1. Ի՞ՆՉ Է ՔԱՇԻ ԿԱՌԱՎԱՐՄԱՆ ՍՆՈՒՑՈՂ ԿՈԿՏԵՅԼԸ ԵՒ ԻՆՉՈ՞Ւ ԱՐԺԵ ԱՅՆ ՕԳՏԱԳՈՐԾԵԼ

Սնուցող կոկտեյլ քաշի կառավարման համար. սա բարձրակարգ բանաձև է, որը հավասարակշռված է սնուցող նյութերի քանակով և նախատեսված է հիմնական սննդի օգտագործումը փոխարինելու համար: Կոկտեյլը հնարավորություն է տալիս վերահսկել օգտագործվող կալորիաների քանակը, որպեսզի հեշտ ու անվտանգ նվազեցնես ու պահպանես քաշդ:* Բանաձևի հիմքում սննդի հանդեպ սկանդինավյան մոտեցման սկզբունքներն են, այդ պատճառով կոկտեյլը պարունակում է բնական բուսական բաղադրիչներ, ոլոռի և լոբու սպիտակուց, լոբու, ցիկորիի արմատի և մալտոդեքստրինի սննդային մանրաթելեր (եգիպտացորենի օսլա), օգտակար յուղեր և 23 վիտամին ու հանքանյութ՝ էներգիայի և օրվա ընթացքում հագեցվածության զգացողության պահպանման համար: Ավելացնելով կովի կամ սոյայի (բուսակերների համար) կաթը՝ խառնուրդը դառնում է հիմնական սննդի փոխարինող:* Կոկտեյլն ունի երկու համ՝ վանիլ և շոկոլադ՝ առանց շաքարի:**

Հավասարակշռված սննդի, ջրային ռեժիմի պահպանման, ֆիզիկական ակտիվության և բավարար հանգստի հետ համատեղ այս արտադրանքը կօգնի հեշտությամբ հասնել դրված նպատակներին՝ քաշի նվազեցման և արդյունքի պահպանման հարցում:

*Արդյունքները կարող են տարբերվել: Քաշի նվազեցման համար հարկավոր է հավասարակշռված սնունդ, կանոնավոր նվազագույն ֆիզիկական ծանրաբեռնվածություն, ջուր խմելու ռեժիմի պահպանում և քնի կանոնավոր ռեժիմ:

**Չոր խառնուրդը չի պարունակում հավելյալ շաքար: Կովի կաթը պարունակում է բնական շաքար, սոյայի կաթը կարող է պարունակել ավելացված շաքար:

2. Ո՞ՐՆ Է ՍՊԻՏԱԿՈՒՑԻ ԱՂԲՅՈՒՐԸ ՔԱՇԻ ԿԱՌԱՎԱՐՄԱՆ ՍՆՈՒՑՈՂ ԿՈԿՏԵՅԼՈՒՄ

Սպիտակուցը նպաստում է մկանային զանգվածի և դրա աճի պահպանմանը: Մեծ քանակությամբ սպիտակուցի օգտագործումը դիետայի ընթացքում կալորիաների նվազեցման հետ մեկտեղ օգնում է պահպանել ու ավելացնել մկաններ և մկանի փոխարեն նպաստում է ճարպի կորստին, հատկապես մարզումների հետ համատեղ, ինչը բարելավում է մարմնի չափսերը (Longland, 2016): Կալորիաների պակասեցմամբ ու սպիտակուցի ցածր պարունակությամբ ավանդական դիետայի շնորհիվ նիհարելիս՝ կորցրած քաշի 20-30%-ը մկաններն են կազմում (Weinheimer, 2010): Այդ պատճառով սպիտակուցով հարուստ սնունդ ներառելը կարևոր է ցանկալի քաշին հասնելու և պահպանելու համար:

Բացի այդ, սպիտակուցով հարուստ սնունդը նպաստում է հագեցվածության զգացման պահպանմանը (Leidy, 2015): Օրվա ընթացքում սպիտակուցի հավասարաչափ բաշխումը՝ 20-30 գ բարձրակարգ սպիտակուց օրվա երեք հիմնական սննդի ընդունման ժամանակ (նախաճաշ, ճաշ և ընթրիք), օգտակար է ոչ միայն կազմվածքի, այլև ախորժակի վերահսկման համար:

Ոլոռ և լոբի

Այս հատիկավորները բուսական սպիտակուցի աղբյուր են, որոնք հատուկ են սննդի հանդեպ սկանդինավյան մոտեցմանը, որը հայտնի է իր օգտակարությամբ առողջությանը (Renzella, 2018):

Կովի եւ սոյայի կաթ (որպես այլընտրանք) 

Քաշի կառավարման սնուցող կոկտեյլի փոշին պետք է խառնել կովի կամ սոյայի կաթի հետ, որպեսզի ստանաս մեկ չափաբաժնում 20գ սպիտակուց:

Կովի և սոյայի կաթը տարբերվում են իրենց սննդարարությամբ, բայց երկուսն էլ սպիտակուցի աղբյուր են: Կովի կաթն ունի կենդանական ծագում, և սպիտակուցից բացի, պարունակում է բազմաթիվ սնուցող նյութեր, որոնցից են կալցիումը, յոդը, ֆոսֆորը, կալիումը և B խմբի վիտամինները (B2, B5 ու B12): Կաթնային պրոտեինը (կազեին և շիճուկ) պարունակում է բոլոր անփոխարինելի ամինաթթուները, որոնք անհրաժեշտ են օրգանիզմին աճի ու վերականգնման համար:

Սոյայի պրոտեինը ստանում են բույսերից, և, ի տարբերություն շատ այլ բուսական պրոտեինների, սոյան պարունակում է բոլոր անփոխարինելի ամինաթթուները, որ անհրաժեշտ են օրգանիզմին աճի ու վերականգնման համար: Սոյան նաև պարունակում է օրգանիզմի համար օգտակար իզոֆլավոններ:

3. Ո՞ՐՆ Է ՍՆՆԴԱՅԻՆ ՄԱՆՐԱԹԵԼԵՐԻ ԱՂԲՅՈՒՐԸ ՔԱՇԻ ԿԱՌԱՎԱՐՄԱՆ ՍՆՈՒՑՈՂ ԿՈԿՏԵՅԼՈՒՄ

Սննդային մանրաթելերը բուսական մթերքների դժվար մարսվող մասերն են, որոնք դառնում են «սնունդ» ստամոքսի օգտակար բակտերիաների համար: Բացի այդ, դրանք ծավալ են հաղորդում սննդին՝ այդպիսով պահպանելով ստամոքսաղիքային համակարգի նորմալ աշխատանքը: Մեծ քանակությամբ սննդային հավելումներ պարունակող արտադրանքներն օգնում են պահպանել գլյուկոզայի մակարդակը արյան մեջ, ինչպես նաև ապահովում են երկարաժամկետ հագեցվածության զգացողություն (Slavin, 2007), ինչն օգնում է վերահսկել քաշը:

Մարդկանց մեծամասնությունն ամբողջ աշխարհում օգտագործում է օրական խորհուրդ տրվող 25-35գ սննդային մանրաթելերի նորմայից ավելի քիչ, և առողջության ամրապնդման ու հիվանդությունների պրոֆիլակտիկայի համար դրանց օգտագործման մեծացումը հանրային առողջապահության համար կարևոր նպատակ է (Stephen, 2017): Սննդային մանրաթելերով հարուստ սննդակարգը նվազեցնում է սրտանոթային հիվանդությունների ու II տիպի շաքարախտի ռիսկը (Reynolds, 2019):

Ոլոռ եւ լոբի

Այս հատիկավորները ոչ միայն բուսական սպիտակուցի աղբյուր են, այլև՝ սննդային մանրաթելերի: Դրանք պարունակում են ինչպես ներծծվող, այնպես էլ չներծծվող մանրաթելեր, որոնք ունեն սննդային արժեք և քաշի կառավարման կոկտեյլի հավելյալ առավելությունն են:

Ինուլին

Ինուլինը ներծծվող սննդային մանրաթել է, որը ստանում են ցիկորիի արմատից: Ինուլինը պրեոբիոտիկ սննդային մանրաթել է: Դա նշանակում է, որ այն խթանում է օգտակար աղիքային բակտերիաների աճը և ակտիվությունը, ինչն ունի գիտականորեն հաստատված բարենպաստ ազդեցություն աղիքների առողջության և ընդհանուր առողջության վրա (Slavin, 2013): Գոյություն ունեն գրեթե 100 գիտական ու կլինիկական հետազոտություններ, որոնք ապացուցում են պրեբիոտիկ մանրաթելերի դրական ազդեցությունը աղիքների աշխատանքի վրա, հանքանյութերի յուրացման և իմունային պաշտպանության գործընթացում. չէ՞ որ իմունային համակարգի 70%-ը աղիքներն են ապահովում:

Կայուն մալտոդեքստրին

Կայուն մալտոդեքստրինը կամ դիմացկուն եգիպտացորենի օսլան ներծծվող սննդային մանրաթելերն են՝ ստացված եգիպտացորենից: Կայուն մալտոդեքստրին կա կոկտեյլի բանաձևում՝ սննդային մանրաթելերի քանակի մեծացման համար: Քանի որ այն չի պառակտվում օրգանիզմի ֆերմենտներից, ապա չի ազդում արյան մեջ շաքարի մակարդակի վրա և օգնում է պահպանել աղիքների առողջությունը:

Ի տարբերություն կայուն մալտոդեքստրինի՝ սովորական մալտոդեքստրինը իրենից ներկայացնոմ է յուրացվող պոլիսախարիդ, որն օրգանիզմի ֆերմենտները տրոհում է՝ դարձնելով գլյուկոզա. Այն օգտագործվում է որպես սնունդ: Դրա հաճախակի օգտագործումը մեծ քանակներով կարող է մեծացնել արյան մեջ շաքարի պարունակությունը: Մալտոդեքստրինը հաճախ են ավելացնում սննդի մեջ որպես կապող տարր կամ ածխաջրերի պարունակության մեծացման ու թեթև քաղցր համ ապահովելու համար:

Քսանթանի եւ գուարի խեժ 

Քսանթանի ու գուարի խեժը յուրացվող սննդային մանրաթելեր են, որոնք օգտագործում են Քաշի կառավարման սնուցող կոկտեյլի կառուցվածքի բարելավման համար՝ այն դարձնելով ավելի հաճելի ըմպելիս: Սրանք հաստատված սննդային հավելումներ են բնական աղբյուրներից՝ անվտանգ օգտագործման համար:

Կակաոյի մանրաթելեր

Բացի վերոնշյալ սննդային մանրաթելերից՝ շոկոլադի համով քաշի կառավարման սնուցող կոկտեյլը պարունակում է կակաոյի բջջանյութ՝ բնական բաղադրիչ, որը ստանում են կակաոյի տապակած կեղևից: Այն պատասխանատու է սննդային մանրաթելերի, հանքանյութերի պարունակության համար և ունի շոկոլադին հատուկ բույր և համ:

4. Ի՞ՆՉ Է ՍՏԵՎԻԱՆ

Ստեվիան բնական քաղցրացուցիչ է, որը ստանում են նույնանուն բույսի տերևներից: Այն ծնունդով Հարավային Ամերիկայից է, որտեղ հազար տարուց ի վեր օգտագործվում է որպես քաղցրացուցիչ: Այն մոտ 300 անգամ սեղանի շաքարից ավելի քաղցր է, բայց չի ազդում արյան մեջ գլյուկոզայի մակարդակի վրա: Ստեվիան հաստատվել է EFSA-ի կողմից որպես քաղցրացուցիչ 2010 թվականին, և ընդունվել է թույլատրելի 4 մգ/կգ մարմնի զանգվածի համար. 70 կգ մարդու համար օրական նորման կազմում է 70 x 4 = 280 մգ: Կախված համից՝ մեկ Քաշի կառավարման սնուցող կոկտեյլի չափաբաժինը պարունակում է 37,5–50 մգ ստեվիա, ինչը մարդու օրական նորմայից զգալի ցածր է:

5. ԻՆՉՈ՞Ւ ԵՆ ՔԱՇԻ ԿԱՌԱՎԱՐԱՄԱՆ ՍՆՈՒՑՈՂ ԿՈԿՏԵՅԼՈՒՄ ԱՎԵԼԱՑՆՈՒՄ ՎԻՏԱՄԻՆՆԵՐ ՈՒ ՀԱՆՔԱՆՅՈՒԹԵՐ

Քանի որ կոկտեյլը նախատեսված է սննդի ընդունումը փոխարինելու համար, այն պետք է օրգանիզմն ապահովի սնուցող նյութերով՝ ներառյալ հիմնական վիտամիններն ու հանքանյութերը, որոնք սովորաբար ստանում ենք սննդից: Սննդի փոխարինիչ հանդիսանալու համար կոկտեյլի բանաձևը պետք է պարունակի անհրաժեշտ միկրոսնուցիչներ (ինչպես նաև բավարար քանակի կալորիա, սպիտակուց և օգտակար ճարպեր): Այդպիսով, Քաշի կառավարման սնուցող կոկտեյլը պարունակում է 23 վիտամին ու հանքանյութ, որոնք աջակցում են նյութափոխանակությանը, ուղեղի աշխատանքին ոև տեսողության օրգաններին, ոսկորների առողջությանը և ընդհանուր ինքնազգացողությանը:

Դրանք օգնում են.

• Պաշտպանել բջիջները օքսիդացնող սթրեսից (վիտամիններ C ու E, պղինձ, ցինկ),
• Նվազեցնել հոգնածությունը (վիտամիններ B ու C, երկաթ, մագնեզիում),
• Պահպանել իմունիտետը (վիտամիններ A, C ու D, սելեն, երկաթ, ցինկ),
• Պահպանել էներգիան ու նյութափոխանակությունը (վիտամիններ B ու C, կալցիում, մագնեզիում, մանգամ, ցինկ, պղինձ, երկաթ, յոդ),
• Պահպանել կոգնիտիվ ֆունկցիաները և մտավոր աշխատունակությունը (վիտամիններ B5, երկաթ, յոդ, ցինկ):

6. ԻՆՉԻ՞ ՀԵՏ ԿԱՐՈՂ ԵՄ ԽԱՌՆԵԼ ՔԱՇԻ ԿԱՌԱՎԱՐՄԱՆ ՍՆՈՒՑՈՂ ԿՈԿՏԵՅԼԸ

Քաշի կառավարման կոկտեյլի մեկ չափաբաժինը հավասարակշռված սննդի ընդունումն է՝ կալորիաների վերահսկելի քանակությամբ, որը հեշտ է պատրաստել՝ խառնելով կովի կամ սոյայի կաթի հետ:

Մեկ չափագդալ (25գ՝ մոտ 3 ճաշի գդալ) չոր խառնուրդ ավելացրեք 250 մլ կովի կաթի հետ 1,5% յուղայնությամբ կամ 310 մլ սոյայի կաթի հետ: Լավ խառնեք:

Կովի ու սոյայի կաթը տարբերվում են իրենց սննդարարությամբ: Հետևաբար, կոկտեյլի պատրաստման համար անհրաժեշտ է այս ըմպելիքների տարբեր քանակություն: Դա պետք է, որպեսզի բաղադրատոմսը համապատասխանի սննդի փոխարինման որակավորման չափանիշներին ու հասնի մեկ չափաբաժնում 20 գ սպիտակուցի նորմային:

Խորհուրդ չենք տալիս Քաշի կառավարման կոկտեյլը խառնել որևէ այլ հեղուկի հետ, օրինակ՝ ջրի կամ բուսական կաթի այլ տեսակների հետ, քանի որ այդ դեպքում վերջնական արտադրանքը չի համապատասխանի էնրգետիկ ու սնուցող բաղադրության խիստ չափանիշներն:

7. ՕՐԱԿԱՆ ՔԱՆԻ՞ ՉԱՓԱԲԱԺԻՆ ԿԱՐԵԼԻ Է ԽՄԵԼ ՔԱՇԻ ԿԱՌԱՎԱՐՄԱՆ ՍՆՈՒՑՈՂ ԿՈԿՏԵՅԼԻՑ

Օրական խորհուրդ տրվող նորման կազմում է 1-2 բաժին՝ կախված ցանկալի քաշից:

Քաշի նվազեցման համար. հետևելով կալորիաների սահմանափակ օգտագործմամբ սննդակարգին՝ փոխարինեք 3 հիմնական սննդի ընդունումից 2-ը (նախաճաշ, ճաշ կամ ընթրիք) Քաշի կառավարման սնուցող կոկտեյլով: Հիշեք, որ 3-րդ սննդակարգը պետք է հավասարակշռված լինի:

Առողջ սննդակարգի եւ քաշի վերահսկման համար. հետևելով կալորիաների սահմանափակ օգտագործմամբ սննդակարգին՝ փոխարինեք 3 հիմնական սննդի ընդունումից 1-ը (նախաճաշ, ճաշ և ընթրիք) Քաշի կառավարման սնուցող կոկտեյլով: Հիշեք, որ 2 սննդակարգերը պետք է հավասարակշռված լինեն:

Քաշի կառավարման սնուցող կոկտեյլը նախատեսված է սահմանափակ կալորիաներով սննդակարգի և սննդի այլ հավասարակշռված աղբյուրների կազմում օգտագործելու համար՝ ըմպելի ռեժիմին հետևելով ու կանոնավոր ֆիզիկական ակտիվությամբ: Վստահ եղեք, որ ձեր սննդակարգը հավասարակշռված է սնուցիչների քանակով, ունի ցածր կալորիականություն և հարուստ է սպիտակուցով ու սննդային մանրաթելերով, որպեսզի ավելի արդյունավետ կառավարեք Ձեր քաշը:

8. ԿԱՐՈ՞Ղ ԵՄ ՔԱՇԻ ԿԱՌԱՎԱՐՄԱՆ ՍՆՈՒՑՈՂ ԿՈԿՏԵՅԼՈՎ ՓՈԽԱՐԻՆԵԼ ՕՐՎԱ ԲՈԼՈՐ ՀԻՄՆԱԿԱՆ ՈՒՏԵՍՏՆԵՐԸ

Ոչ, դուք չեք կարող օրվա բոլոր հիմնական սննդի ընդունումները փոխարինել Քաշի կառավարման սնուցող կոկտեյլով, քանի որ այն չպետք է օգտագործվի որպես էներգիայի միակ աղբյուր: Կախված ձեր նպատակից՝ փոխարինեք 3 հիմնական սննդի ընդունումներից մեկը կամ երկուսը (նախաճաշ, ճաշ, ընթրիք) Քաշի կառավարման սնուցող կոկտեյլով:

9. ԻՆՉՊԵ՞Ս Է ԱՇԽԱՏՈՒՄ ՔԱՇԻ ԿԱՌԱՎԱՐՄԱՆ ՍՆՈՒՑՈՂ ԿՈԿՏԵՅԼԸ

Առկա գիտական տվյալները հաստատում են, որ կալորիաների սահմանափակ քանակությամբ սննդակարգում սննդի փոխարինիչների ներառումը ապահովում է երկարաժամկետ էֆեկտ քաշի նվազեցման հարցում: Ցածր կալորիականությամբ դիետայի խիստ պահպանման շնորհիվ՝ սննդի փոխարինիչներն ավելի լավ են աշխատում, քան ինքնուրույն նիհարելու փորձերը: Քաշի նվազեցման ավելի տպավորիչ արդյունքների հնարավոր է հասնել սննդի փոխարինիչները վարքագծի փոփոխության ու հանրության աջակցման հետ մեկտեղելով (Astbury, 2019):

Կոկտեյլը մշակված է Եվրոպական միության կողմից (EFSA, 2010) սահմանված անվտանգության խիստ չափանիշներին համապատասխան: Այն.

• Ունի պատրաստման պարզ եւ հարմարավետ եղանակ. մանրակրկիտ պլանավորած ու հավասարակշռած սննդակարգը պահպանում է հագեցվածություն և էներգիա, իսկ դա, իր հերթին, օգնում է խուսափել անառողջ սննդի հանդեպ ձգտումից:
• Օգնում է շտկել սննդակարգը. նոր առողջ սովորույթներին հետևելն ավելի հեշտ է, եթե հիմնովին չեք փոխելու կյանքի առօրյա ռեժիմը: Քաշի կառավարման սնուցող կոկտեյլը հեշտ է ադապտացվում ձեր կարիքներին ու դառնում կենսակերպ:
• Օգնում է վերահսկել չափաբաժինների չափը. սա լիարժեք սննդի ընդունում է, որի միջոցով հեշտ է հետևել օգտագործվող կալորիաների քանակը ու ստանալ անհրաժեշտ սնուցող նյութերը:
• Ապահովում է բարձրորակ սնունդ. կալորիաների ցածր քանակությամբ դիետայի սխալ պլանավորումը կարող է հանգեցնել կարևոր մակրո և միկրոսնուցիչների պակասորդի: Քաշի կառավարման սնուցող կոկտեյլը պարունակում է սպիտակուցներ, ածխաջրեր, սննդային մանրաթելեր, օգտակար ճարպեր, վիտամիններ ու հանքանյութեր, բայց միևնույն ժամանակ նվազ կալորիական է, քան սովորական սննդի ընդունումը:
• Պահպանում է հագեցվածության զգացողություն. ավելի հեշտ է պահպանել կալորիաների սահմանափակ քանակությամբ սննդակարգ, երբ անընդհատ չունես սովի զգացում: Քաշի կառավարման սնուցող կոկտեյլը պարունակում է ոչ միայն սպիտակուց, այլև սննդային մանրաթելեր, որոնք օգնում են ավելի արագ հագենալ ու պահպանել հագեցվածության զգացումը: Բացի այդ, սպիտակուցների մեծ պարունակությունը օգնում է պահպանել մկանային զանգվածը: 
• Ավելի արդյունավետ է համալիր մոտեցման դեպքում. սննդի փոխարինիչները հաջողության հասնելու ավելի մեծ շանս են ապահովում հավասարակշռված սննդի, կանոնավոր ֆիզիկական ակտիվության, որակյալ քնի և հանրության աջակցության հետ մեկտեղ, որը կարող է մոտիվացնել ձեզ ու մոտեցնել ձեր նպատակին:

10. ԿԱՐՈ՞Ղ ԵՄ ՍՊՈՐՏՈՎ ԶԲԱՂՎԵԼ ՔԱՇԻ ԿԱՌԱՎԱՐՄԱՆ ՍՆՈՒՑՈՂ ԿՈԿՏԵՅԼ ՕԳՏԱԳՈՐԾԵԼԻՍ

Կանոնավոր ֆիզիկական վարժությունները հիանալի միաձուլվում են Քաշի կառավարման սնուցող կոկտեյլի հետ, և հենց սա ենք մենք խորհուրդ տալիս քաշի հետ կապված ձեր նպատակներին հասնելու և դրանք պահպանելու համար: Ֆիզիկական ակտիվությունը ցածր կալորիականությամբ սննդակարգի հետ մեկտեղ ավելի արդյունավետ է նպաստում քաշի նվազեցմանը, քան պարզապես դիետան, և օգնում է պահպանել քաշը (McGuire, 1999), այդ պատճառով մեր արտադրանքը նախատեսված է հենց կանոնավոր ֆիզիկական ակտիվության հետ մեկտեղ օգտագործելու համար: Կանոնավոր ֆիզիկական ակտիվությունը նույնպես օգնում է պահպանել մկանային զանգվածը ցածր կալորիականությամբ դիետայի ժամանակ, այդպիսով բարելավելով մարմնի տեսքը (Cava, 2017): Սա վերաբերում է նաև ծանրաբեռնված մարզումներին: Քաշի նվազեցման համար խորհուրդ է տրվում կատարել միջին կամ բարձր ինտենսիվության մարզումներ՝ օրական առնվազն 30 րոպե (Rosenkilde, 2012): Ստորև ակտվությունների օրինակներ են, որոնք կարող են օգտակար լինել ոչ միայն մարմնի, այլև ամբողջ օրգանիզմի համար, ինչպես նաև կալորիաները, որ ծախսում է դրանցից յուրաքանչյուրի վրա 70 կգ կինը 30 րոպեի ընթացքում:

Ֆիզակտիվության օրինակներ		Ծախսած էներգիա/30 րոպե*
Վազք 10 կմ/ժ		375 կկալ
Լող		372 կկալ
Հեծանիվ >16 կմ/ժ		295 կկալ
Մարզասրահ (օր. HIIT)		260 կկալ
Պարեր (օր.`զումբա)		223 կկալ
Զբոսանք 5,5 կմ/ժ		145 կկալ
*Միջին կազմվածքի, 70 կգ կնոջ համար

Քունը եւ սթրեսի հաղթահարումն օգնում են վերահսկել քաշը

Մի մոռացեք լիարժեք հանգստի մասին։ Անհանգիստ քունը կապված է մարմնի զանգվածի մեծացման և ավելորդ քաշի ու ճարպակալման մեծ ռիսկի հետ (Beccuti, 2011, Patel, 2008):

Քունը շատ առավելություններ ունի, այն.

• Կարգավորում է ախորժակի հորմոնները. անբավարար քունը հաճախ առաջացնում է  քաղցի զգացողություն, ինչը, իր հերթին, կարող է մեծացնել կերակրի նկատմամբ հակումը և չափից ավելի շատ սնունդ ընդունելը:
• Նպաստում է դիետայի պահպանմանը․ անբավարար քունը ձեր ուղեղը դարձնում է իմպուլսիվ, ինչը դժվարացնում է հանկարծահաս ցանկությունների դիմադրելուն։ 
• Նվազեցնում է վնասակար սննդի հանդեպ ցանկությունը․ անբավարար քունը հաճախ սաստկացնում է բարձր կալորիականությամբ ու շաքարի պարունակությամբ սննդի հանդեպ ցանկությունը, քանի որ, ինչպես ուղեղն է կարծում, ինքը սոված է։ 
• Օգնում է լավագույնս վերականգնվել վարժություններից հետո և պահպանել մկանային զանգվածը. անբավարար քնի պատճառով վարժությունները ավելի ցավոտ և հյուծիչ են դառնում, ինչը դժվարացնում է դրանց կատարումը:
• Բարձրացնում է էներգիայի մակարդակը, ինչը նշանակում է, որ դուք ավելի շատ ուժ կունենաք սպորտի համար և կշարունակեք լինել ակտիվ. անբավարար քունը սովորաբար նվազեցնում է ֆիզիկական ակտիվությունը, քանի որ օրգանիզմը փորձում է պահպանել էներգիան:
• Օգնում է իմունային համակարգին. անբավարար քունը բացասաբար է անդրադառնում  իմունային համակարգի վրա՝ դժվարացնելով պայքարը վարակների դեմ։

Աշխատեք ամեն գիշեր քնել 7-9 ժամ և միջոցներ գտեք հաղթահարելու սթրեսը։ Առանց կերակրին դիպչելու սթրեսը վերահսկելու հիանալի միջոց է ինքնագիտակցման պրակտիկան և սթրեսից ազատվելու տարբեր մեթոդները, ինչպիսիք են խորը շնչառությունը, ուսերի պտույտները, գլուխը աջուձախ թեքելը և ժպիտը։ 

11. ԻՆՉՊԵ՞Ս ՊԱՐԶԵԼ, ԹԵ ՈՐՔԱՆ ԿԱԼՈՐԻԱ Է ԻՆՁ ԱՆՀՐԱԺԵՇՏ, ՈՐՊԵՍԶԻ ՆՎԱԶԵՑՆԵՄ ՔԱՇՍ ԿԱՄ ԱՅՆ ՊԱՀՊԱՆԵՄ

Ըստ էության, չկան այնպիսի կերակուրներ կամ էլ մակրոտարրեր, որոնք կարող են նպաստել ճարպակալմանը կամ էլ նիհարելուն. հենց ընդհանուր օգտագործված և ծախսված էներգիայով է որոշվում մարմնի զանգվածը (Jakicic, 2001): Եթե ցանկանում եք նվազեցնել ձեր քաշը, անհրաժեշտ է հասնել կալորիաների դեֆիցիտի, իսկ դրա ամենահեշտ ճանապարհը քիչ կալորիաներ ընդունելն է և ավելի շատ ծախսելը։ Եթե ցանկանում եք պահպանել ձեր քաշը, ուրեմն պետք է ուտեք այնքան, որքան անհրաժեշտ է կալորիաների նորման պահպանելու համար, իսկ դա նշանակում է, որ կալորիաների ընդունումն ու ծախսը պետք է հավասարակշռված լինեն (դրանց քանակի նվազեցման միտումով):

Մեծ տարբերություն կա քաշի կորստի և ճարպի կորստի միջև։ Շատերն ասում են, թե ուզում են նիհարել, բայց նրանց իսկական նպատակը «ճարպի քանակի նվազեցումն է»: Որպեսզի ազատվեք ճարպից, այլ ոչ թե մկաններից, պետք է սկսեք կալորիաների նվազագույն դեֆիցիտից և ձգտեք դանդաղ քաշ կորցնել (Jakicic, 2001): Նաև պետք է բավականաչափ սպիտակուցներ օգտագործեք և զբաղվեք ֆիզիկական վարժություններով, որպեսզի հնարավորինս ավելի շատ մկանային զանգված պահպանեք։

Մենք առաջարկում ենք շաբաթական քաշը նվազեցնել 0,5-1 կգ, որը անվտանգ և իրագործելի նպատակ է:

Քաշի ավելի արագ կորուստը օրգանիզմի համար կարող է սթրեսի պատճառ դառնալ և հանգեցնել մետաբոլիզմի (կալորիաների այրման) դանդաղեցմանը և ախորժակի բարձրացմանը: Ընդհանուր առմամբ, շաբաթական 0,5 կգ ճարպ այրելու համար ձեզ անհրաժեշտ է օրեկան 500 կալորիայի դեֆիցիտ (0,5 կգ ճարպը պարունակում է մոտ 3500 կկալ):

Որպեսզի հնարավոր լինի օրական սննդակարգից 500 կալորիա հաշվարկել, անհրաժեշտ է իմանալ, թե օրեկան որքան կալորիա պետք է օգտագործեք, իսկ դա նշանակում է, որ պետք է հաշվեք կալորիաները։ Գնահատման մի քանի եղանակներ կան, թե օրական քանի կալորիա պետք է օգտագործեք, որպեսզի նվազեցնեք քաշը. ամենապարզ միջոցը օնլայն հաշվիչն է (օրինակ՝ Calculator.net):

 

Անկախ կիրառած մեթոդից՝ անհրաժեշտ է վերահաշվարկել կալորիաների ձեր պահանջմունքները այն չափով, որքանով արագանում է քաշի նվազումը, քանի որ ձեր մետաբոլիզմի բազային արագությունը (ԲԱՄ) ևս փոխվում է համապատասխանաբար (Hall, 2018): Դա անհրաժեշտ է նաև եթե քաշի անկումը դանդաղում է (Hall, 2018): Դուք կարող եք նվազեցնել կալորիաների քանակը՝ ավելի քիչ սնունդ սպառելով, կամ էլ ավելացնել դրանց ծախսը՝ ավելի շատ մարզվելով։

 

Ընդհանուր խորհուրդ. չնվազեցնել օրական 1200 կալորիայից ավելի քիչ կանանց համար և 1500 կալորիայից քիչ՝ տղամարդկանց համար։ Պատճառն այն է, որ ձեր մարմնի ֆունկցիաները, ինչպիսիք են սրտի տրոփյունը և ուղեղի աշխատանքը, արդյունավետ չեն լինի առանց օրական որոշակի մակարդակի կալորիաների։

Կարևոր է նաև հասկանալ, որ եթե տառապում եք ավելորդ քաշից կամ էլ ճարպակալումից, դուք պետք է ձգտեք ազատվել մարմնի քաշի 5–10%-ից, քանի որ դա դրական է անդրադառնում առողջության վրա՝ հիվանդանալու ռիսկի նվազեցման հաշվին (Jakicic, 2001):

12. ԻՆՉՈ՞Ւ Է ԻՆՁ ԹՎՈՒՄ, ԹԵ ԵՍ ՉԵՄ ԿԱՐՈՂ ԱԶԱՏՎԵԼ ԱՎԵԼՈՐԴ ՔԱՇԻՑ ԵՒ ՊԱՀՊԱՆԵԼ ԻՄ ՔԱՇԸ ՑԱՆԿԱԼԻ ՄԱԿԱՐԴԱԿՈՒ

Քաշի անկման կարևորագույն գործոնը ընդհանուր քանակի կալորիաների նվազեցումն է սննդի օգնությամբ։ Չնայած օգտագործվող կալորիաների քանակի նվազեցումը (ցանկալի է նաև դրանց ծախսի ավելացումը) հեշտ է թվում, այնուամենայնիվ նվազեցնել քաշը և պահպանել այն ցանկալի մակարդակում ոչ միշտ է դյուրին․ շատերը հենց առաջին տարում կրկին կուտակում են կորցրած քաշի 30–50%–ը (Dulloo, 2015):

Շատ գործոններ կան, որոնց պատճառով չեք կարողանում հասնել ցանկալի արդյունքի։ Առավել տարածված պատճառները որոշակի բժշկական վիճակն է կամ էլ դեղերի օգտագործումը, որոնք նպաստում են քաշի ավելացմանը կամ էլ դժվարացնում են նիհարելը, բայց կան նաև այլ պատճառներ  (Dulloo, 2015):

• Անհագ քաղցի պատճառով քիչ կալորիականությամբ դիետա չպահելը և ցածր սննդային արժեքով վնասակար սննդի հանդեպ ցանկությունը:
• Քիչ կալորիաներով դիետան, որը հանգեցնում է քաշի արագ անկմանը, ընդ որում ճարպի փոխարեն սովորաբար շատ մկանային զանգված է կորչում, ինչն արդյունավետ չէ երկարատև հեռանկարում և բացասաբար է անդրադառնում մետաբոլիզմի վրա
• Ինչ–որ տարօրինակ դիետայի պահպանման փորձը, որը մեծացնում է այսպես կոչված արգելված կերակուրի հանդեպ ախորժակը, ինչն էլ հանգեցնում է այդ սննդի չափից շատ օգտագործմանը կամ էլ քիչ սնուցող նյութերի պարունակությամբ սննդակարգի:
• Այն բանի անտեղյակությունը, թե որքան սնունդ եք ընդունում, օրինակ՝ չհաշված ուտեստները, գիշերային թեթևակի ընթրիքները, քաղցր ըմպելիքները կամ էլ երեխաների թողած մնացորդները։ Նախատեսվածից ավելի մեծ քանակությամբ կալորիաների օգտագործումը հանգեցնում է նիհարելու պրոցեսի դանդաղեցմանը։ 
• Ոչ ակնհայտ հուզական պատճառա–հետևանքային կապը, որն ի սկզբանե հանգեցրել է քաշի ավելացմանը, և վարքագծի փոփոխությունների բացակայությունը:
• Առողջության և ինքնազգացողության մասին ճշգրիտ գիտելիքների բացակայությունը:
• Մտերիմների աջակցության բացակայությունը, ինչը կարող է ոգեշնչել և մոտիվացնել։

Հանգամանքները, որոնց պատճառով չեք կարողանում հասնել ցանկալի քաշին, շատ են, և դրանցից յուրաքանչյուրը բացառիկ է։ Հիշեք, որ քաշի նվազեցումն ու դրա պահպանումը սովորաբար ավելի հեշտ կընթանան, եթե պահպանեք համալիր մոտեցում, որն իր մեջ ներառում է հավասարակշռված սննդակարգ, ֆիզիկական ակտիվություն, բավականաչափ հանգիստ և աջակցություն մտերիմների կողմից։

13. ԻՆՉՊԵ՞Ս ԼԱՎԱԳՈՒՅՆՍ ՊԱՅՔԱՐԵԼ ՔԱՂՑԻ ԴԵՄ

Երբ պահպանում եք սահմանափակ կալորիաներով սննդակարգ՝ ինչ–որ պահի կունենաք քաղցի զգացում։ Դա միանգամայն նորմալ է, և անհանգստանալու առիթ չկա։ Այնուամենայնիվ սովորաբար ավելի հեշտ է պահպանել սահմանափակ կալորիաներով սննդակարգ, եթե դրա մեջ ներառեք այնպիսի կերակուրներ և ըմպելիքներ, որոնք երկար ժամանակով կհագեցնեն քաղցը։ Հագեցվածություն զգալով և չտանջվելով քաղցից՝ ավելի հեշտ է դիմանալ գայթակղությանը և հարկ եղածից ավելին չուտել։

Ընտրեք քիչ կալորիականությամբ մթերքներ՝ սպիտակուցների, սննդային միկրոտարրերի և ջրի մեծ քանակությամբ, որոնք ավելացնում են սննդի ծավալը։ Սննդակարգի մեջ ընդգրկեք նվազագույն մշակման ենթարկված կերակուրներ, ինչպիսիք են թռչնամիսը, ձկնեղենը, ձուն, կաթնամթերքը, լոբազգիները, հացահատիկավորները, բանջարեղենը, միրգը և հատապտուղները. այդպիսի կերակուրները հնարավորություն կտան ավելի երկար պահպանել հագեցածությունն ու էներգիան։ Այդ մթերքները պետք է կազմեն ձեր սննդակարգի հիմնական մասը։ 

Կարևոր է նաև օրվա ընթացքում բավականաչափ հեղուկ խմել, քանի որ ծարավը հաճախ շփոթում են քաղցի հետ։ Ուտելուց առաջ համոզվեք, որ ծարավ չեք։ Նախընտրելի է ջուրը, հետո՝ թեյը, սուրճը (առանց շաքարի): Եթե սովորաբար խմում եք քաղցր գազավորված ջուր՝ այն փոխարինեք դիետիկ տարբերակով. դա օգտակար կլինի ոչ միայն ատամների համար, այլև՝ կազմվածքի։ Լավագույն տարբերակը քաղցր գազավորված ջուրը սովորական ջրով փոխարինելն է։ 

Սահմանափակեք օգտագործումը, բայց պարտադիր չէ սնուցող նյութերի ցածր պարունակությամբ և բարձր կալորիականությամբ, ճարպերով և շաքարի պարունակությամբ մթերքները ամբողջությամբ բացառել։ Երբեմն վայելեք հրուշակեղեն, շոկոլադ, պաղպաղակ և կարտոֆիլ–ֆրի նույնիսկ այն ժամանակ, երբ դիետա եք պահում, քանի որ սննդակարգից այդ կերակուրների լիակատար բացառումը հաճախ հանգեցնում է «ամեն ինչ կամ ոչինչ» մոտեցման։ Այդպիսի մթերքները քիչ քանակությամբ կարելի է ներառել սննդակարգում, քանի որ դրանք անհրաժեշտ հագեցածություն չեն առաջացնում, մինչդեռ սննդակարգը հիմնականում բաղկացած կլինի օգտակար և սնուցող մթերքներից։ Բացի դրանից, ցանկացած քաղցրավենիք բացառող դիետա պահելու փորձերը սովորաբար երկարատև հեռանկարում արդյունավետ չեն։ Իսկ դիետայի պահպանումը քաշի նվազեցման հիմնական միջոցն է։

14. Ո՞ՐՆ Է ՏԱՐԲԵՐՈՒԹՅՈՒՆԸ ՔԱՇԻ ԿԱՌԱՎԱՐՄԱՆ ՍՆՈՒՑՈՂ ԿՈԿՏԵՅԼԻ ԵՒ NATURAL BALANCE ԱՊՈՒՐՆԵՐԻ ԵՒ ԿՈԿՏԵՅԼՆԵՐԻ ՄԻՋ

Natural Balance կոկտեյլները և ապուրները նախատեսված չեն որպես սննդի փոխարինիչներ օգտագործելու համար։ Դրանք թեթև, համեղ ու հարմար ուտելու տարբերակներ են, որոնք անհրաժեշտ են սննդի մեջ սպիտակուցների և սննդանյութերի ավելացման համար, ոչ թե սննդին փոխարինելու համար։ Պետք չէ Natural Balance կոկտեյլները և ապուրները ներկայացնել որպես քաշի կառավարման լուծում, քանի որ դրանք որպես փոխարինիչներ չեն համապատասխանում սննդի էներգետիկ և սննդային բաղադրության խիստ չափորոշիչներին:

Քաշի կառավարման սնուցող կոկտեյլը նախատեսված է սնունդը փոխարինելու համար։ Մեկ չափաբաժնում այն ավելի շատ սպիտակուցներ, ածխաջրեր, սննդային միկրոտարրեր, ճարպեր և կալորիա է պարունակում, քան Natural Balance կոկտեյլները և ապուրները, բայց պակաս կալորիական է, քան սովորական կերակուրը։ Քաշի կառավարման սնուցող կոկտեյլի պարունակության մեջ կան նաև անհրաժեշտ վիտամիններ և հանքանյութեր, որոնք չկան Natural Balance կոկտեյլների և ապուրների մեջ։

15. ԿԱՐՈ՞Ղ ԵՄ ԽՄԵԼ ՔԱՇԻ ԿԱՌԱՎԱՐՄԱՆ ՍՆՈՒՑՈՂ ԿՈԿՏԵՅԼԸ WELLNESS–Ի ԱՅԼ ԱՐՏԱԴՐԱՆՔՆԵՐԻ ՀԵՏ ՄԻԱՍԻՆ

Քանի որ քաշի կառավարման սնուցող կոկտեյլը պարունակում է 23 տեսակի վիտամիններ և հանքանյութեր, միշտ չէ, որ այն համատեղելի է Wellness–ի բոլոր հավելումների մեջ պարունակվող վիտամիննեի և հանքանյութերի հետ։ Խորհուրդները կարող են տարբերվել՝ կախված չափաբաժինների քանակից և կովի կամ սոյայի կաթի խառնուրդից։ Ստորև ներկայացված աղյուսակում կարող եք տեսնել, թե օգտագործման համար մթերքների որ համադրություններն են անվտանգ։

ԱՐՏԱԴՐԱՆՔՆԵՐԻ ՀԱՄԱԴՐՈՒԹՅՈՒՆ		ՔԱՇԻ ՊԱՀՊԱՆՈՒՄ (օրական 1 բաժին)		ՔԱՇԻ ՆՎԱԶԵՑՈՒՄ (օրական 2 բաժին)
Wellness Pack		ԱՅՈ		ՈՉ
«Բազմավիտամիններ և հանքանյութեր»		ԱՅՈ		ՈՉ
«Աստաքսանտին և հապալասի մզվածք»		ԱՅՈ: 1պատիճ		ԱՅՈ: 1պատիճ
«Օմեգա-3»		ԱՅՈ		ԱՅՈ
«Ծովային կալցիում ու վիտամին D»		ԱՅՈ: 1 կամ 2 հաբ		ՈՉ: Եթե խառնեք կովի կաթի հետ ԱՅՈ: 1 կամ 2 հաբ, եթե խառնեք սոյայի կաթի հետ
Սնուցող համալիր մազերի ու եղունգների համար		ԱՅՈ		ԱՅՈ
«Բազմավիտամիններ և հանքանյութեր» + Սնուցող համալիր մազերի ու եղունգների համար		ՈՉ		ՈՉ

Քաշի կառավարման սնուցող կոկտեյլը և Wellness հավելումներն օգտագործելիս՝ մենք խորհուրդ ենք տալիս գգուշություն ցուցաբերել մեծ քանակությամբ այլ սննդային միկրոնյութեր օգագործելիս, ինչպիսիք են Natural Balance կոկտեյլներն ու սալիկները, ինչպես նաև քաշի կառավարման սննդային միկրոնյութերով Պրեբիոտիկ ըմպելիքը։ Եթե Պրեբիոտիկ ըմպելիքը համադրենք քաշի կառավարման սնուցող կոկտեյլի հետ, դա կարող է չափից ավելի խթանել աղիների միկրոֆլորան, ինչը որոշ մարդկանց մոտ կարող է տհաճ զգացողություն առաջացնել։ Դրանից խուսափելու համար մթերքներն օգտագործեք օրվա տարբեր ժամերի, անհրաժեշտության դեպքում նվազեցրեք չափաբաժինները և հավելումները աստիճանաբար ներմուծեք։ Այդպիսի անհարմարավետությունը կարող է անհարմարություն առաջացնել, բայց այն վնասակար չէ։ Մթերքների օգտագործման միջև ժամանակահատվածը պետք է 2 ժամից պակաս չլինի։

16. ԻՆՉՈ՞Ւ Է ՍՏԱՄՈՔՍՈՒՄ ՏՀԱՃ ԶԳԱՑՈՂՈՒԹՅՈՒՆ ԱՌԱՋԱՆՈՒՄ ՔԱՇԻ ԿԱՌԱՎԱՐՄԱՆ ՍՆՈՒՑՈՂ ԿՈԿՏԵՅԼՆ ՕԳՏԱԳՈՐԾԵԼԻՍ

Քաշի կառավարման սնուցող կոկտեյլը մեծ քանակությամբ սննդային միկրոտարրեր է պարունակում և դրա օգտագործման կտրուկ ավելացումը կարող է տհաճ զգացողություն առաջացնել ստամոքսում։ Սննդային և հատկապես պրեբիոտիկ միկրոտարրերը սնուցում են աղիների միկրոբիոտը։ Աղիների ուժեղ խթանումը օգտակար է առողջությանը, բայց այն կարող է առաջացնել մետեորիզմ, փքվածություն, թեթևակի լուծ և այլն։ Չնայած այդ երևույթները կարող են անհարմարություն առաջացնել, բայց դրանք վտանգավոր չեն և հետզհետե պետք է նվազեն։ Եթե ստամոքսում տհաճություն եք զգում սնուցող կոկտեյլը սկսեք օրական մեկ չափաբաժնից և աստիճանաբար ավելացրեք մինչև երկու չափաբաժին՝ սնունդ ընդունելու միջև բավականաչափ ժամանակ թողնելով, և մի մոռացեք շատ հեղուկ խմել։ Օրական սննդային միկրոտարրերի օգտագործումն ավելացնելիս՝ կարևոր է նաև ավելացնել ջրի օգտագործումը։

Ստամոքսում տհաճ զգացողության պատճառ կարող է լինել նաև չափից շատ կովի կաթի օգտագործումը։ Այն իր մեջ պարունակում է լակտոզա, որը մարսողական համակարգում քայքայվում է լակտազայի ֆերմենտի հետ։ Բայց ոմանք շատ զգայուն են լակտոզայի հանդեպ, ինչը նշանակում է, որ նրանք լակտազայի ֆերմենտի դեֆիցիտ ունեն։ Այսպիսով, քայքայվելու փոխարեն չմարսված լակտոզան տեղափոխվում է մարսողական համակարգ, որտեղ այն. 1) իրեն է ձգում ջուրը և առաջացնում ստամոքսի խանգարում 2) սնուցում է աղիների միկրոբիոտան, ինչը առաջացնում է մետեորիզմ և գազեր։ Ստամոքսում տհաճ զգացողությունը կախված է նրանից, թե որքան լակտոզա կարող եք մարսել։ Սովորաբար լակտոզայի հանդեպ զգայուն մարդիկ կարող են քիչ քանակությամբ այն ընդունել, օրինակ՝ կովի կաթի հիմքով մեկ չափաբաժին կոկտեյլ  (250 մլ): Եթե ձեր օրգանիզմը չի ընդունում լակտոզա կամ էլ զգայուն է դրա հանդեպ՝ կարող եք օգտագործել առանց լակտոզայի կոկտեյլ կամ էլ սոյայի հիմքով։ Ուշադրություն դարձրեք, որ քաշի կառավարման սնուցող կոկտեյլի չոր խառնուրդը բուսական հիմքով է և չի պարունակում կաթնամթերք կամ էլ լակտոզա, եթե խառնված չէ կովի կաթի հետ։

Եվ վերջին, բայց ոչ պակաս կարևոր խորհուրդը․ օրվա ընթացքում սննդի փոխարինիչ օգտագործելիս անհրաժեշտ է պարտադիր խմել նաև բավականաչափ հեղուկ, գերադասելի է՝ ջուր։ Մեծահասակները պետք է օրական խմեն 1–1,5 լ հեղուկ՝ ի հավելումն սննդի հետ ներմուծվող ջրի։ Սնունդը միջին հաշվով 1–1,5 լ ջուր է ապահովում (միրգը, բանջարեղենը, յոգուրտները, ապուրները և այլն): Եթե որոշ ժամանակ ստամոքսում տհաճ զգացողությունը շարունակվում է, ապա գուցե այն ուրիշ պատճառներ ունի, և մենք խորհուրդ ենք տալիս դիմել բժշկի, որպեսզի քննարկենք մթերքի օգտագործման հնարավորությունը։

17. ԵՍ ԿԱՐՈ՞Ղ ԵՄ ՕԳՏԱԳՈՐԾԵԼ ՔԱՇԻ ԿԱՌԱՎԱՐՄԱՆ ՍՆՈՒՑՈՂ ԿՈԿՏԵՅԼ, ԵԹԵ ՄԱՐՍՈՂՈՒԹՅԱՆ ԽԱՆԳԱՐՈՒՄ ՈՒՆԵՄ

Եթե նախկինում ունեցել եք մարսողության խանգարում կամ հիմա էլ ունեք և սննդի հանդեպ զգույշ եք, ապա այդ մթերքն օգտագործելուց առաջ խորհրդակցեք բժշկի կամ դիետոլոգի հետ։

18. ԵՍ ՀԻՎԱՆԴ ԵՄ ԵՒ ԴԵՂԵՐ ԵՄ ՕԳՏԱԳՈՐԾՈՒՄ։ ԻՆՁ ԿԱՐԵԼԻ՞ Է ՕԳՏԱԳՈՐԾԵԼ ՔԱՇԻ ԿԱՌԱՎԱՐՄԱՆ ՍՍՈՒՑՈՂ ԿՈԿՏԵՅ

Քաշի կառավարման սնուցող կոկտեյլը սովորական կերակուր է։ Այն դեղ չէ և նախատեսված չէ հիվանդություններ բուժելու կամ ինչ–որ ախտանշաններ թեթևացնելու համար։ Ցանկացած հիվանդության կամ առողջական խնդիրների դեպքում միշտ խորհրդակցեք ձեզ բուժող բժշկի հետ։

19. ԵՍ ՈՒՆԵՄ ՍՆՆԴԱՅԻՆ ԱԼԵՐԳԻԱ: ԿԱՐՈ՞Ղ ԵՄ ՕԳՏԱԳՈՐԾԵԼ ՔԱՇԻ ԿԱՌԱՎԱՐՄԱՆ ՍՆՈՒՑՈՂ ԿՈԿՏԵՅԼ

Նայեք արտադրանքի բաղադրությանը: Եթե բաղադրիչներից որևէ մեկից ալերգիա ունեք, օրինակ՝ հատիկավորներից (լոբի կամ ոլոռ), պետք չէ օգտագործել կոկտեյլը: Ուշադրություն դարձրեք, որ արտադրանքն արտադրվում է այնպիսի ձեռնարկությունում, որը նաև վերամշակում է ծծմբի երկօքսիդ ու սուլֆիտ: Եթե վստահ չեք, խորհրդակցեք բժշկի հետ:

20. ԿԱՐՈ՞Ղ ԵՄ ՕԳՏԱԳՈՐԾԵԼ ՔԱՇԻ ԿԱՌԱՎԱՐՄԱՆ ՍՆՈՒՑՈՂ ԿՈԿՏԵՅԼ ՀՂԻՈՒԹՅԱՆ ԿԱՄ ԿՐԾՔՈՎ ԿԵՐԱԿՐՄԱՆ ԺԱՄԱՆԱԿ

Եթե հղիություն եք պլանավորում, հղի եք կամ կերակրում եք կրծքով, խորհրդակցեք բժշկի հետ: Ամեն դեպքում, հղիությունը կամ կրծքով կերակրումը ամենահարմար պահը չէ քաշի նվազեցման փորձարկումներ անելու համար, քանի որ դուք ունեք էներգիայի կարիք երեխայի զարգացումն ապահովելու և կաթի բավարար քանակ արտադրելու համար:

21. ԱՆՎՏԱ՞ՆԳ Է ԵՐԵԽԱՆԵՐԻՆ ՏԱԼ ՔԱՇԻ ԿԱՌԱՎԱՐՄԱՆ ՍՆՈՒՑՈՂ ԿՈԿՏԵՅԼ

Քաշի կառավարման սնուցող կոկտեյլը ստեղծված է մեծահասակների համար (18+), ու կարող է խորհուրդ տրվել միայն մեծահասակներին: Այն պարունակում է 23 վիտամին ու հանքանյութ այն քանակով, որն անհրաժեշտ է մեծահասակների առողջության պահպանման համար: Արտադրանքը մշակված չէ երեխաների համար, և մենք խորհուրդ չենք տալիս այն օգտագործել երեխաների համար: Երեխաներին խորհուրդ ենք տալիս առաջին հերթին պահպանել հավասարակշռված ու բազմազան սննդակարգ, որն իր մեջ ներառում է բազմաթիվ սնուցող նյութեր՝ մրգեր, հատապտուղներ, բանջարեղեն, ամբողջահատիկներ, ոչ յուղոտ կաթնային արտադրանքներ, բարձրորակ պահքի միս, ձուկ, ձու և ջուր: