Ավստրալիայի Գոլդ Քոոսթը վաղուց արդեն կայացած քաղաք է: Տեղակայված լինելով Ասիայի խաղաղօվկիանոսյան տարածաշրջանի ռազմավարական խաչմերուկում իր երկու միջազգային օդանավակայաններով՝ Գոլդ Քոսթը գերազանց վայր է, որտեղ կարելի է բիզնեսով զբաղվել, ներդրումներ կատարել, կրթություն ստանալ, միջոցառումներ անցկացնել, լինել զբոսաշրջիկ, կամ ուղղակի առօրյա կյանքով ապրել:
Գտնվելով Քուինսլենդի հարավ-արևելյան անկյունում՝ Գոլդ Քոսթը տարածվում է 57 կմ լողափի երկայնքով, ունի մոտ կես միլիոն բնակչություն: Քաղաքից դուրս գտնվող լողափները ընդարձակ են, շրջապատված մերձարևադարձային խոնավ անտառներով: Տեսարանը պարզապես զարմահրաշ է:
Ամեն տարի հյուրընկալելով մոտ 12 միլիոն մարդու՝ Գոլդ Քոսթը բազում զբոսաշրջային վայրեր և զբաղմունքներ է առաջարկում զբոսաշրջիկներին: Որպես Ավստրալիայի առաջնակարգ զբոսաշրջային ուղղություն՝ քաղաքն ունի բազմաթիվ խանութներ, հյուրանոցներ, թեմատիկ այգիներ, ռեստորաններ, զվարճանքի և միջոցառումների անցկացման վայրեր, բնության տեսարաններ: