2022թ. Գլոբալ Գործադիր կոնֆերանսը՝ Զամբեզի գետահովտում
2022 թվականի ԳԼՈԲԱԼ ԳՈՐԾԱԴԻՐ ԿՈՆՖԵՐԱՆՍԸ հրապուրիչ արկած է Աֆրիկայի երեք երկրներում՝ Զամբեզի գետահովտի հրաշալի վայրում։ Ուսումնասիրիր վայրի բնության սիրտը, հիացիր վեհաշուք բնապատկերներով և հաճույք ստացիր պրեմիում կարգի բացառիկ հյուրանոցում, որն առաջարկում ենք Գործադիր կոնֆերանսներում։ 2022 թվականին լրանում է Oriflame ընկերության հիմնադրման 55 տարին, ինչը նշանակում է, որ կոնֆերանսը մեծ շուքով կանցկացվի։ Եկ քո նվաճումները ամենաբարձր մակարդակով նշենք աֆ Յոկնիկ ընտանիքի և Oriflame-ի ղեկավարության հետ։
Քեզ սպասում են անկրկնելի բնությունը և սաֆարիի համար Աֆրիկայի բացառիկ անկյուններից մեկը՝ Զամբեզի գետահովիտը։ Գետի երկարությունը 2 700 կմ է, այն հոսում է վեց երկրների տարածքով և աշխարհի բնության յոթ հրաշալիքներից մեկի՝ Վիկտորիա ջրվեժի մոտ, սահմանակից է Զամբիային և Զիմբաբվեին։ Զգա առասպելական ջրվեժի վեհությունը և հնարավորություն ստացիր իրենց բնական միջավայրում տեսնել վայրի գոմշացլերին, զեբրերին, ընձուղտներին, փղերին, գետաձիերին և կոկորդիլոսներին։
Միացիր մեր արկածներին, որոնք կհիշվեն ողջ կյանքում:
Վիկտորիա ջրվեժը, ԶԻՄԲԱԲՎԵ
Այն նաև անվանում են «Մոսի-օա-Տունյա», ինչը լոզի լեզվով նշանակում է «դղրդացող ծուխ»։ Անվանումը կատարելապես արտահայտում է աշխարհի այս անհավանական հրաշալիքի վեհությունը. որոտաձայն ջրահոսքը՝ 2 կմ լայնությամբ և 103 մետր բարձրությամբ։ Բացի ապշեցուցիչ համայնապատկերներից ջրվեժի շուրջը շատ հետաքրքիր վայրեր էլ կան։ Սատանայի կնքավազանը բնական ջրավազան է հենց ջրվեժի տակ, որտեղ զգում ես ժայթքող ջրահոսքի ողջ հզորությունը։ Կնքավազանը վախեցնում է, հմայում ու հիացնում։ Ամենախիզախ մարդիկ կարող են ուղղաթիռով թռչել ջրվեժի վրայով կամ էլ Զամբեզի գետն ի վար ռաֆթինգ կատարել։ Յուրաքանչյուրը, ով կայցելի Վիկտորիա ջրվեժը, երբեք այն չի մոռանա։
Սաֆարի, ԲՈՏՍՎԱՆԱ
Բոտսվանայի Չոբե ազգային պարկը սաֆարիի և վայրի բնության սիրահարների լավագույն վայրերից մեկն է։ Իզուր չէ, որ այն հայտնի է որպես «Հսկաների երկիր», այդտեղ է ապրում փղերի ամենամեծ խումբն աշխարհում։ Ավելի քան 10 000 քառ/կմ տարածքում՝ հրաշագեղ Չոբե գետի շուրջը, մեծ քանակությամբ վայրի կենդանիներ ու թռչուններ են բնակվում. առյուծներ, գոմշացլեր, զեբրեր, բծավոր բորենիներ, իմպալաներ, բաբուիններ, կապույտ գնուներ, կուդուներ, ընձուղտներ, աֆրիկյան վարազներ, գաճաճ, կանաչ կապիկներ և այլ կենդանիներ։ Միայն պատկերացրեք. աֆրիկյան կենդանական և բուսական աշխարհի ողջ վեհությունը անչափ մոտ է։ Պատրաստվեք դյութական պահերի և անհավանական հուշերի։
Շքեղ առողջարան, ԶԱՄԲԻԱ
Կախարդական վայր՝ Վիկտորիա ջրվեժ տանող ճանապարհին, «Մոսի-օա-Տունյա» ազգային պարկում։ Հրաշալի տեսարան դեպի Զամբեզի գետը։ Գետահովտում հետևիր գետաձիերին, փղերին և այլ վայրի կենդանիներին։ Անցիր հյուրանոցի տարածքում շրջող զեբրերի միջով՝ լսելով հազվագյուտ թռչունների ծլվլոցը, դիմավորիր մայրամուտը Վիկտորիա ջրվեժի վրա։ Եթե սուր զգացողությունների սիրահար ես՝ զբոսնիր «Դանակի սայր» կոչվող կամրջի վրա։
Զիմբաբվեի տեղական մշակույթն ու մարդիկ
Զամբեզի գետահովտի բնիկները տոնգ, շոն, չև և նսենգ ժողովուրդներն են, որոնք զբաղվում են բնական մթերքների տնտեսությամբ։ Իմացիր ավելին հինավուրց ավանդույթներով այս շրջանի մասին, որտեղ մարդիկ և վայրի բնությունը ներդաշնակ ապրում են, իսկ երաժշտությունն ու պարերը առօրյա կյանքի անբաժան մասն են։ Տոնգա ժողովրդի առասպելներից մեկի համաձայն Նյամի-Նյամին, որը հայտնի է որպես Զամբեզի գետի Աստված կամ էլ Օձի ոգի, պաշտպանում է իրենց դժվարին պահերին։ Որպես ջրապտույտ կամ օձի մարմնով, ձկան գլխով գետի վիշապ, Նյամի-Նյամին պատկերվում է իր կնոջ հետ գետի ջրերում ապրող տղամարդու տեսքով։ Տոնգաների կարծիքով Կարիբա ամբարտակի կառուցումը խորապես վիրավորել է Նյամի-Նյամիին՝ բաժանելով իրեն կնոջից և շինարարության ընթացքում շատ մարդկային կյանքեր խլելով։
Գետահովտի ավանդական մշակույթը հայտնի է երկաթից ու կավից պատրաստված իր անզուգական նմուշներով։ Դրանցից կարելի է ձեռք բերել Լիվինգստոն քաղաքում, որը՝ ի պատիվ շոտլանդացի միսիոներ և հետազոտող Ջորջ Լիվինգստոնի, կոչվել է նրա անունով. նա առաջինն էր Արևմուտքից, ով 1850 թվականին եղել է Վիկտորիա ջրվեժում։ Այստեղ շատ կան յուրաքանչյուրի նախասիրություններին համապատասխան զվարճություններիև ժամանցի վայրեր. թանգարաններ, տեղական գեղարվեստական արհեստներ և ճարտարապետություն։
Աֆրիկայում համատեղ սնվելը հասարակական կարևոր միջոցառում է։ Այդ ժամանակը շատ թանկ է. չէ՞ որ ամբողջ ընտանիքը միասին հավաքվում է, որպեսզի ձեռքով համտեսի ուգալին հսկայական ընդհանուր ամանից։ Ուգալին ամենատարածված ճաշն է Զամբեզիի շրջանում, այն օսլայի խառնուրդ է, որը նման է եգիպտացորենի ալյուրի շիլայի։ Ավանդաբար մատուցվում է մսով կամ բանջարեղենով ռագուի հետ։ Ուգալին ուտում են ամբողջ Աֆրիկայում. այն շատ անվանումներ ունի։ Հարավաֆրիկացիներն անվանում են պապ, Զիմբաբվեի բնակիչները՝ սաձա։
Աֆրիկան՝ մանկության այդքան վառ ու հեռավոր երազանքը, իրականություն կդառնա Oriflame-ի հետ:
Անհամբեր սպասում ենք հանդիպումների Կոնֆերանսներում: