1. ԵՐԿԱՐ ՄՈՐՈՒՔ
Եթե վաղուց էիր ուզում պահել մորուք, սակայն կասկածում ես, ապա կներկայացնենք մի քանի փաստ, որոնք կօգնեն քեզ ընդունել ճիշտ որոշում։ Մորուքը զտում է վնասակար ուլտրամանուշակագույն ճառագայթման մինչև 95%-ը, պահում է ալերգենները՝ հեշտացնելով ասթմատիկների կյանքը, 100%-ով օգնում է ազատվել սափրիչից առաջացած կտրվածքներից, տաքացնում է ցուրտ եղանակին և ծառայում որպես ամորտիզացիա՝ բռնցքամարտով զբաղվելիս (չնայած՝ մենք խորհուրդ ենք տալիս օգտագործել պրոֆեսիոնալ պաշտպանիչ հանդերձանք)։ Եթե այս փաստերը համոզիչ չէին, կարող ենք նաև ավելացնել, որ մորուքը 2017-ին տղամարդկանց համար ամենից գլխավոր միտումն է։ Որոշ ոճաբաններ խորհուրդ են տալիս այն սանրել՝ վայրի տղամարդու կերպար ստեղծելու համար, սակայն դա տեղին է միայն անձնական դերձակն ունենալու դեպքում։
2. ՊԱՐԶԱՊԵՍ ՄՈՐՈՒՔ
Մեծ մորուքը նման է երկար մազերի կամ հսկայական մկանային համակարգի։ Այն աճում է ոչ բոլորի մոտ, սակայն դա պատճառ չէ միտումներից հետ մնալու համար։ Անգամ եթե հիփստերային մորուքը քեզ համար ասոցացվում է ֆանտաստիկ ոլորտից որևէ բանի հետ, միշտ էլ կարող ես պահել եռօրյա ստևամազ։ Ճիշտ խնամքի դեպքում՝ այս տարբերակը չի զիջի նախորդին։ Եթե հանկարծ որոշես փորձել ավելին, մի մոռացիր կանոնավոր խնամքի մասին։ Մորուքը հավասարեցրու հնարավորինս հաճախ, լավագույնը՝ ամեն օր, լվա այն և սանրիր, ինչպես նաև օգտագործիր մազերի յուղ։
3. ՀԵՆՑ ՆՈՐ ԱՆԿՈՂՆՈՒՑ
Առավել բնական տարբերակը՝ ալիքավոր մազեր ունեցողների համար։ Դեմքը պարուրող ալիքավոր գանգուրները կամ գեղարվեստորեն ցցված գանգուրները հարմար են ռոմանտիկ էություն ունեցողներին, ովքեր օրեր շարունակ վայելում են բոհեմյան հաճույքներ, բրիտ-փոփի սիրահարներին և բոլոր նրանց, ովքեր չեն կարողանում հրաժարվել անցած դարի 70-80-ականների մշակութային ժառանգությունից. The Doors խումբ, գունազարդ, կիպ շալվարներ և խոշոր օձիքով վառ շապիկներ։ Ոճաբանները (և մենք) խորհուրդ են տալիս հետևյալ տարբերակները. մեծացրած կողային հերաբաժուկներ, սանրվածք Աֆրո ոճով՝ ամենաբարդը՝ անփութորեն ընկած մազերն են՝ ասես հենց նոր ես գլուխդ բարձրացրել բարձից։
4. ՄԻԵՎՆՈՒՅՆՆ Է
Գանգուրների հարցում ոչ բոլորն են հաջողակ։ Սակայն պետք չէ հուսալքվել։ Ուղիղ մազերը նույնպես համադրվում են այս տարվա միտումների հետ։ Օպտիմալ համադրությունը՝ սթայլինգի միջոցի մեծ քանակություն + լայն ատամներով սանր։ Աշխարհը պետք է տեսնի, որ դու աշխատանք ես տարել սարվածքիդ վրա։ Որպես տարբերակ՝ ոճաբաններն առաջարկում են կրկին նորաձև wet look-ը, որը ստեղծելու համար քեզ անհրաժեշտ է անհավանական քանակությամբ մազի գել կամ ճակատին հերափնջով սանրվածքներ։
5. ՄԵՔԵՆԱՅԻՆ ՀԱՄԱՊԱՏԱՍԽԱՆ
Շատերը դեռ այս ոճն անվանում են «սպորտային», չնայած՝ սպորտայինի մասն այստեղ այնքան է, որքան և քո New Balance սպորտային կոշիկներում։ «Սանրվածք №2»-ի առավելությունները (սարքի գլխիկի համարն է) առաջին հերթին հարմարությունն է և բարդ խնամքից ու առավոտյան հարդարանքից խույս տալու հնարավորությունը։ Նոր սեզոնին մեզ հետ են մնում վեց միլիմետրանոց կտրվածքը, սակայն այժմ պլանավորում ենք ազատվել ավելորդ մինիմալիզմից։ Սա ստանալու ամենապարզ տարբերակը՝ ավելացնել գույն։ Ակտուալ են ոսկեգույնը, ֆլուորեսցենտիկ վարդագույնը, ինչպես նաև սեզոնի գլխավոր երանգը՝ էլեկտրիկ կապույտ։ Որքան անսովոր, այնքան լավ։
