն ընտրել են բնական բաղադրիչներ, որոնք մաշկին հաղորդում են առավելագույն օգտակարություն՝ շնորհիվ հակաօքսիդիչների, վիտամինների ու միկրոէլեմենտների բարձր խտությամբ եզակի բաղադրության: Նոր շարքի բաղադրության մեջ առկա շվեդական սպիտակ կեչին կանխարգելում է գունակային հետքերի առաջացումը, կարմիր երեքնուկը հանգստացնում է մաշկը՝ շնորհիվ իզոֆլավոն-հակաօքսիդիչների, իսկ կարմիր հաղարջը պայքարում է կնճիռների առաջացման դեմ:

Optimals Age Revive միջոցների համալիր կիրառումը նպաստում է մաշկի արտաքին տեսքի նկատելի բարելավմանը. կնճիռները կրճատվում են, մաշկը դառնում է առավել հարթ ու առաձգական, գունակային հետքերը կրճատվում են, մաշկի երանգը դառնում է համաչափ:

Optimals Age Revive՝ լավագույնը բնությունից ու գիտությունից՝ առողջ փայլով շողացող ու գեղեցիկ մաշկի համար:

ՉՈՐՍ ՔԱՅԼ ՆԵՐԱՌՈՂ ՄԱՇԿԻ ՀԱՄԱԼԻՐ ԽՆԱՄՔ

ՔԱՅԼ 1. ՄԱՔՐՈՒՄ

Մաշկի խնամքի կարևորագույն փուլերից մեկը մաքրումն է: Անթերի արդյունքի հասնելու համար անհրաժեշտ է կիրառել մաքրման երկաստիճան համակարգ, որը ներառում է դիմահարդարման հեռացում ու տոնուսավորում: Սկզբում կաթիկի փոքր քանակություն լցրու բամբակե սկավառակի վրա և մերսող շարժումներով մաքրիր դեմքդ, ինչից հետո մաքրումն ավարտիր տոնիկի կիրառմամբ՝ խուսափելով աչքերի շուրջ հատվածից:

10 կանանցից 8-ը հաստատում են՝ կաթիկի և տոնիկի համալիր կիրառումն ապահովում է մաշկի խորը մաքրումը դիմահարդարումից և աղտոտվածությունից*:

Հակատարիքային կաթիկ՝ շպարը հեռացնելու համար Optimals Age Revive

Նուրբ կաթիկը մաքրում է մաշկը շպարից, աղտոտվածությունից, օգնում է պայքարել տարիքային փոփոխությունների դեմ: Е վիտամինով և ակտիվ բաղադրիչների բնական համալիրով հագեցած բանաձևի հիմքում շվեդական կարմիր երեքնուկն է և վարսակը: Այն հոյակապ խոնավացնում է մաշկը, կրճատում է կնճիռների քանակությունը՝ հաղորդելով փափկության զգացողություն: Անցել է մաշկաբանական ստուգում: Մաշկի բոլոր տիպերի համար:

Ծավալը՝ 200 մլ
Գինը՝ 5600 դր.

Հակատարիքային տոնիկ Optimals Age Revive

Թարմացնող տոնիկը պայքարում է մաշկի տարիքային փոփոխությունների դեմ, կրճատում է կնճիռների քանակությունը՝ միաժամանակ մաքրելով մաշկը: Պանտենոլով և բնական ակտիվ բաղադրիչների համալիրով հագեցած բանաձևի հիմքում շվեդական գիհին է ու մորին: Այն շերտազատում է մեռած բջիջները, նեղացնում է ծակոտիները և տոնուսավորում մաշկը՝ հաղորդելով թարմության զգացողություն: Անցել է մաշկաբանական ստուգում: Մաշկի բոլոր տիպերի համար:

Ծավալը՝ 200 մլ
Գինը՝ 5600 դր.

 

ՔԱՅԼ 2. ԱՉՔԵՐԻ ՇՈՒՐՋ ՀԱՏՎԱԾԻ ԽՆԱՄՔ

Աչքերի շուրջ նուրբ մաշկն ունի հատուկ խնամքի կարիք, ինչը կօգնի երկարացնել մաշկի երիտասարդությունը և տեսողաբար նվազեցնել տարիքային փոփոխությունների դրսևորումները: Զգուշորեն սեղմիր սրվակը և միջոցը տարածիր ստորին կոպին՝ ուղղությունը տալով աչքի ներքին անկյունից դեպի արտաքին: Աչքերի շուրջ խնամքն օգտագործիր առավոտյան և երեկոյան՝ միջոցը տարածելով մաքուր մաշկին: Խուսափի՛ր միջոցի՝ աչքերի հետ ուղղակի շփումից:

10 կանանցից 7-ը հաստատում են. ակնթարթորեն թարմացնում է հայացքը*

Հակատարիքային քսուք՝ աչքերի շուրջ հատվածի համար Optimals Age Revive

Աչքերի շուրջ հատվածի նուրբ քսուքը պայքարում է տարիքային փոփոխությունների դեմ՝ կրճատելով կնճիռները, գունաբացելով մուգ շրջանակները և նվազեցնելով այտուցվածությունը: Կոֆեինով և շվեդական սպիտակ կեչու ու կարմիր հաղարջի բնական ակտիվ բաղադրիչների համալիրով բանաձևը թարմացնում է մաշկը և խթանում միկրոշրջանառությունը՝ հեռացնելով հոգնածության նախանշանները: Անցել է մաշկաբանական ստուգում: Մաշկի բոլոր տիպերի համար:

Ծավալը՝ 15 մլ
Գինը՝ 7100 դր.

 

ՔԱՅԼ 3: ԱԿՏԻՎԱՑՈՒՄ

Դեմքի ամենօրյա խնամքի օգտագործման արդյունքն ուժեղացնելու համար անհրաժեշտ է շիճուկի կիրառում, քանի որ այն պարունակում է բարձր խտությամբ բանաձև, որն օգնում է հասնել արարգ և առավել նկատելի արդյունքի: Շիճուկն անհրաժեշտ է տարածել առավոտյան և երեկոյան դեմքի ու պարանոցի նախապատրաստված մաշկին՝ խուսափելով աչքերի շուրջ հատվածից: Այն կիրառում են համապատասխանաբար ցերեկային ու գիշերային քսուքների կիրառումից առաջ:

10 կանանցից 8-ը հաստատում են. մաշկն ակնթարթորեն սնուցում է ու հարթեցնում

Հակատարիքային շիճուկ դեմքի համար Optimals Age Revive

Մետաքսանման կառուցվածքով շիճուկը պայքարում է մաշկի տարիքային փոփոխությունների դեմ՝ կրճատելով կնճիռները, բջիջները վայրկենապես հագեցնում է խոնավությամբ՝ տեսանելիորեն փոքրացնելով ծակոտիները և մաշկին հաղորդելով առողջ փայլ: Բանաձևը պարունակում է հիալուրոնաթթու և շվեդական սպիտակ կեչու, կարմիր հաղարջի, կտավատի սերմերի յուղի և մոշի բնական ակտիվ բաղադրիչների համալիր: Անցել է մաշկաբանական ստուգում: Մաշկի բոլոր տիպերի համար:

Ծավալը՝ 30 մլ
Գինը՝ 8850 դր.

 

ՔԱՅԼ 4. ՀԻՄՆԱԿԱՆ ԽՆԱՄՔ

Մաշկի որակյալ և կանոնավոր խոնավացումը մաշկի առողջության, երիտասարդության ու գեղեցկության գրավականն է: Շիճուկի կիրառումից հետո դեմքի ու պարանոցի մաքուր ու նախապատրաստած մաշկին առավոտյան տարածիր Ցերեկային քսուքը, իսկ երեկոյան՝ Գիշերային քսուքը՝ խուսափելով աչքերի շուրջ հատվածից:

10 կանանցից 8-ը հաստատում են. Optimals Age Revive միջոցները կրճատում են կնճիռները:

Հակատարիքային ցերեկային քսուք SPF 15 Optimals Age Revive

Ակտիվ ցերեկային քսուքը պայքարում է տարիքային փոփոխությունների դեմ, նվազեցնում է կնճիռները, խոնավացնում է և սնուցում մաշկը՝ դարձնելով այն շողացող: Շվեդական սպիտակ կեչու, կարմիր հաղարջի, չիչխանի և կտավատի սերմերի յուղի բնական ակտիվ բաղադրիչների համալիրով, ինչպես նաև Anti-pollution Active և Firming Active համալիրներով հագեցած բանաձևը պաշտպանում է վաղաժամ ծերացումից և շրջակա միջավայրի բացասական ազդեցությունից: Անցել է մաշկաբանական ստուգում: Մաշկի բոլոր տիպերի համար: SPF 15 պաշտպանություն:

Ծավալը՝ 50 մլ
Գինը՝ 7850 դր.

Հակատարիքային գիշերային քսուք Optimals Age Revive

Հարուստ գիշերային քսուքը պայքարում է տարիքային փոփոխությունների դեմ, ինտենսիվորեն խոնավացնում է և սնուցում մաշկը, մինչ դու քնած ես: Շվեդական սպիտակ կեչու, կարմիր հաղարջի, չիչխանի և կտավատի սերմերի յուղի բնական ակտիվ բաղադրիչների համալիրով, ինչպես նաև Anti-pollution Active և Firming Active համալիրներով հագեցած բանաձևը կրճատում է կնճիռները և մաշկին թարմություն ու երիտասարդության փայլ է հաղորդում հենց առավոտից: Անցել է մաշկաբանական ստուգում: Մաշկի բոլոր տիպերի համար:

Ծավալը՝ 50 մլ
Գինը՝ 7850 դր.

Դեմքի մաշկի խնամքի Optimals Age Revive շարքը վաճառքում կհայտնվի 2017 թ. մարտի 12-ից:


 

Ըստ սպառողական թեստավորման արդյունքների, որոնց ընթացքում կիրառվել է Optimals Age Revive համալիր խնամքը:
** Ըստ սպառողական թեստավորման արդյունքների, որոնց ընթացքում կիրառվել է Optimals Age Revive համալիր խնամքը: