ԵՐԱՆԳԱՅԻՆ ՀԻՄՔԻ ՎՐՁԻՆ
Այս վրձինն անհրաժեշտ է երանգային հիմքը տարածելու համար: Մազիկների կլորավուն ձևի շնորհիվ՝ այն ապահովում է միջոցի արագ, հարմար ու համաչափ տարածում: Հարմար է բոլոր տեսակի երանգային հիմքերի տարածման համար՝ թե՛ հեղուկային, թե՛ քսուքային բաղադրությամբ: Օրինակ՝ այսպիսի:
Ինչպես օգտագործել. երանգային հիմքը սկսիր տարածել դեմքի կենտրոնական հատվածից՝ հետզհետե անցնելով դեպի ճակատ և պարանոց: Այս մեթոդը թույլ կտա միջոցը համաչափ տարածել դեմքի բոլոր հատվածներին:
ԴԻՄԱՓՈՇՈՒ ՎՐՁԻՆ
Անհրաժեշտ է բոլոր տեսակի դիմափոշիները տարածելու համար՝ սկսած խիտ դիմափոշուց, վերջացրած ստվերագծողով: Սովորաբար այսպիսի վրձինն ունի հովհարի տեսք և հարմար է թե՛ դիմափոշու տարածման, թե՛ շպարի ավարտից հետո դիմահարդարման ավելցուկները հեռացնելու համար:
Ինչպես օգտագործել. դիմափոշին տարածիր վրձնի համաչափ, շրջանաձև շարժումներով՝ մաշկի համաչափ երանգն ապահովելու համար:
ՎՐՁԻՆ՝ ՔՈՂԱՐԿԻՉԻ ՀԱՄԱՐ
Տափակ վրձնի ծայրն ունի կլորավուն ձև և կատարյալ է քողարկիչ, դիմահարդարման հիմք, ինչպես նաև աչքերի շուրջ հատվածին և քթի երկու կողմերին քողարկող այլ միջոցներ տարածելու համար: Մեզ դուր է գալիս Քողարկիչի F05 վրձինը:
Ինչպես օգտագործել. մատների բարձիկների օգնությամբ նուրբ, տպտպացնող շարժումներով տարածիր քողարկիչը, այնուհետև վրձնի օգնությամբ կատարիր անհրաժեշտ շտկումներ՝ մինչև միջոցի՝ մաշկի հետ ձուլվելը:
ՀՈՎՀԱՐԱՁԵՎ ՎՐՁԻՆ՝ ԴԻՄԱՓՈՇՈՒ ՀԱՄԱՐ
Տափակ, հովհարաձև վրձինն անհրաժեշտ է դիմափոշու, հայլայթերի, սնգույրի և բրոնզերի ճշգրիտ ու հստակ տարածման համար: Նուրբ մազիկները երկար ժամանակ պահպանում են ձևը և հեշտությամբ լվացվում են: Ընտրի՛ր F04 դիմափոշու հովհարաձև վրձինը:
Ինչպես օգտագործել. վրձնով վերցրու դիմափոշու կամ սնգույրի քիչ քանակություն, թափահարելով հեռացրու ավելցուկները և միջոցը տարածիր համաչափ, շրջանաձև շարժումներով:
ՇԵՂ ՎՐՁԻՆ՝ ՍՆԳՈՒՅՐԻ ՀԱՄԱՐ
Այս վրձնի շեղ ծայրը կատարյալ է սնգույրի, հայլայթերի և դիմափոշու համաչափ տարածման, ինչպես նաև ստվերագծման համար: Մեր ընտրությունը՝ F02 սնգույրի շեղ վրձին:
Ինչպես օգտագործել. հստակ, սլացիկ այտոսկրեր ստանալու համար անհրաժեշտ է տանել հստակ գիծ՝ սկսած ականջի միջին հատվածից մինչև շուրթերի անկյուն՝ օգտագործելով սնգույրի վրձնի սուր ծայրը: Շարժվի՛ր ներքևից դեպի վերև՝ այտոսկրերի գծի հստակությունն ապահովելու համար: Ուզո՞ւմ ես դեմքին հաղորդել փայլ: Ժպտա՛ և սնգույրի վրձնի վերին հատվածով հպվիր այտերի արտահայտված «խնձորակներին»: Շարունակիր մինչ սնգույրի համաչափ տարածվելը:
ՇՐԹՆԵՐԿԻ ՎՐՁԻՆ
Այս վրձինն ունի սեպաձև տեսք և խիտ մազիկներ, ինչը թույլ է տալիս հստակորեն ընդգծել շուրթերն ու հեշտությամբ տարածել շրթներկը: Մեր L01 վրձինն ունի փակվող կափարիչ: Այսպես դու կարող ես այն պահել պայուսակում և անհրաժեշտության դեպքում շտկել դիմահարդարումդ:
Ինչպես օգտագործել. առավել բաց երանգ ունեցող շրթներկը տարածիր շուրթերիդ կենտրոնական հատվածին, իսկ առավել մուգը՝ ծայրերին: Այսպես դու տեսողաբար շուրթերիդ կհաղորդես հավելյալ ծավալ:
ԳԾԱՆԵՐԿԻ ՎՐՁԻՆ
Ուզո՞ւմ ես տարածել գծաներկ և ստվերաներկ: Օգտագործի՛ր այս վրձինը: Այն հարմար է ինչպես հեղուկային բաղադրություն ունեցող միջոցների, այնպես էլ չոր կազմությամբ միջոցները տարածելու համար: Ունի էրգոնոմիկ ձև և սուր ծայր, ինչը թույլ է տալիս առանց հավելյալ ջանքերի հասնել անգամ ամենից դժվարհասանելի անկյուններին և ամբողջությամբ ներկել ստորին և վերին կոպերը:
Ինչպես օգտագործել. սկսի՛ր բարակ գծերից, իսկ այնուհետև, անհրաժեշտության դեպքում, կարող ես նաև հաստացնել: Բավական է փոքր-ինչ սեղմել, մնացածը վրձինը կանի ձեր փոխարեն:
ՍՏՎԵՐԱՆԵՐԿԻ ԵՐԿԿՈՂՄԱՆԻ ՎՐՁԻՆ
Այսպիսի վրձինն ունի 2-ը 1-ում դիզայն՝ փոքրիկ կլորավուն վրձին՝ մի կողմից և սպունգ՝ մյուս կողմից: Այս վրձնի օգնությամբ կարող ես տարածել քսուքային, չոր և փոշենման բաղադրություն ունեցող ստվերաներկեր ցանկացած եղանակով՝ թե՛ չոր, թե՛ թաց: Հարմար վրձնի օգնությամբ կարող եք տարածել ստվերաներկի մի քանի շերտ և հասնել կատարյալ արդյունքի: Սպունգը կօգնի գունակներ տարածելու և աչքերի անկյունները ներկելու հարցում: Առաջարկում ենք E02 ստվերաներկի երկկողմանի վրձինը:
Ինչպես օգտագործել. փոքրիկ վրձինն օգտագործիր կոպի ծալվող հատվածին ստվերաներկ կամ հոնքերի տակ հայլայթեր տարածելու համար: Սպունգը հարմար է նաև մատիտի ստվերագծման համար: Այս վրձինը հեշտությամբ կօգտագործի անգամ ամենից անփորձը:
ՍՏՎԵՐԱԳԾԵԼՈՒ ՎՐՁԻՆ
Կլոր ծայրով խիտ ու փափուկ վրձինը հարմար է ստվերաներկի ստվերագծման, գունակի տարածման, ուրվագծման և կոպի ծալվող հատվածը ներկելու համար: Մեր ընտրությունը՝ E01:
Ինչպես օգտագործել. վրձինը կատարյալ է աչքերի հարդարումը ստվերներկերով ավարտելու համար: Դու կունենաս գույների սահուն փոփոխմամբ ստվերագծման կատարյալ արդյունք: Եվ ոչ մի կտրուկ անցում:
ՍԱՆՐ-ԽՈԶԱՆԱԿ՝ ՀՈՆՔԵՐԻ ԵՎ ԹԱՐԹԻՉՆԵՐԻ ՀԱՄԱՐ
Կոշտ մարզիկներն առանց բարդության կսանրեն չլսող մազերն ու կստվերագծեն գույնը, իսկ սանր-վրձինը կառանձնացնի թարթիչներն ու կհեռացնի սևաներկից առաջացած գնդերը: Առաջարկում ենք E04 վրձինը:
Ինչպես օգտագործել. սևաներկը տարածելուց հետո զգուշորեն սանրիր թարթիչները՝ սկսելով արմատներից և շարժվելով դեպի ծայրեր: Օգտագործիր երկրորդ կողմը՝ հոնքերին գունակ տարածելու կամ մատիտը ստվերագծելու համար:
ՇԵՂ ՎՐՁԻՆ՝ ՀՈՆՔԵՐԻ ՀԱՄԱՐ
Շեղ ծայրով հոնքերի վրձինն անհրաժեշտ է հոնքերին ձև կամ ծավալ հաղորդելու համար: Մեզ դուր է գալիս E03 մոդելը:
Ինչպես օգտագործել. հոնքերի հարդարումը միշտ սկսիր այն հատվածներից, որտեղ մարզիկներն ամենաբարակն են և աշխատիր տանել մանր, այլ ոչ երկար գծիկներ: Սա կօգնի ստանալ հոնքերի բնական երանգ ու տեսք:
