1. ՊԱՏՐԱՍՏԻՐ ՄԱՇԿԸ
Քնելուց առաջ մշտապես հեռացրու դիմահարդարումդ՝ օգտագործելով մաքրող միջոցներ, մի մոռացիր շաբաթական 1-2 անգամ սկրաբ օգտագործել: Ինչո՞ւ: Այսպես կօգնես մաշկիդ անհրաժեշտ կերպով ներծծել հեղուկը:
Քայլ առաջին. ընտրի՛ր համապատասխան մաքրող միջոց:
Քայլ երկրորդ. օգտագործի՛ր մաշկը մաքրող սարքավորում ամսական մի քանի անգամ:
Քայլ երրորդ. շաբաթական 1-2 անգամ սկրաբ օգտագործիր:
Արդյունքը. մաքուր մաշկն ավելի լավ է պատրաստված հետագա խնամքին: Խոնավացնող միջոցները լավ են ներծծվում, դրանց ակտիվ բաղադրիչներն ավելի արդյունավետորեն են ազդում:
2. ԸՆՏՐԻ՛Ր ԵՐԱՆԳԱՅԻՆ ՄԻՋՈՑՆԵՐ 2-Ը 1-ՈՒՄ
Մաշկի ցանկալի փայլատությանը հասնելու համար շատերն օգտագործում են դիմափոշի: Սակայն հասուն մաշկի դեպքում դիմափոշին այնքան էլ լավ չի դրսևորում իրեն և դեմքին չորացած տորթի տեսք է հաղորդում՝ ընդգծելով կնճիռները: Առաջարկում ենք կոմպրոմիսային լուծում. բազմաֆունկցիոնալ CC-քսուք Giordani Gold: Թեթև կառուցվածքի և Brightening Technology հակատարիքային տեխնոլոգիայի շնորհիվ՝ միջոցը հեշտությամբ ներծծվում է, ստեղծում է համաչափ երանգ և քողարկում է բորբոքումները, ինչպես նաև կանխում է գունակային հետքերի, դիմախաղի և խորը կնճիռների առաջացումը: Ավելացնենք նաև ինտենսիվ խոնավացումը և SPF 35 գործոնը՝ ֆոտոծերացումից պաշտպանելու համար: Անհրաժե՛շտ է վերցնել:
3. ՓԱՅԼ, ՈՉ ԹԵ ՇՐԹՆԵՐԿ
Եթե վերջին անգամ շուրթերի փայլ դպրոցում ես օգտագործել, խորհուրդ ենք տալիս վերհիշել մոռացված լավագույն հինը: Փայլը տեսանելիորեն ծավալ է հաղորդում շուրթերին և ստեղծում է ավելի թարմ ու երիտասարդ կերպար, քան մուգ գույներով շրթներկը: Ընտրի՛ր դեղձագույն կամ վարդագույն երանգը կամ համադրի՛ր թափանցիկ փայլը բաց գույնի շրթներկի հետ:
4. ՀՈՆՔԵՐԻԴ ՃԻՇՏ ՁԵՎ ՀԱՂՈՐԴԻՐ
Հոնքերի սխալ ընտրված ձևը կարող է մատնել կամ նույնիսկ ավելացնել տարիքը: Հոնքերը կարող են բարակել և նոսրանալ: Ի՞նչ անել: Վերանայիր հարդարանքիդ պայուսակը և ձեռք բեր հոնքերը շտկող հավաքածու: Այստեղ կա անհրաժեշտ ամեն ինչ՝ հոնքերի բնական կորություն ընդգծելու, դրանց գույն և ձև հաղորդելու, այսինքն՝ հայացքն ավելի բաց դարձնելու համար:
5. ՄԱՇԿԻԴ ՓԱՅԼ ԱՎԵԼԱՑՐՈՒ
Մաշկին թարմ փայլ և հանգստացած տեսք կարելի է հաղորդել սթրոբինգի տեխնիկայի օգնությամբ: Այն լուսավորում է մաշկի այն հատվածները, որտեղ բնական կերպով լույսն ավելի շատ է ընկնում, և ցրում է խորը ստվերները: Քեզ անհրաժեշտ է The ONE քսուք-հայլայթերը, հովհարաձև վրձին կամ խոնավ սպունգ:
Առաջին քայլ. հայլայթերը տարածիր ստորին թարթիչների տակ, ընդգծիր հոնքերի տակ ակնակապիճի ոսկորի հատվածը և կետ դիր աչքի ներքին ակյունում՝ հայացքն «արթնացնելու» համար:
Երկրորդ քայլ. կետ դիր հոնքի կորացման հատվածում, գունաբացի՛ր ճակատի միջնամասը, քթի առաջնամասը, վերին շրթունքի «ալիքը» և դնչի ուռուցիկ հատվածը:
Երրորդ և վերջին քայլ. մատնեմատով հայլայթերը տարածիր այտոսկրի տակ և երկարացրու գիծը մինչև աչքի արտաքին անկյուն: Ուրվագծի՛ր մատներով, հովհարաձև վրձնով կամ թաց սպունգով՝ բնական լուսավորման տպավորություն ստեղծելու համար: Պատրա՛ստ է:
6. ՄԻ ԽՈՒՍԱՓԻՐ ՎԱՐԴԱԳՈՒՅՆ ԱՅՏԵՐԻՑ
Ի՞նչ է երիտասարդությունը: Բաց հայացք, հետաքրքրասիրություն, եռացող էներգիա և անվախություն: Առողջություն, շարժում և... վարդագույն այտեր: Հիշո՞ւմ ես՝ ինչ հիասքանչ տեսք ունի մաշկը վազքից, յոգայից կամ անտառային զբոսանքից հետո: Այժմ «նկարիր» նույնպիսի պատկեր դեմքիդ: Թարմ ու բնական կերպար ստանալ կօգնի սնգույրը: Ընտրի՛ր վարդագույն կամ դեղձագույն երանգներ (ամենանորաձևն այս տարի), եթե մաշկդ բաց երանգի է, նարնջագույն կամ վարդամանուշակագույն երանգներ, եթե մաշկդ բեժ է, կարմրաշագանակագույն՝ թուխ մաշկի դեպքում:
7. ԲԱՐՁՐ ՊՈՉ ԿԱՊԻՐ
Այսպիսի սանրվածքն օգնում է բացել դեմքը և տեսանելիորեն ավելի նեղացնել այն, ինչպես նաև ընդգծել այտոսկրերն ու թարմություն հաղորդել ցանկացած կերպարի: Այն հարկի է և՛ գրասենյակում, և՛ թատրոնում, և՛ լողափին, և՛ մարզասրահում: Մազերիդ խնամքին նաև Eleo սնուցող յուղ ավելացրու, 2-3 ամիսը մեկ անգամ կտրի՛ր ճյուղավորված ծայրերը և գլուխդ բա՛րձր պահիր:
