ԴԻՄԱՓՈՇԻ՞, ԻՆՉԻ՞ ՀԱՄԱՐ Է ԱՅՆ ԱՆՀՐԱԺԵՇՏ
Դիմափոշին ունի մի շարք օգտակար հատկություններ: Այն հարթեցնում է մաշկի երանգը և հաղորդում փայլ, տեսողաբար նվազեցնում ծակոտիները և հեռացնում դիմահարդարման ավելորդ փայլը: Դիմափոշին նաև օգնում է շպարի հիմքին պահպանվել ավելի երկար և չի թողնում, որ այն ծորա շոգ կամ խոնավ եղանակին:
Ի՞ՆՉ Է ԽԻՏ ԴԻՄԱՓՈՇԻՆ
Խիտ դիմափոշին հաղորդում է փայլատ տեսք, հիմքին հաղորդում կայունություն և պահպանում ավելի երկար, քան փխրունը (ի դեպ, փխրունն ավելի դժվար է տարածել): Խիտ դիմափոշին հեշտությամբ կտեղավորվի քո պայուսակի մեջ, ինչը միջոցը դարձնում է գրավիչ՝ ճամփորդությունների համար: Կիրառել դիմափոշու վրձնի կամ խավափնջիկի օգնությամբ:
Մեր ընտրությունը՝ Խտացված հանքային դիմափոշի Giordani Gold - բաց երանգ:
Ի՞ՆՉ Է ՓԽՐՈՒՆ ԴԻՄԱՓՈՇԻՆ
Փխրուն դիմափոշին հաղորդում է ավելի թափանցիկ արդյունք, քան խիտը: Այն տարածելու համար քեզ անհրաժեշտ է դիմափոշու փափուկ կամ խոշոր վրձին: Սկզբում դեմքի ամբողջ մակերեսին տարածիր մեկ, բարակ շերտ, այնուհետև վրձնի օգնությամբ հեռացրու ավելցուկները: Արդյունքում պետք է ստացվի նրբագեղ և բնական արդյունք: Փխրուն դիմափոշին հարմար է ամենօրյա օգտագործման համար, սակայն միջոցի տարածման բարդության պատճառով՝ այն հարմար չէ կրել պայուսակում:
Մեր ընտրությունը՝ Փխրուն դիմափոշի The ONE
«Ստուգի՛ր՝ արդյոք դիմափոշու երանգը հարմար է քո մաշկին՝ այն տարածելով այտոսկրերին նույն մեթոդով, ինչպես և երանգային հիմքը»:
ՓԱՅԼԱՏ ԿԱՄ ԹԱՓԱՆՑԻԿ ԱՐԴՅՈՒՆՔ
Փայլատ դիմափոշին ստեղծում է նրբագեղ «ճենապակյա» արդյունք, այն դեպքում, երբ թափանցիկներն օգնում են պահպանել մաշկի երիտասարդ, փայլող և, ընդհանուր առմամբ, անթերի տեսքը: Դիմափոշի ընտրելիս մի՛ մոռացիր որոշել քո մաշկի տիպը (ներքևում մենք կբացատրենք, թե ինչու):
ԸՆՏՐՈՒՄ ԵՆՔ ԴԻՄԱՓՈՇՈՒ ԵՐԱՆԳԸ
Երանգի ընտրությունը կատարելիս վերցրու այն, որը հնարավորինս մոտ է քո մաշկի երանգին: Գույնը ստուգիր՝ դիմափոշին տարածելով այտոսկրերին, ինչպես դա անում ես երանգային հիմքի ընտրությունը կատարելիս: Տո՛ւր քեզ փորձարկելու ժամանակ, չէ՞ որ ճիշտ երանգն ընտրելը չափազանց կարևոր է:
ԻՆՉՊԵՍ ՏԱՐԱԾԵԼ ԴԻՄԱՓՈՇԻՆ՝ ՀԱՄԱՊԱՏԱՍԽԱՆ ՔՈ ՄԱՇԿԻ ՏԻՊԻՆ
Չոր մաշկի դեպքում դիմափոշին տարածիր երանգային հիմքը տարածելուց հետո: Հատուկ ուշադրություն դարձրու աչքերի շուրջ հատվածին և մաշկի այն հատվածներին, որոնք առանձնանում են իրենց չորությամբ: Միշտ մաշկից հեռացրու դիմափոշու ավելցուկները: Չոր մաշկի համար լավագույն տարբերակը թափանցիկ դիմափոշին է, օրինակ՝ Փխրուն դիմափոշի The ONE-ից:
Յուղոտ մաշկ ունենալու դեպքում դիմափոշին տարածիր մաշկի խնդրահարույց հատվածներից ավելորդ արտադրությունը հեռացնելուց հետո: Դիմափոշու ավելի շատ քանակություն տարածիր Т-հատվածին և բոլոր այն հատվածներին, որտեղ բնորոշ է անցանկալի փայլը: Փայլատ դիմափոշին, օրինակ՝ The ONE Matte Velvet Խտացված դիմափոշին, հարմար է մաշկի հենց այս տիպի համար:
