2021 թվականի Գլոբալ Գործադիր Կոնֆերանսը Զամբեզիում
2021 թվականի Գլոբալ Գործադիր Կոնֆերանսն ընդգրկելու է երեք երկիր և անցկացվելու է Աֆրիկայի բացառիկ, բազմաբովանդակ և գեղեցիկ վայրերից մեկում՝ Զամբեզիի Հովտում և Զամբեզի գետափին:
Բացահայտի՛ր Աֆրիկայի վայրի բնության սիրտը, հիացի՛ր զարմանահրաշ բնությամբ և վայելի՛ր շքեղ, պրեմիում դասի հյուրանոցային համարները, որոնք առաջարկվում են մեր բոլոր Գործադիր Կոնֆերանսների ժամանակ: Սա քո և այլ Առաջնորդների նվաճումները տոնելու, ինչպես նաև Աֆ Յոքնիկների ընտանիքի անդամներին և Oriflame ընկերության ղեկավարությանը հանդիպելու բացառիկ հնարավորություն է:
Բացահայտի՛ր անձեռակերտ բնության գրավչությունը, որն Աֆրիկայի էքսկլյուզիվ սաֆարի-ուղղություններից է և գտնվում է Զամբեզի գետի հարևանությամբ:
2700 կմ երկարությամբ գետը հոսում է երեք աֆրիկյան երկրների միջով, սահմանակից է Զամբիային և Զիմբաբվեին՝ Վիկտորիա Ֆոլզ (Victoria Falls) ջրվեժին մոտ, իսկ վերջինս համարվում է աշխարհի 7 բնական հրաշալիքներից մեկը: Զգա՛ Վիկտորիա ջրվեժի հզորությունը և վայելի՛ր Աֆրիկայի վայրի բնությունը՝ աֆրիկյան բիզոններով, զեբրերով, ընձուղտներով, փղերով, գետաձիերով ու կոկորդիլոսներով՝ իրենց բնական միջավայրում:
Մեկնիր մեզ հետ ճանապարհորդության, որոնք կհիշես ամբողջ կյանքում:
Վիկտորիա ջրվեժը Զիմբաբվեում
Վիկտորիայի ջրվեժը հայտնի է նաև «Mosi-oa-Tunya» անվանումով, ինչը նշանակում է «որոտացող ծուխ»: «Որոտացող» բառը հիանալի բնորոշում է այս 2 կմ լայնությամբ ու 103 մետր երկարությամբ ջրվեժը: Վիկտորիան աշխարհի յոթ բնության հրաշալիքներից է: Այստեղ կարելի է ոչ միայն վայելել անմոռանալի տեսարանները, այլև իջնել ջրվեժի ստորին մասը՝ զգալու դրա ուժը, տեսնելու Վիկտորիան ինքնաթիռի պատուհանից և տրվել մոտակայքում գտնվող Զամբեզի գետի հոսանքին: Սա կարելի է տեսնել կյանքում միայն մեկ անգամ:
Սաֆարին Բոտսվանայում
Բոտսվանայի Չոբե ազգային զբոսայգին Աֆրիկայում սաֆարիի լավագույն ուղղություններից է: Այն նաև անվանում են «Հսկաների երկիր», այստեղ 10.000 քառ. կմ ամբողջովին էկոհամակարգեր են ու զանազան տեսարժան վայրեր, այստեղ բնակվում է փղերի աշխարհի ամենախոշոր բնակավայրը: Այստեղ՝ գեղատեսիլ Չոբե գետի շուրջ, ապրում են բազմաթիվ յուրահատուկ կենդանիներ ու թռչուններ՝ առյուծներ, գոմեշներ, զեբրեր, բորենիներ, այծքաղների մի քանի տեսակներ, բաբուիններ, ընձուղտներ, վարազներ և շատ ուրիշներ: Բաց մի թող մոտիկից տեսնելու Աֆրիկայի վայրի բնությունը ու դրա բնակիչներին և ոգեշնչվելու դրանց գեղեցկությամբ:
Շքեղ հանգստավայր Զամբիայում
Ազգային Mosi-oa-Tunya զբոսայգում տեղակայված այս շքեղ հանգստավայր մեկնելը ինքնըստինքյան յուրահատուկ փորձառություն է, դրան ավելացրեք, որ այն Վիկտորիա ջրվեժի մոտակայքում է: Վայելիր սավաննայի և Զամբեզի գետի պանորամային տեսարանները հենց հյուրանոցի պատշգամբից՝ նայելով գետաձիերին, փղերին և այլ կենդանիների: Վայելիր էկզոտիկ թռչունների երգը, զմայլվիր վազող զեբրերով ու դիմավորիր լուսաբացը ջրվեժի կողքին: Հյուրանոցից ընդամենը մի քանի քայլ հեռավորության վրա է գտնվում «Դանակի սայրը», որից բացվում է Վիկտորիայի գլխապտույտ տեսարան:
Զամբեզիի մշակույթն ու մարդիկ
Զամբեզիի հովտում ապրում են բազմաթիվ ազգեր՝ տոնգա, շոնա, չեվա և ինսենգա, ովքեր զբաղվում են գյուղատնտեսությամբ: Բացահայտիր քեզ համար առանձահատուկ տարածաշրջանները, որտեղ մարդիկ ու կենդանիներն ապրում են ներդաշնակ, որտեղ պարերը, լեգենդներն ու հեքիաթները առօրյա կյանքի մի մասն են: Իսկական երաժշտություն, շքեղ երկաթյա և կերամիկական զարդեր, ահա թե ինչով է հայտնի Զամբեզիի հովտի բնակիչները: Մոտիկից ծանոթացիր ազգային ձեռագործ աշխատանքներին և ձեռք բեր անկրկնելի հուշանվեր Լիվինգսթոնում՝ քաղաք, որը կրում է շոտլանդացի միսիոներ ու հետազոտող Ջորջ Լիվինգսթոնի անունը, ով առաջին եվրոպացին էր, որ այցելեց Վիկտորիա ջրվեժը 1850 թվականին: Լիվինգսթոնում քեզ նաև սպասվում է հետաքրքիր գաղութային ճարտարապետություն, բազմաթիվ թանգարաններ ու խանութներ: