ՀՐԱԺԱՐՎԻ՛Ր ՔՆՆԱԴԱՏՈՒԹՅՈՒՆԻՑ
Հաճախ քո ոխերիմ թշնամին հենց դու ես: Խստորեն քննադատում ես քեզ սխալներիդ համար նույնիսկ ավելի վաղ, քան դա կնկատեն շրջապատումդ: Պետք է շտապ փոխել ներքին երկխոսության տոնը: Քեզ սխալվելու հնարավորություն տուր: Առանց դրա զարգացում չի լինի:
ԱՎԵԼԻ ՇԱ՛Տ ՇԱՐԺՎԻՐ
Ֆիզիկական վարժություններն ուղղակիորեն տանում են դեպի առողջություն և էմոցիոնալ հաշվեկշռի: Հեշտ է մի փոքր սեր նվիրել ինքդ քեզ. շարժվի՛ր, վայելի՛ր պահն ու արդյունք ստացիր: Սպորտով զբաղվիր ոչ թե կատարյալ կազմվածքի, այլ պարզապես քանի որ այն քեզ դուր է գալիս: Հենց փոխես մոտիվացիադ, կվերանա նաև դիմադրությունը. վարժությունները կընկալվեն որպես պարգևատրում, ոչ որպես պատիժ:
ԳԻՏԱԿՑԻ՛Ր
Երբ գլուխդ գաղափարներից պտտվում է, թույլ տուր ինքդ քեզ մի փոքր դադար առնել էկրաններից և տեղեկատվության անվերջ հոսքից: Հանգստացի՛ր: Նկատիր՝ ինչ է կատարվում շուրջդ: Երբ ճանապարհին ես, մի կտրվիր իրականությունից, ուշադրություն դարձրում ծառերի տերևներին և խաղացող երեխաներին: Եղիր այստեղ և հիմա: Հետո դու կհիշես հենց այդ պահերը, ոչ թե գեղեցիկ մշակված նկարները ինստագրամում:
ԸՆՏՐԻ՛Ր
Շոկոլադ՝ ընթրիքին. հնարավոր է, երբեմն դա ինքդ քո հանդեպ սիրո դրսևորում է: Բայց սա չպետք է շարունակական բնույթ կրի: Հենց այս պահին «ուզում եմ»-ի օգտին ընտրության դեպքում կարող ես մնալ մենակ դատարկ դրամապանակի և վատ ինքնազգացողության հետ: Հրաժարվի՛ր գինու վերջին բաժակից և գումարդ ծախսի՛ր քեզ իսկապես անհրաժեշտ իրերի վրա՝ իմպուլսիվ, ոչ պրակտիկ գնումների փոխարեն: Հանուն ապագայի:
ՊԱՀՊԱՆԻ՛Ր ՀԱՇՎԵԿՇԻՌԸ
«Օրակարգ». հնչում է տխուր, բայց հենց դա է քեզ օգնում չմոռանալ նպատակներիդ, առողջ սննդի կամ սպորտի մասին: Քեզ նվիրիր կյանք, որի մասին երազում ես. չէ՞ որ հենց դա՛ է սերը սեփական անձի հանդեպ: Նոր սովորություններ ստեղծիր. առողջ նախաճաշ ամեն օր, օգտակար հավելումներ, ամենօրյա շարժում և նախասիրություն, որը քեզ երջանկություն է բերում: Գրկում ենք:
