1. ԿԼՈՐԱՎՈՒՆ ՁԵՎՎԱԾՔ
Կլոր ձևվածքներ ականջօղերում, վզնոցներում և անգամ պայուսակներում. ամենանորաձևը շրջանն է:
Մի քանի արծաթագույն զարդ, օրինակ՝ օղեր կամ վզնոց, գեղեցիկ բռնակով պայուսակ. այսպիսի կերպարանքը կհամապատասխանի գրասենյակային ոճին ու քո առօրյա կերպարին: Երեկոյի համար խաղա՛ հակադրությունների վրա. գործվածքներն ու պաստելային գույները համադրի՛ր մինիմալիստական կլոր աքսեսուարների հետ: Կստացվի և՛ խիստ, և՛ շատ կանացի:
2. ՌՈՄԱՆՏԻԶՄՆ ՈՒ ԲՈՒՍԱԿԱՆ ՄՈՏԻՎՆԵՐԸ
Այս տարի նորաձև է համադրել հնարավոր ամեն ինչ: Արտասովոր գույներ, աքսեսուարների ձևեր, վառ դիմահարդարում և օրիգինալ դիզայն. թող քո կերպարը տարբերվի մյուսներից:
Խորհուրդ. գունեղ աքսեսուարները կօգնեն վերակենդանացնել կերպարները, իսկ թարմ պաստելային երանգները կամ բուսական մոտիվներով գունազարդումները ուրախություն կպարգևեն:
3. ՀԱԿԱԴՐՈՒԹՅՈՒՆ
Լակոնիկ կերպարը լավագույնս ընդգծում են վառ ու մեծ զարդերը: Այսպիսի համադրությունը տեղին է և՛ գրասենյակում, և՛ նորաձև ցուցադրությանը:
Խորհուրդ. ցանկացած հագուստ ավելի տեսանելի կլինի՝ շնորհիվ վզնոցի, իսկ դրա նուրբ ժապավենները ռոմանտիզմ կավելացնեն:
4. ՊԱՍՏԵԼԱՅԻՆ ԳՈՒՅՆԵՐ ԵՎ ԳԵՂԱՆԿԱՐՉԱԿԱՆ ԳՈՒՆԱԶԱՐԴՈՒՄ
Համադրի՛ր հակադիր զույգեր, օրինակ՝ պաստելային գույներն ու նյուդ երանգները, մանուշակագույն աքսեսուարներն ու վառ մարջանագույն զարդերը:
Խորհուրդ. նույն գույներն օգտագործիր նաև դիմահարդարման մեջ: Փայլի բնական երանգ կամ վարդագույն շրթներկ, ռոմանտիկ սմոքի այզ գարնանային գույների մեջ կամ նուրբ սնգույր. կյանքդ լցրո՛ւ ռոմանտիզմով:
5. ԱՆՓԱՅԼՆ ՈՒ ՓԱՅԼՈՒՆԸ
Ուլտրափայլուն և անփայլ միջոցներով դիմահարդարումը կապահովի նրբագեղ, միևնույն ժամանակ աշխույժ կերպար: Համադրի՛ր եթերային երանգները նրբագեղ ոսկյա շեշտադրումների ու փայլուն լաքապատ պայուսակի հետ:
Խորհուրդ. ցերեկային կերպարը երեկոյան դարձնելու համար փորձի՛ր անփայլ կոսմետիկան և կրի՛ր աչքի ընկնող զարդեր: Օրինակ՝ փայլատ արդյունքով թաց ստվերաներկ, հայլայթեր՝ շողացող մաշկի համար, քառակուսի ականջօղեր կամ կախազարդերով վզնոց:
