5 դիմակ, որոնք քեզ անհրաժեշտ են

Դրանք լիցքաթափում են, ինտենսիվորեն խնամում են և ծանր օրվանից հետո պարգևում են 15 րոպե սիրելի սերիալի հետ մենակ մնալու հնարավորություն: Դիմակներ. դրանցից պետք է ունենալ շատ՝ մաշկի տարբեր վիճակների և անհրաժեշտությունների համար: Օգնում ենք կողմնորոշվել

Գելային
Կատարյալ տարբերակ, երբ մաշկդ հոգնած տեսք ունի: Համակարգչի առաջ անցկացրած երկար ժամեր, դժվար շաբաթ կամ երեկույթ մինչև առավոտ. մենք գիտենք՝ ինչպես օգնել մաշկին թարմանալ: Գելային դիմակները սիրված են իրենց թեթև կառուցվածքի, արագ խոնավացնելու և տոնուսավորելու հատկությունների շնորհիվ: Փորձի՛ր նորույթը՝ Love Nature նարնջով և թզով. բաղադրությունում առկա բուսական մզվածքները մաշկին փայլ են հաղորում, իսկ բո~ւյրը...

Լայֆհեք. դիմակը թող սառնարանում 10-15 րոպե տարածելուց առաջ: Թարմացնող արդյունքը կօգնի նաև այտուցվածության դեմ պայքարել:

Կավե
Դարեր շարունակ կավն օգտագործում են մաշկը խորությամբ մաքրելու համար. դրա օգտակար հատկությունների մասին գիտեին դեռևս հին Եգիպտոսում: Արդյունքն ապացուցված է հազարամյակներով: Կավի հիմքով դիմակները հավասարակշռում են մաշկն ու ծակոտիներից դուրս քաշում աղտոտվածությունը, նշանակում է՝ այն հատկապես օգտակար է յուղոտ, խառը տիպի և խնդրահարույց մաշկի համար: Մաքրող դիմակ՝ բրնձով և սպիտակ թեյով. իսկական շտապօգնություն սև կետերի դեմ:

Լայֆհեք. կավե դիմակն ավելի լավ արդյունք կտա մաշկը նախապես գոլորշահարելու և ծակոտիները բացելու դեպքում: Դեմքիդ որոշ ժամանակ տաք սրբիչ հպիր կամ տաք ջրով թասի առջև նստիր՝ գոլորշահարելով դեմքդ: Հակացուցված է զգայուն մաշկի, լայնացած անոթների, կուպերոզի և ռոզացեայի հակվածության դեպքում:

Քսուքային
Ձգվածության զգացողությունը կարող է փչացնել ողջ օրդ. իսկապես չոր մաշկ ունեցողները կհասկանան: Որքան հաճելի է տարածել նուրբ, սնուցող դիմակի շերտն ու զգալ՝ ինչես է այն հանգստացնում մաշկը: Քսուքային դիմակները ինտենսիվորեն խոնավացնում են մաշկը, սնուցում, անցկացնում են թեփոտվածությունն ու խնամում են՝ բաղադրությունում առկա բնական բաղադրիչների շնորհիվ: Օրինակ՝ այդպիսին է նոր Love Nature մորիով և անանուխով դիմակը:

Լայֆհեք. մի՛ լվացվիր քսուքային դիմակից հետո: Պարզապես թղթե անձեռոցիկով կամ խոնավ սրբիչով մաքրիր մնացորդները. այդպես մաշկն ավելի սնուցված և խնամված կլինի:



Կտորե
Մաշկի խնամքի թեժ միտում, որը չի շտապում զիջել դիրքերը: Այսպիսի դիմակի առավելությունը բարձր խտությամբ ակտիվ բաղադրիչների առկայությունն է, որոնք խորությամբ ներթափանցում են մաշկի մեջ՝ շիճուկի հեղուկ կառուցվածքի և գործվածքային հիմքի շնորհիվ: Գործվածքային դիմակներն ունեն ազդեցության ամենալայն շրջանակը՝ խոնավացնողից մինչև anti-age: Իսկ գլխավորը՝ դրանք լվանալու անհրաժեշտություն չկա, նշանակում է՝ կարելի է օգտագործել ամենուր. ինքնաթիռում, սպա-երեկույթին ընկերուհիների հետ և սեփական լոգասենյակում: Չգիտե՞ս ինչից սկսել: Փորձի՛ր բազային խնամքը՝ նռով և խաղողով հակաօքսիդիչ դիմակ: Այն օգտակար է ոչ միայն մաշկի, այլև մոլորակի համար. դիմակը պատրաստված է էկոլոգիական գործվածքից՝ փայտի գերբարակ մազաթելերի հիմքով:

Լայֆհեք. շիճուկը, որը կմնա փաթեթի վրա, կարելի է տարածել պարանոցին, լանջաբացվածքին, ձեռքերին և նույնիսկ ծնկներին. հատվածներ, որոնք դեմքի պես առաջինն են մատնում տարիքն ու լրացուցիչ խնամքի կարիք ունեն:

Գիշերային
Մաշկը հենց գիշերվա ընթացքում է առավել ընկալունակ ակտիվ բաղադրիչների հանդեպ: Դու քնած ես, իսկ գեղեցկությունն ավելանում է: Ինչպե՞ս չօգտվել բնության կողմից տրված այսպիսի առավելությունից: Ոչ մի դեպքում սովորական դիմակը մի թող գիշերվա ընթացքում, քեզ անհրաժեշտ է արտադրանք, որը նախատեսված է հենց նմանատիպ գործածության համար: Օրինակ՝ հիալուրոնաթթվով և սնուցող յուղերով հարստացված NovAge գիշերային դիմակը:

Լայֆհեք. այսպիսի դիմակն օգտագործիր ոչ թե առանձին, այլ որպես համալիր խնամքի մաս: Շաբաթական 1-2 անգամ տարածի՛ր գիշերային քսուքի փոխարեն, երբ իսկապես անհրաժեշտ է գեղեցկության քուն: Պատրաստված մաշկի վրա դիմակը շատ ավելի լավ կազդի: