Քաղաքի հնչյուններն ու արվեստը

Քեյփթաունը աղմկոտ մետրոպոլիա է, երաժշտությունն այստեղ ամենուր է։ Փողոցներում հանդես են գալիս երաժիշտներ ու դերասաններ։ Ինչպիսին էլ լինեն քո երաժշտական նախասիրությունները, միևնույն է, հաստատ նոր ու անսովոր երևույթներ կբացահայտես։

Հարավաֆրիկյան փողոցային արվեստը ձևավորվել է 1980-ական թվականներին, երբ գրաֆիտին ռեպրեսիվ օրենքների և խտրականության դեմ սևամորթ հարավաֆրիկացիների վրդովմունքի արտահայտման միջոց էր։ Այսօր քաղաքի մի քանի շրջաններ նկարազարդված են աֆրիկացի և օտարերկրացի նկարիչների փողոցային արվեստի հրաշալի նմուշներով։

Քեյփթաունը վաղուց է դարձել ժամանակակից արվեստի զարգացման կենտրոն։ Զեյթսում գտնվող Աֆրիկայի ժամանակակից արվեստի նշանավոր թանգարանը իրավամբ համարվում է համաշխարհային մակարդակի պատկերասրահ։ Այն զբաղեցնում է Վիկտորիայի և Ալբերտի անունը կրող ծովափի ցորենի ամբարի պատմական համալիրը, որն ինքնըստինքյան դիտարժան վայր է. ավելի քան 80 ռեստորան, 450 խանութ, թանգարաններ, ջրային ատրակցիոններ և այլ զվարճանքի վայրեր։