Վնասակար սովորությունները միայն նրանք չեն, որ ուղղակիորեն մեր առողջությանն են վնասում: Ավելորդ ամաչկոտությունը, համառությունը, պրոկրաստինացիայի հանդեպ սերը քիչ վնաս չեն պատճառում, քան քնի պակասը կամ չափից շատ ուտելը: Ինչպե՞ս ազատվել այն ամենից, ինչ խանգարում է որակյալ ապրել:
- Թղթի վրա գրիր այն ամենն, ինչ քեզ դրդում է վնասակար սովորության, օրինակ՝ նպատակ – քնել օրական 8 ժամ: Խանգարաում է – սերիալների և սոցցանցերի հանդեպ սերը: Հիմա մտածիր հնարավոր լուծումներ, օրինակ՝ նայել միայն մեկ սերիա կամ անջատել գաջեթները 21:00-ից հետո:
- Զինվիր համբերությամբ: Սովորությունները ձևավորվում են 21 օրվա ընթացքում, մի մտածիր, որ վնասակար սովորություններից կարող ես շատ շուտ ազատվել: Հավատարիմ մնա ընտրածդ ուղուն և մի վախեցիր դրանից շեղվելուց. եթե գիշերվա ընթացքում «կուլ ես տվել» սերիալիդ ողջ սեզոնը, առավոտյան օրգանիզմդ քեզ կհասկացնի, որ սխալ ես եղել: Շեղումները նորմալ են: Սակայն թող դա լինի մեկ օր, ոչ թե «մեղսավորության» ողջ շաբաթ:
- Գովիր քեզ: Արդեն մեկ շաբաթ առանց շեղվելու հետևել ես դեպի նպատակ տանող ճանապարհի՞ն: Կեցցե՛ս: Քեզ նվեր գնիր կամ հանգստյան օրերին ժամանակ տրամադրիր կինոնորույթների համար:
- Օգնություն խնդրիր: Եթե զգում ես, որ չես դիմանում, խոսիր նրա հետ, ով կաջակցի քեզ: Գրիր ընկերոջդ, զանգիր մայրիկիդ, խոսիր սիրելիիդ հետ այն մասին, որ հրաժարվել ես կինո նայելուց կամ շոկոլադից:
- Փոխարինում գտիր: Խնդրի հանդիպելիս վերլուծիր՝ ինչն է հանգեցնում այդ խնդրին: Եթե խոսքը չափից շատ ուտելու մասին է, ապա պատճառը կարող է լինել առանց ցուցակի սնունդ գնելու գնալը, եթե քնատությունը, ապա՝ նոր սերիալի թրեյլեր նայելը: Ուղեղիդ համար հանգստանալու ալտերնատիվ ուղի գտիր և նախապատրաստվիր, օրինակ՝ շեղիր քեզ NovАge միջոցներով մաշկի խնամքով: Այն լավ ազդեցություն է թողնում մաշկի վրա և օգնում առավոտյան ավելի լավ ու վստահ զգալ, իսկ քնելուց առաջ՝ լիցքաթափվել:
- Մի կորցրու մոտիվացիադ: Ամեն օր, աշխատելով ինքդ քեզ հետ, դու դառնում ես ավելի լավը: Կատարելություն չի լինում, կարևորը՝ արդյունքն ու համառությունն է դեպի կատարելություն: