Մաշկը երիտասարդացնող խնամք

1. Մաքրում

Մաքրող միջոց

Առաջին քայլն օգնում է մաքրել մաշկը աղտոտվածությունից և մահացած բջիջներից։ Այս քայլի շնորհիվ՝ կոսմետիկական միջոցները ներծծվում են ավելի լավ ու ապահովում անհրաժեշտ արդյունք։ Օգտագործիր մաքրող միջոցն առավոտյան և երեկոյան՝ մաշկի դիմահարդարումը, ճարպն ու այլ աղտոտվածությունը հեռացնելու համար։

Տոնուսավորում

Տոնուսավորումը հանգստացնում է մաշկը, խոնավացնում և նախապատրաստում խնամքի այլ միջոցների կիրառմանը։ Օգտագործիր տոնուսավորող միջոցները՝ դիմահարդարման հետքերը հեռացնելու, մաշկը խոնավացնելու և ձգելու համար։

2. Աչքերի շուրջ հատվածի խնամք

Քսուք՝ աչքերի շուրջ հատվածի համար

Աչքերի շուրջ հատվածի մաշկը բարակ է և նուրբ, ծերության հետքերն այստեղ հայտնվում են ավելի վաղ։ Աչքերի շուրջ հատվածի քսուքներն ունեն առավել թեթև կազմություն, և դրա շնորհիվ ներծծվում են ավելի լավ։ Դրանք չեն պարունակում բուրահաղորդիչներ՝ գրգռվածություն չառաջացնելու համար։ Քսուքը տարածիր աչքերի շուրջ հատվածին առավոտյան և երեկոյան՝ կնճիռների առաջացումը, մուգ շրջանակները և այտուցվածությունը կանխարգելելու համար։

3. Ամրացնենք արդյունքը

Ցերեկային և գիշերային քսուքների ազդեցությունն ուժեղացնելու լավագույն տարբերակը շիճուկի կիրառումն է։ Շիճուկները պարունակում են բարձր խտության ակտիվ նյութեր և ներթափանցում մաշկի մեջ արագ ու խորը՝ ապահովելով լավագույն արդյունք։ Շիճուկը տարածիր ամեն օր՝ ցերեկային կամ գիշերային քսուքն օգտագործելուց առաջ։

4. Խոնավացում

Ցերեկային քսուք

Առավոտյան խնամքն ավարտիր ցերեկային քսուքի կիրառմամբ, որը կխոնավացնի քո մաշկը և կպաշտպանի այն շրջակա միջավայրի բացասական գործոններից։ Անպայման օգտագործիր SPF-ով միջոցներ՝ ուլտրամանուշակագույն ճառագայթներից պաշտպանվելու համար։ Ցերեկային քսուքն անհրաժեշտ է տարածել դեմքին, պարանոցին և լանջաբացվածքին՝ խուսափելով աչքերի շուրջ հատվածից։

Գիշերային քսուք

Գիշերը քո մաշկը հանգստանում է ու վերականգնվում, ինչի շնորհիվ դառնում է առավել ընկալունակ գիշերային քսուքի բաղադրության մեջ առկա հզոր բաղադրիչների նկատմամբ։ Այն անհրաժեշտ է տարածել շիճուկից անմիջապես հետո՝ մաշկի երիտասարդությունը վերականգնելու համար։