Քաղաքային մթնոլորտ

Քեյփթաունը աշխույժ մեգապոլիս է, որտեղ բոլոր կողմերից երաժշտություն է հնչում: Կարևոր չէ, թե ինչ նախասիրություններ ունես, տեղական մշակութային կյանքը կգրավի քո սիրտը: Հարավաֆրիկյան փողոցային արվեստը ծնվել է անցյալ դարի 80-ականներին, երբ գրաֆիտին մարդկանց հնարավորություն է տվել իրենց դժգոհությունն արտահայտել ռեպրեսիվ օրենքներով և սևամորթ հարավաֆրիկացիների հանդեպ խտրականությամբ: Այսօր քաղաքի բազմաթիվ շրջաններ զարդարված են ինչպես աֆրիկացի, այնպես էլ արտասահմանցի նկարիչների ստեղծագործություններով:

Քեյփթաունը հայտնի է արվեստը գնահատողների շրջանում. չէ՞ որ այստեղ է գտնվում Ցայց աֆրիկյան մշակույթի աշխարհի ամենախոշոր Թանգարանը: Այն տեղակայված է հին ամբարում՝ Վիկտորիայի և Ալբերտի գետափին, որն արդեն իսկ տեսարժան վայր է՝ 80 ռեստորաններով, 450 խանութներով, թանգարաններով ու ծովափնյա զվարճանքներով: