Skip to main content Skip to main menu Skip to search

Պարգևի՛ր երեխային քո սերը Oրիֆլեյմի նոր Tenderly Promise բույրի հետ

Յուրաքանչյուր մարդ՝ գնելով Tenderly Promise հարդարաջուրը, դառնում է բարեգործական ակցիայի մասնակից: Յուրաքանչյուր գնումից ստացված գումարի որոշակի մաս մենք փոխանցում ենք Մանուկների համաշխարհային հիմնադրամին և կատարված յուրաքանչյուր գնումի հետ մենք մոտենում ենք մեր նպատակին՝ կուտակել ավելի քան 1 մլն եվրո:

«Յուրաքանչյուր երեխա արժանի է սիրո, իսկ մեզնից յուրաքանչյուրն, իրոք, կարող է պաշտպանել երեխային և պարգևել երջանիկ մանկություն»,- ասում է Օրիֆլեյմի կատալոգի դեմքը՝ Նորին թագավորական մեծություն Շվեդիայի արքայադուստր Մադլենը՝ Մանուկների Համաշխարհային հիմնադրամի  հոգեբարձուների խորհրդի պատվավոր անդամը: Միասին մենք ուզում ենք օգնել բռնության ենթարկված և ծնողական խնամակալությունից զուրկ երեխաներին: Մենք կարող ենք այս երեխաներին դարձնել ավելի երջանիկ՝ իրականացնելով նրանց երազանքներն ու պարգևելով պայծառ ապագայի հույս:

Նորին Թագավորական Մեծություն Շվեդիայի արքայադուստր Մադլենը համոզված է, որ հնարավոր է փոխել կյանքի դժվար իրավիճակներում գտնվող երեխաների ապագան: «Երեխաներին՝ գլխավերևում տանիք ունենալուց և սննդից առավել անհրաժեշտ է սեր, հոգատարություն և առանց վախի զգացողության մեծանալու հնարավորություն: Մենք հավատում ենք, որ բոլոր երեխաներն իրավունք ունեն իրենց զգալ պաշտպանված և բացահայտել աշխարհը: Մանուկների Համաշխարհային հիմնադրամն աջակցում է ավելի քան 100 ծրագրի ամբողջ աշխարհում: Մենք օգնում ենք երեխաներին, որոնք դարձել են կամ կարող են դառնալ դաժան վարվեցողության զոհ, ինչպես նաև երեխաներին, որոնք ստանում են այլընտրանքային խնամք, աջակցում ենք անօթևան երեխաներին և ընտանիքներին, որոնք հայտնվել են կյանքի դժվար իրավիճակներում»:

Օրիֆլեյմ ընկերությունը 1999 թվականին Նորին թագավորական Մեծություն Շվեդիայի թագուհի Սիլվիայի կողմից հիմնված Մանուկների Համաշխարհային հիմնադրամի համահիմնադիրն է: Tenderly Promise հարդարաջրի գաղափարը Օրիֆլեյմի համար սկզբունքորեն նոր է: Այս բույրը ստեղծում է ուժեղ էմոցիոնալ կապ անհոգ մանկության ակնթարթների հետ, երբ փոքրիկը ծաղկած դաշտի միջով վազում է դեպի մոր տաք ու հարազատ գիրկը: Tenderly Promise հարդարաջուրը  սիրո խոստովանություն է, վստահություն ապագայի, նրբության և քնքշանքի նկատմամբ, որը պարգևում է ոչ միայն բույրի նուրբ ծաղկային կոմպոզիցիան, այլև բարեգործական ակցիային մասնակցելու հնարավորությունը, որն ուղղված է ամբողջ աշխարհի փոքրիկների պաշտպանությանը:

«Ես հարգանքով եմ վերաբերվում երեխաների աջակցությանն ուղղված Օրիֆլեյմի հիմնադրամի աշխատանքին: Լինելով Մանուկների համաշխարհային հիմնադրամի համահիմնադիր՝ Օրիֆլեյմը մեզ հետ համագործակցում է ավելի քան 15 տարի, և այդ ժամանակաշրջանի ընթացքում մեզ հաջողվել է հավաքել շուրջ 2 մլն եվրո: Օրիֆլեյմի նոր նախաձեռնությունը հաստատում է ընկերության հստակ դիրքորոշումը. պարգևելով անհոգ մանկություն՝ օգնել երեխաներին իրականացնել իրենց երազանքները: Յուրաքանչյուր երեխա պետք է ունենա երազելու և այդ երազանքն իրականացնելու հնարավորություն»,- ասում է Նորին թագավորական մեծություն Շվեդիայի արքայադուստր Մադլենը՝ Մանուկների Համաշխարհային հիմնադրամի հոգեբարձուների խորհրդի պատվավոր անդամը:

ԱՍԱ՛ ՇՆՈՐՀԱԿԱԼՈՒԹՅՈՒՆՕգնելով երեխաներին մի՛ մոռացիր նաև ծնողների մասին, չէ՞ որ անկախ տարիքից մենք մշտապես մնում ենք նրանց համար երեխաներ, իսկ երջանիկ մանկության համար հայտնած մեր շնորհակալությունը լցնում է նրանց սիրտը սիրով: 

Նորին թագավորական մեծություն Շվեդիայի արքայադուստր Մադլեն. «Ես սկսել եմ «Շնորհակալություն Մանուկների համաշխարհային հիմադրամից» ակցիան, որպեսզի մարդիկ հիշեն իրենց մանկության ամենաուրախ ակնթարթները և շնորհակալություն հայտնեն այն մարդկանց, ովքեր այդ պահերը դարձրել են այդպիսին: Միասին մենք կհասնենք նրան, որ յուրաքանչյուր երեխա կպահպանի մանկության երջանիկ հուշերը»: 

Նկարվի՛ր Tenderly Promise հարադարաջրի սրվակով և ցուցանակով, որի վրա շնորհակալություն ես հայտնում այն մարդուն, ով քո մանկությունը դարձրել է երջանիկ, և տեղադրիր այդ նկարը սոցիալական ցանկցերում՝ ավելացնելով #oriflamehappykids հեշթեգը: Դարձրու՛ հարազատներիդ ավելի երջանիկ:

Մանուկների Համաշխարհային հիմնադրամը

Մանուկների Համաշխարհային հիմնադրամը հիմնել է Նորին մեծության Շվեդիայի թագուհի Սիլվիան 1999 թվականին, համահիմնադիրը Օրիֆլեյմ ընկերությունն է՝ աֆ Յոկնիկների հիմնադրամը: Նորին թագավորական մեծություն Շվեդիայի արքայադուստր Մադլենը դարձել է Մանուկների Համաշխարհային հիմնադրամի հոգեբարձուների խորհրդտի պատվավոր անդամ: Հիմնադրամն աջակցում է աշխարհի 16 երկրներում գործող ավելի քան 100 ծրագրերի: Մանրամասն տեղեկատվությունը կարող եք գտնել հիմնադրամի կայքում:

Օրիֆլեյմի բարեգործական հիմնադրամ
Օրիֆլեյմ ընկերությունն իր գործունեության ամբողջ ընթացքում աջակցում է բարեգործական ծրագրերին՝ ցուցաբերելով հաստատ մտադրություն օգնել մարդկանց իրականացնել իրենց երազանքները: Շվեդական ապրանքանիշի թիմը խորապես համոզված է, որ բնակչության խոցելի խմբերին՝ երեխաներին և երիտասարդ կանանց օգնելուն ուղղված ընկերության բոլոր ջանքերը կստեղծեն կյանքը դեպի լավը փոխելու հնարավորություն:

Բույրի մասին

Արքայական շռայլությունը և ծաղկային նոտաներով նուրբ ու կանացի փունջը, ինչպես երեխայի քնքուշ գրկախառնությունը և  երկչոտ համբույրը, կդիպչի Ձեր սրտի ամենանուրբ լարերին, իսկ սպիտակ շուշանի ազնիվ բույրը յուրաքանչյուրի սրտում կթողնի իր հետքը: Tenderly Promise՝ անվերապահ սիրո իրական տոն: Բույրը տարածելու առաջին րոպեներին բացվում են կայծկլտուն կիտրոնը, դեղձի ծաղիկները և վարդագույն պղպեղը՝ հնչելով մանուկների ուրախ ծիծաղի պես: «Սրտում» հնչում է նրբագեղ, ծաղկեփունջ՝ թագավորական սպիտակ շուշանի, հմայիչ հովտաշուշանի և անուշաբույր քաջվարդի իրապես կանացի նոտաները: Հիմնային բուրավետ նոտաները պարուրվում են սանտալենու և քաշմիրի մուշկի նուրբ նատոներով՝ ստեղծելով սիրո և պաշտպանվածության մթնոլորտ:

Վերին նոտաներ՝ կայծկլտուն կիտրոն, դեղձի ծաղիկներ և վարդագույն պղպեղ
Փոխանցում են բույրի մասին առաջին տպավորությունները: Հնչում են մինչև 10 րոպե:

«Սրտի» նոտաներ՝ թագավորական սպիտակ շուշան, հմայիչ հովտաշուշան և անուշաբույր քաջվարդ
Սա բույրի իրական խառնվածքն է, ամբողջությամբ բացվում է բույրը տարածելուց մեկ ժամ անց:

Հիմնային նոտաներ՝ սանտալենու ծառ և քաշմիրի մուշկ
Բույրի ռեմինիսցենցիան: Բացվում է բույրը տարածելուց 30 րոպե անց:

        Հարդարաջուր Tenderly Promise

Նրբագեղ բույր՝ թագավորական սպիտակ շուշանի և թեթև, հանգստացնող հիմնային նոտաներով:

Ծավալը՝ 50 մլ

Գինը՝ 12000 դր.

Վաճառքում՝ 2015 թ. օգոստոսի 3-ից