Օրիֆլեյմ ընկերությունը կրկին ստացել է «Առողջ սնունդ» մրցանակ
2016 թ.-ի աշնանը հայտարարվել են «Առողջ սնունդ» ամենամյա մրցանակաբաշխության արդյունքները, որի նպատակն է հասարակության ուշադրությունը առավելագույնս ուղղել առողջ ապրելակերպին և ճիշտ սննդակարգին։ Շվեդական ապրանքանիշն արդեն երկրորդ տարին շարունակ արժանանում է հեղինակավոր մրցանակին միանգամից երկու անվանակարգում։
«Առողջ սնունդ» մրցանակաբաշխությունն ամեն տարի առաջադրվող ընկերություններին ընտրում է շատ խիստ չափանիշներով՝ առանձնացնելով առողջ կենսակերպի մեջ նշանակալի ներդրում ունեցած ու այդ գաղափարի զարգացումն ապահոված ապրանքանիշները։ Հաղթողների ընտրությունն իրականացվել է մի շարք չափանիշներով ու անցել մանրակրկիտ փորձագիտական վերլուծություն՝ հեղինակավոր ժյուրիի անդամների կողմից։ Դա օգնել է կատարել օբյեկտիվ ընտրություն, ինչպես նաև առանձնացնել նշված կատեգորիայում լավագույն արտադրատեսակներն ու ընկերությունները։
Այս տարի Օրիֆլեյմ ապրանքանիշը մրցանակի արժանացավ միանգամից երկու անվանակարգում՝ «Լավագույն ապրանքանիշ» «Վիտամիններ ու ԲԱՀ» անվանակարգում և «Առողջ սննդի լավագույն սոցիալական նախագիծ» մրցանակը։ Մրցանակաբաշխությանը ընկերության կողմից մասնակցում էր Յուլիա Ֆատեևան՝ առանցքային կատեգորիաների աջակցության տնօրենը, ով էլ ընկերության կողմից ընդունեց վերոնշյալ մրցանակները։
Օրիֆլեյմ ընկերությունը հպարտանում է իր ձեռքբերումներով, չէ՞ որ ընկերության մասնագետները մանրակրկիտ աշխատում են նորարարական բանաձևերի վրա, ընտրում լավագույն բնական բաղադրիչները, համագործակցում առաջատար փորձագետների հետ՝ տարածելով առողջ կենսակերպի և արտաքին ու ներքին գեղեցկության ներդաշնակ համադրության կոնցեպտը։