Եկեք լինենք անկեղծ. Մեր ամանորյա խոստումներից շատերը վաղուց մոռացված են: Ֆիտնեսի բաժանորդագրությունը, չպահպանվող սննդակարգը: Լավ սովորություններին վերադառնալը դժվար է: Եվ եթե դու (ինչպես մենք) հաճախ ես ընկնում ծայրահեղությունների մեջ, առավել դժվար է: Մենք կպատմենք՝ որ սովորություններից է անհրաժեշտ մեկընդմիշտ հրաժարվել հանուն գեղեցկության:
Երբևէ չմաքրել հեռախոսի մակերեսը
Տհաճ է այս մասին խոսել, սակայն մանրէների քանակությամբ քո հեռախոսի մակերեսը չի զիջի անգամ հանրային օգտագործման զուգարանակոնքին: Եթե քո դեմքի միայն մեկ կողմում նկատվում են բորբոքվածություններ, մեղավորը կարող է լինել բջջային հեռախոսը: Միացրո՛ւ hands-free համակարգը՝ մաշկի հետ կոնտակտը նվազագույնի հասցնելու համար, և օգտագործի՛ր հակամանրէային անձեռոցիկներ՝ էկրանը մաքրելու համար:
2. Սեղմել բշտիկները
Դժվար թե կարողանաս կառավարել բշտիկների առաջացումը, սակայն դու ունես գործողությունների ընտրության տարբերակներ՝ դրանց հայտնվելու դեպքում: Այստեղ մենք վստահում ենք քո խոհեմությանը. Բորբոքվածությունը կմնա 2-3 օր, իսկ սխալ սեղմելուց հետո առաջացած սպին կմնա ողջ կյանքի ընթացքում: Առաջացե՞լ է բշտիկ, հաշտվի՛ր: Ոչինչ մի արա, այլապես դու կհասցնես ավելի շատ վնաս, քան կտաս օգուտ:
Ինչպես սննդամթերքը, այնպես էլ կոսմետիկան ունի պիտանիության ժամկետ: Սևաներկերի մեծամասնությունը հնարավոր է օգտագործել 6 ամսից ոչ ավել ժամկետում, իսկ շուրթերի փայլի կամ եղունգների լաքի ժամկետը հաճախ սահմանափակվում է մեկ տարով: Դեմքին քսուքային երանգային հիմք ես տարածելում (մաքուր) մատներով, աշխատի՛ր ժամանակ առ ժամանակ փորձել այլ միջոցներ:
4. Եղունգները կրծոտել
Կրծոտած եղունգների գլխավոր խնդիրը այն է, որ մենք անգիտակացաբար բավականին հաճախ ենք մատը տանում բերանը: Փորձի՛ր օգտագործել դառնահամ եղունգների լաքեր (այո, այդպիսիք գոյություն ունեն) կամ անել գելային մանիկյուր, որի շնորհիվ այս զբաղմունքը կդառնա պարզապես անհնար:
5. Չափից ավելի չորացնել մազերը
Մազերը վնասելը ավելի հեշտ է, քան դու կարծում ես: Այս խնդրից խուսափելու համար վարսահարդարիչի կամ մազերը գանգրացնելու սարքի կարգավորումներն ընտրելիս՝ նախապատվությունը տուր ցածր ջերմաստիճանով ռեժիմին և մշտապես օգտագործի՛ր մազերի պաշտպանիչ ցողաշիթ: Կորցրած խոնավությունը լրացնելու համար շաբաթը մեկ օգտագործի՛ր նաև դիմակ:
6. Քնելուց առաջ չհեռացնել շպարը
Քնելը շատ օգտակար է, սակայն դիմահարդարումը չհեռացնելով քնելը՝ բավականին վնասակար: Այս վատ սովորությունը կարող է դառնալ բշտիկների առաջացման, չոր մաշկի և անգամ թափվող թարթիչների պատճառ: Չարժե այդպես անել: Կայուն սևաներկը հնարավոր է հեռացնել դիմահարդարումը հեռացնող միջոցի օգնությամբ, իսկ տոնիկը կօգնի շատ արագ հեռացնել շպարի մնացորդները: Անգամ չափից շատ հոգնած լինելու դեպքում հնարավոր է գտնել մի քանի րոպե՝ դիմահարդարումը մաքրելու համար:
7. Չօգտագործել SPF-ով միջոցներ
Ամենավատ սովորույթը SPF-պաշտպանությամբ միջոցները շրջանցելն է: Անգամ ամպամած եղանակի դեպքում՝ օգտագործի՛ր SPF: Մենք խոստանում ենք՝ դեմքի և պարանոցի մաշկը շնորհակալ կլինի:
8. Հոնքերը մոլեռանդորեն հանել
Հոնքերը մշտապես հեռացնելու դեպքում կարող ես թուլացնել այդ մազիկները, այնպես որ այստեղ կարևոր է չափը չանցնել: Թո՛ղ հոնքերդ աճեն, այնուհետև այցելի՛ր կոսմետոլոգին, ով հոնքերիդ կհաղորդի անթերի ձև՝ հարմար քո դեմքին:
9. Երբեք չմաքրել դիմահարդարման վրձինները
Դու մաքրում ես դեմքի մաշկի կոսմետիկան ամեն օր, իսկ ի՞նչ կասես դիմահարդարման վրձինների մասին: Հիանալի է, եթե դու այն դրանք լվանում ես տարին մեկ: Սա քո ընտրությունն է, սակայն մաքուր վրձիններն ապահովում են միջոցի առավել համաչափ տարածում, ինչպես նաև կանխարգելում մաշկի վրա մանրէների բազմացումը և ծակոտիների խցանումը:
