Շուրթերի հարդարման նոր միտումները

Շուրթերը մնում են սեզոնի գլխավոր միտումը: Սակայն ամառային վառ գույներին գալիս են փոխարինելու աշնանային երանգները: Շրթներկի վառ, երիտասարդական երանգները իրենց տեղը զիջում են ավելի հասուն, խորը և հատապտղային երանգներին:

Մրգային շարք

Այս տարվա աշուն-ձմեռ սեզոնի նորաձևության ցուցադրությունները նայելիս՝ առաջին հիշվող շտրիխը մոդելների ալ կարմիր շուրթերն են: Ռոքսանա Իլինիչի ցուցադրությանը աղջիկների մաշկը, որին թեթևակի տարածված էր սնգույր, կատարյալ համադրվում էր բալագույն երանգի փայլատ շրթներկի հետ: Իսկ ACNE Studios դիզայներները սեզոնի գլխավոր երանգ ընտրեցին կարմիրը: Ուշադրությունը շուրթերից չշեղելու համար մոդելների մազերը հավաքած էին հետ:  

Նորաձև բազմաշերտություն

Խորը և խիտ կարմիր երանգը պահանջում է բազմաշերտություն: Marchesa-ի ցուցադրությանը սալորագույնն առանձնանում էր մեծ քանակությամբ փայլով՝ այդ կերպ ընգծելով ոչ միայն շուրթերն, այլև աչքերի «խոնավ» հարդարումը: Carolina Herrera-ն և Dolce & Gabbana-ն նույնպես դիմել էին բազմաշերտությանը՝ ստեղծելով իրենց ֆիրմային երանգները, սակայն կիրառել են փայլատ արդյունք, իսկ աչքերն ընդգծել պոչիկներով:

 

Նաբաթի շուրթեր

Ըստ Chloe և Topshop Unique ապրանքանիշերի դիզայներների՝ աշնանային գամման պետք է լինի թարմ ու շատ ուրախ: Այտերին մի քիչ վարդագույն, չհարդարված աչքեր և խնամված հոնքեր: Այս ֆոնի վրա մորեգույն շուրթերը խաղում են կարևորագույն դեր: Թեթևակի ուռչած շուրթեր՝ լուսավորված նաբաթի կարամելային փայլով. բնական գեղեցկությունն իր գրավիչ դրսևորմամբ:

 

Տեքստ Ֆոտո Getty Images